Marcu 8:36 - ꞌRe Ihâimana Uꞌâsi Mono Zadawa Wasuꞌu

^36-37 Ãté ni'wa hã te za tinhibro hã te te sima 're a'ubumroi pese, sibrob ahâ uptabi da. Tawamhã te za oto dârâ. Ti'ab ré sibrob ahâ nherẽ, e tãma 're rowẽ mono di za, rowẽ isi'utõrĩ'õ hã te te sina 're uwaimrami mono õ wamhã. Mare di. Tãma 're rowẽ mono õ di za. Ti'ai ãma simarĩ ahâ uptabi nherẽ, tãma waihu'u õ di za, marĩ na isiwa'âbâzéb da hã, rowẽ ãma 're ihâimana mono zéb da hã.

Marcu 8:36 ပူးပေါင်းရင်းမြစ်များ

Mateu 16:26

Ãté ni'wa hã te za tinhibro hã te te sima 're a'ubumroi pese, sibrob ahâ uptabi da. Tawamhã te za oto dârâ. Ti'ab ré, sibrob ahâ nherẽ, e tãma 're rowẽ mono di za, rowẽ isi'utõrĩ'õ hã te te sina uwaimrami õ wamhã. Mare di. Tãma 're rowẽ mono õ di za. Ti'ai ãma, simarĩ ahâ uptabi nherẽ, tãma hã waihu'u õ di za, tinhimarĩ na rowẽ ãma 're ihâimana mono zé te te ãma sima iwa'âbâzéb da hã.

Marcu 8:35

Ni'wam norĩ hã si'uihâ na tihâimanazép si te te sima 're sawi za'ra mono wamhã, rowẽ isi'utõrĩ'õ hã te te sina 're uwaimrami za'ra mono õ di za. Ni'wam norĩ hã ĩzarina 're nomro mono da, duré ĩzadawa wasu'u'wa 're nomro mono wa, 're sihâiba zawi za'ra mono õ wapsi, te za te te sina 're uwaimrami za'ra, rowẽ hã.

Luca 9:25

E mahã marĩ zô bâ te za ni'wa hã tinhibro hã te te sima 're a'ubumroi pese, sibrob ahâ uptabi da. Tawamhã dâ'â wamhã, ti'ab ré sibrob ahâ nherẽ, e tãma 're rowẽ mono di za, rowẽ isi'utõrĩ'õ hã te te sina uwaimrami õ wamhã. Mare di. Tãma 're rowẽ mono õ di za.

Roma 6:21

Aiwasété na si 're aihâimana za'ra wa'aba mono ré, e marĩ ma tô aima 're hâimana za'ra wa'wa, 're i'manharĩ za'ra wa'aba mono zé wa'rãmimhã, ãma aima 're irowẽ za'ra wa'aba mono zéb da hã. Robaba di. Taha na asimi'manharĩ wasété za'ra wa'aba zém na ãma 're aséb za'ra wa'aba mono di oto. Ãne si, da te 're 'manharĩ u'âsi za'ra mono wamhã, dapẽ'ẽ 're, dadâ'â u'âsi ne, te za tô 're dahâimana za'ra.