Marcu 9:28 - ꞌRe Ihâimana Uꞌâsi Mono Zadawa Wasuꞌu

²⁸ Taha pari, ma asisi 'ri para u, Zezusi norĩ hã. Tame hâiba pisutu ma tô si'ãma sadanharĩ za'ra, isiré 're inomro mono norĩ hã: — E niha bâ bété wa norĩ hã, wa'uburé ma, wa te rob'ru za'ra nherẽ, wa te wasiwi imei waihu'u õ, tãma.

Marcu 9:28 ပူးပေါင်းရင်းမြစ်များ

Mateu 13:10

Tawamhã isiré 're inomro mono, ma tô Zezusihi u hã ubumro. Taha wamhã, ma oto ãne siwi sadanha: — E marĩ wa, te romnhimiré'é na si dama 're irowahutu mo.

Mateu 13:36

Tawamhã Zezusi hã ma tô dawi mo. Dawi morĩ wamhã, ma tô 'ri para u ãzé. Tawamhã isiré 're inomro mono norĩ hã ma tô 'râwi itẽme ubumro, te te siwi sadanharĩ da, ãne: — Ma'ãpé wama waihu'u za'ra na. E marĩ na ma tô wab'ru na hã ãma iromnhimiré. E marĩ te wasu'u.

Mateu 15:15

Tawamhã Pedru te ãma 'mahâ ãne, Zezusi hã: — Ma'ãpé taha na ãma wama rowasu'u za'ra na, ãma iromnhimiré'ézé wa te waihu'u za'ra da.

Marcu 2:1

Suru na ãma ronomro parip si, ma Zezusi norĩ hã apâ aihutu, Cafanau na danhipti'a nho'õmo nhisi u. Tawamhã awa'awi ma iwasu'u hã ropé, 'ri para ãma oto ihâimana na, Zezusi hã.

Marcu 3:20

Tawamhã Zezusi hã 'ri tẽme oto morĩ wamhã, da'ahâ na ma duré itẽme dasito. Itẽme dasito mono wa, Zezusi norĩ hã saihuri waihu'u õ di.

Marcu 4:10

Tawamhã dazahutu parip si, ni'wam norĩ dame isimasa hã ma tô itẽme sina rotété za'ra dawa'rãmi, aibâ 12 na ihâiba norĩ me. Tawamhã ãne te siwi 'mahâ: — E niha amnho potozém na ãma irowasu'uzé hã.

Marcu 4:34

Tinhimiromnhimiré'é na si, ma tô te te dama 're rowasu'u. Tisiré 're inomro mono norĩ ma si, ma tô hâiba pisutu za'ra, te te tãma 're awaihu'u pese, sõ'awi.

Marcu 7:17

Tawamhã te te dama rowasu'u pari, te oto ai'aba'ré, 'ri tẽme, tisiré 're inomro mono norĩ me. Tawamhã 'ri tẽme sihutu wapsi, te oto siwi sadanha, isiré 're inomro mono norĩ hã, marĩ na te te dama irowasu'uzém na hã te te tãma waihu'u za'ra da, 'râwi 're idasiwasété za'ra mono zém na hã.

Marcu 9:27

Tane nherẽ, ma tô Zezusi hã ai'repudu hã pa'â. Ma tô hâiwi wahutu, para na sab da.

Marcu 9:29

Tawamhã asa ma Zezusi hã ãne tãma waihu'u za'ra: — 'Re ihâimana u'âsi mono ma, te za a'â 're damreme zusi ãma. Taha parip si, dama waihu'u pese di za, wa'uburé hã dama 're iwairébé mono zéb da hã.