Marcu 9:27 - ꞌRe Ihâimana Uꞌâsi Mono Zadawa Wasuꞌu

²⁷ Tane nherẽ, ma tô Zezusi hã ai'repudu hã pa'â. Ma tô hâiwi wahutu, para na sab da.

Marcu 9:27 ပူးပေါင်းရင်းမြစ်များ

Mateu 9:25

Tawamhã rob u ma tô tawairébé ni. Dawairébé wi, ma tô Zezusi hã ãzé 'ri 're wa'wa u, azarudu inomrozéb u. Tawamhã awa'awi ma tô pa'â. Te te pa'âri wamhã, ma tô awa'awi wahudu, azarudu hã.

Marcu 1:31

Tahawa, te oto itẽme mo, inomrozéb u. Tawamhã ma pa'â, wahutu da. Tahawa, ma awa'awi tiwahâ. Tawamhã ma tô tãma api za'ra ni Zezusi norĩ ma, saihuri da.

Marcu 1:41

Tawamhã Zezusi hã ãma pẽ'ẽzé wa, ma tô tinhib'rada hã wahutu, te te ãma upi da. Te te upi wamhã, ãne te tãma tinha: — Tane tô. Wa tô ĩsima aiwẽ, te aipese da. Tâibâ oto aihâzé hã.

Marcu 5:41

Tawamhã ma tô pa'â, Zezusi hã. Ãne te tãma tinha: — Tarita tumi. Ãne ãma isaprĩzé hã: “Azaruture ai'utu.”

Marcu 8:23

Tawamhã Zezusi hã ma itob'a hã pa'â, danhiti te te sima saprõni da. Tawamhã tizadaipro na ma sada sisiptõmo di'i, te te ãma tob'u'ré da, aibâ hã. Taha pari, ma duré tinhib'rada hã ãma tihi. Taha parimhã, te sadanha, ãne: — E zahadu marĩ hã 'madâ'â õ di. E ma tô marĩ hã i'madâ.

Marcu 9:26

Tawamhã wa'uburé, ma tizadari. Sisa'u te duré wasutu, ai'repudu hã. Tawamhã ihawi ma tô watobro. Ai'repudu hã rési ãna te oto nomro, dâ'â newa. Tahawa, te dasima rowasu'u za'ra ni, ai'repudu hã idâ'â na.

Marcu 9:28

Taha pari, ma asisi 'ri para u, Zezusi norĩ hã. Tame hâiba pisutu ma tô si'ãma sadanharĩ za'ra, isiré 're inomro mono norĩ hã: — E niha bâ bété wa norĩ hã, wa'uburé ma, wa te rob'ru za'ra nherẽ, wa te wasiwi imei waihu'u õ, tãma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:19

Tawamhã da'wapéi'wa norĩ nhib'apito hã ma tô 'ritéi'wa hã pa'â. Danhiti ma tô saprõ, te te tãma rowasu'u da, ãne: — E marĩ te za bété ĩma iwasu'u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:7

Taha pari, Pedru hã ma tô pa'â isimire niwĩ, ihi'ré hã te te wahutu da. Te te wahutu wamhã, awa'awi ma tô parahaptete. Ma tô duré tipara'õtõ nhiptete.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:41

Tahawa, Pedru hã ma tô pa'â, te te iwahutu na hã ãma sime da, hâiwi para na sab da. Tawamhã wahutu wamhã, Pedru ma tô dazô hâ, uburé Zezusihi zazei'wa norĩ zô, duré imrotõ norĩ zô zama, ihâiwa'udu hã te te siwi 'madâ'â da. Tahawa, ma tô oto siwi 'madâ ihâiwa'udu hã, tihâibazém na apâ hâimana wa.