Marcu 9:22 - ꞌRe Ihâimana Uꞌâsi Mono Zadawa Wasuꞌu

²² Unhama u te te 're wabzuri wa'uburé hã, unhama na te te wĩrĩ da. Âi ba zama te te 're wabzuri, â na te te wĩrĩ da duré. Tô sena aiwaihu'u pese wamhã, ma'ãpé ãma wapawapto na. Duré ma'ãpé, wa'ãma aipẽ'ẽzé na.

Marcu 9:22 ပူးပေါင်းရင်းမြစ်များ

Mateu 14:31

Tawamhã awa'awi ma tô Zezusi hã pa'â, tinhib'rata na. Ãne te tãma tinha, Pedruhu ma: — E niha aima ĩzaze surure di. E marĩ da, ma tô 'râwi ĩ'ãma asiwawã, za te i'aipawaptobzém na hã.

Mateu 17:15

Tawamhã te Zezusihi ma hã tãma tinha ãne: — Apito, ma'ãpé ĩ'ra ãma aipẽ'ẽzé na. Te 're sitete u'âsi. 'Re sitete u'âsi mono wa, te unhama u hã 're waptã'ã. Duré â u zama hã te 're waptã'ã.

Mateu 20:34

Tawamhã Zezusi hã ma tô ãma tipẽ'ẽzé zahuré, itob'a norĩ ãma. Tahawa, ma tô tõmo upi zahuré, apâ tõmo wẽ zahuré da. Te te tõmo upi zahuré wi, awa'awi ma tô tito pese zahuré. Te te rob'madâ'â wẽ zahuré di oto. Tawamhã Zezusihi zarina te oto tineb zahuré, awa'awi.

Mateu 8:2

Taha wamhã, aibâ i'wa're ré hã ma tô itẽme wi. Itẽme wisi wamhã, ma tô hi'rãtitõ, ipaparamhã nhamra. Ãhã wamhã, te ãne tãma tinha: — Apito, ĩma aiwaihu'u pese di, asimipese waihu'u pese na hã. Tahawa, asima ĩwẽ wamhã, te za ĩpe.

Mateu 9:28

Tawamhã 'ri para u ma tô ãzé, Zezusi hã. Sébré wi, ma tô itob'a norĩ hã itẽme aimasisi zahuré. Tawamhã Zezusi hã te sadanharĩ zahuré ãne: — E te asina ĩ'umnhasi 'wa, te ato pese aba da hã. Tawamhã asa ma te ãma tãma wa'rãmi zahuré ãne: — Ĩhe, wa tô wasina ai'umnhasi ni, apito.

Marcu 5:19

Tane nherẽ, Zezusi te te ãma sazei õ di. Tahawa, ma te aibâ ma waihu'u, ãne: — Apâ te za aimo, asõrõwa u, 'Re ihâimana u'âsi mono, iwẽ na te te aipawaptobzém na asisãnawã norĩ ma, asiwasu'u da.

Marcu 9:21

Tawamhã Zezusi hã te imama hã ãma sadanha, ãne: — E niha ma tô ãma tiwahu, ai'ra iré 're hâimana mono ré hã. — Ĩ'ra hã sapore ré, ma tô 're siwamnarĩ.

Marcu 9:23

Tawamhã ãne te Zezusi hã tãma tinha: — E niha te ãne ĩma inha, tô sena ĩwaihu'u pese wamhã, te aipawapto wa'aba da hã, ai'ra na wa'aba. Ĩwaihu'u pese na, da te 're ĩ'umnhasi za'ra mono wamhã, uburé dama waihu'u pese di za, marĩ na da te 're idapawaptob za'ra mono zéb da na hã.

Luca 7:13

Tawamhã imrotõ te te 'madâ'â wamhã, ma tô ãma tipẽ'ẽzé, Zezusi hã. Tawamhã ma tô tãma tinha, wawa tõ da.