Marcu 9:25 - ꞌRe Ihâimana Uꞌâsi Mono Zadawa Wasuꞌu

²⁵ Tawamhã Zezusi hã itẽme idasi'rã'õtõ norĩ hã da'ahâ na te te da'ab'madâ'â wamhã, ma tô wa'uburé ma rob'ru, ãne: — Wa'uburé, ai'repudu 're upi u'âsi mono wa, te mreme'õ u'âsi 're hâimana. Te duré po'reptõ u'âsi 're sãmra. Aiwatobro, ai'reputu hawi. Niwa apâ asébré tõ, ai'reputu 'remhã.

Marcu 9:25 ပူးပေါင်းရင်းမြစ်များ

Mateu 12:22

Tawamhã Zezusihi tẽme, ma tô aibâ hã dasiwi saprõni ni, wa'uburé te te 're pibui u'âsi mono wa, itob'a na duré imreme'õ 're ihâimana mono hã. Tawamhã Zezusi hã ma tô pese. Te te pese parip si, ma oto apâ mreme watobro. Duré te te oto rob'madâ'â wẽ di, aibâ hã.

Mateu 17:18

Tawamhã wa'uburé ma, ma tô Zezusi hã rob'ru, ai'repudu te te 're ipibui u'âsi mono nhiti, morĩ da oto. Te te tãma rob'rui wi, ma tô awa'awi watobro, ai'reputu hawimhã. Tawamhã awa'awi ma tãma tirowẽ, ai'reputu ma hã.

Marcu 9:15

Zezusi hã da te 'madâ'â za'ra wamhã, uburé ma tô ãma tatob'uzu za'ra ni. Tahawa, ma tô itẽme dasisa're, da te sawi za'ra da.

Marcu 9:24

Tawamhã awa'awi te aibâ hã Zezusihi ma tinha: — Asimipawaptobzém na, wa tô ai'umnhasi. Ma'ãpé, 're ĩpawaptob u'âsi mono, asimipawaptobzém na te 're asazei pese mono da oto. Taha da, wa aima ĩsiwasu'u.

Marcu 9:26

Tawamhã wa'uburé, ma tizadari. Sisa'u te duré wasutu, ai'repudu hã. Tawamhã ihawi ma tô watobro. Ai'repudu hã rési ãna te oto nomro, dâ'â newa. Tahawa, te dasima rowasu'u za'ra ni, ai'repudu hã idâ'â na.

Luca 11:14

Tawamhã Zezusi hã aibâ ma, ma tô wa'uburé hã time. Ipẽ'ẽ 're, sãmra wa, mreme waihu'u õ di aré, aibâ hã. Oto aibâ hawi watobro wamhã, ma tô oto mreme watobro, aibâ hã. Tahawa, ma tô ãma tatob'uzu za'ra ni.

Luca 4:35

Tahawa, ma tô Zezusi hã wa'uburé ma tinha, ãne: — Tô'ã, we ĩma nharĩ tõ, tane na hã. Mo oto aiwatobro, aibâ hawi. Tawamhã sisa'u ma tô aibâ hã time ti'ai u, danho'a. Taha pari, ma aibâ hawi watobro, te te u'a ãna.

Luca 4:41

Duré wa'uburé hã ma tô dahawi wairé. Da'ahâ na, iré 're idanomro mono norĩ hawi, ma tô wairé, wa'uburé norĩ hã. Tawamhã dahawi wairébé sina, te ãne 'mahârâ za'ra: — A hã, 'Re ihâimana u'âsi mono 'ra. Zezusi hã, Danho'reptui'wa da, 'Re ihâimana u'âsi mono te te ipisutu na te te waihu'u za'ra wa, ma tô Zezusi hã imreme hã tiwi sisisi za'ra sa'ẽtẽ, ari'iwi dahawi wairébé da.

Luca 9:42

Tawamhã te te itẽme saprõni ré, ma tô wa'uburé hã 'marõwĩ. Te sitete. Tahawa, te Zezusi hã tãma rob'ru, ai'reputu hawi watobro da. Tahawa, ma ihawi watobro. Rowẽ na te oto 're sãmra, ai'repudu hã. Tahawa, te Zezusi hã imama ma tinha, ãne: — Ãhãta ai'ra hã. Tãma rowẽ di oto.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:18

Awẽ sidâpâsi te nasi ãne te te wa'ab'mahârâ. Te te nasi wa'ab'mahârâ u'âsi mono wa, wapari a te, nimahã bâtâ na ma tô Paulu hã sô aipi'ra, wa'uburé ma, te te nharĩ da. Ãne te taha wamhã tãma tinha: — Zezu Cristuhu zadawa para, wa aima rob'ru. Mo oto aimorĩ, azarutu nhiti. Tawamhã awa'awi, ma azarutu hawi watobro. Ma tô isiti hã mo oto.