Marcu 8:33 - ꞌRe Ihâimana Uꞌâsi Mono Zadawa Wasuꞌu

³³ Tawamhã te te sina wapari wamhã, tisiré 're inomro mono norĩ u, ma aipi'ra. Tawamhã Pedruhu ma, te ãne tinha: — Satanasi, mo oto aimorĩ, ĩnhiti. 'Re ihâimana u'âsi mono nhimirosa'rata zarina rosa'rata õ di, a hã. Danhimirosa'rata zarina si, te ĩ'ãma irosa'ra, a hã.

Marcu 8:33 ပူးပေါင်းရင်းမြစ်များ

Mateu 15:23

Tawamhã ãne na pi'õ te te 'mahârâ nherẽ, te te sada'âbâ õ di asa, Zezusi hã. Tawamhã isiré 're inomro mono norĩ hã ma tô Zezusihi u itẽme ai'ré za'ra. Taha wamhã, ma tô ãne tãma 'ru za'ra: — Ma'ãpé pi'õ satõrĩ apâ, wahawib za'ra morĩ da. Wazarina te we 're mo. Te we te te duré wa'ab'mahârâ, mreme 'rãihâ na.

Mateu 16:23

Tawamhã Zezusi hã ma tô aipi'ra, Pedruhu u. Ãne te tãma tinha: — Satanasi, mo oto aimorĩ, ĩnhiti. Marĩ hã bâdâdi wa, 're isimi'wara mono, te te 're ida'marõpãrĩ za'ra mono ne, te ĩwasutu u'âsi mo, Ĩmama te te ĩma ipisutuzéb zarina te ĩsina dama uwaimrami tõ da. 'Re ihâimana u'âsi mono nhimirosa'rata nei õ di, asimirosa'rada hã. Ti'ai ãma danhimirosa'rata zarina si te a hã ĩ'ãma irosa'ra.

Mateu 4:10

Tawamhã Zezusi te asa tãma tinha ãne: — Satanasi, mo oto ĩnhiti aimorĩ. 'Re ihâimana u'âsi mono zadawa 'mahârâ'wa, ma tô ãne rob'ui'éré: “Uburé Danhib'apito uptabi ãma si, te za 're aiwata za'ra wa'aba mo, 'Re ihâimana u'âsi mono ãma si. Taha ma si te za 're iromhuri za'ra wa'aba mo, Asib'apito za'ra wa'aba ma si.” Ãne imreme na rob'ui'éré, ibaihâ na hã. — Ãne te rob'ui'éré 'rada hã tãma 'rãzarõtõ Zezusi hã, Satanasihi ma.

Marcu 3:34

Tawamhã siwi i'uirĩ'wa norĩ 'madâ'â sina, te ãne tinha: — Ãhãta ĩna. Ãhãta ĩno norĩ. Ãhãta ĩhidiba norĩ.

Marcu 3:5

Tawamhã Zezusi te da'ab'madâ. Te te ãma irosa'rata norĩ ãma hã, toi õ di. Simirosa'rata wasété nhiptete za'ra wa, ta norĩ ãma pẽ'ẽzé za'ra di. Tawamhã isimizu'rã're ma, te tãma tinha, ãne: — Ma'ãpé, asimizu wahutu. Tawamhã ma tô tinhimizu hã wahutu, aibâ hã. Tahawa, ma tô tinhimizu pese.

Luca 22:61

Tahawa, ma tô Wanhib'apito hã aipi'ra. Sipi'rai wamhã, te Pedru hã 'madâ'â pese. Te te 'madâ'â wamhã, ma Wanhib'apito mreme na po're puru oto, Pedru hã. Romhâ ré, ma tô tãma waihu'u siro, te te dawi i'udâzém na, Zezusi hã. Ãne ma tô tãma tinha: “Ã bâtâ na si'a hã hârâ õ ré, te za si'ubdatõ dawi ĩ'udâ, ĩzadawa para õ nherẽ.” Ãne ma tô romhâ ré, Pedruhu ma waihu'u siro.

Luca 4:8

Tahawa, te Zezusi hã asa tãma tinha, ãne: — Mare di. 'Re ihâimana u'âsi mono zadawa 'mahârâ'wa, ma tô ãne rob'ui'éré, ibaihâ na hã: “Uburé Danhib'apito uptabi ãma si, te za 're aiwata za'ra wa'aba mo, 'Re ihâimana u'âsi mono ãma si. Taha ma si, te za 're iromhuri za'ra wa'aba mo, Asib'apito za'ra wa'aba ma si.” Ãne imreme na rob'ui'éré hã.

Luca 9:55

Tahawa, ma Zezusi hã itẽme aipi'ra zahuré. Imreme hã ma tô tiwi sisisi zahuré.

Filipu 3:19

Ta norĩ hã 'Re ihâimana u'âsi mono nhiti, dapẽ'ẽ 're dadâ'â u'âsi ne 're idahâimana za'ra mono zéb u, te za 're nomro, ropipa u. E marĩ wa. Ta norĩ hã te te sima 're iwẽ za'ra mono zéb uwaibaba si, te marĩ hã tihâiba ma te te 're 'ruiwapari za'ra, 'Re ihâimana u'âsi mono upana. E ta norĩ hã tihâimana wasété na 'râwi 're siwẽ'õ za'ra mono ã bâ, te bété sina 're wata za'ra, 're ihâimana wẽ uptabi za'ra mono na hã. Ti'ai ãma uburé marĩ hã iwasété na si, te ta norĩ hã te te sima 're rosa'rata wasété u'âsi za'ra.

1 Timotiu 5:20

Tawamhã tô sena tiwasédé hã te te 'manharĩ wamhã, te za isazei'wa norĩ nho'a tãma iroti, tiwasété na te te ãma sahu tõ da. Danho'a te za tãma iroti, isipai u da'madâ'â'wa hâiba amo norĩ hã sina 're hâtâ'â za'ra mono wa, isine tiwasédé hã te te 're 'manharĩ za'ra mono tõ da, ta norĩ hã.

Titu 1:13

Isimirowasu'u hã tô sena. Tahawa, aimreme pire na te za isazei'wa norĩ ma 're i'aroti mo, Wanhib'apito nhimiroti si te te 're sazei pese za'ra mono da, robze sina ãma 're hâimana za'ra mono da.

1 Pedru 4:1

Cristu hã ma tô tihâiba na robzépata. Tahawa, te za asina 're asiptete za'ra wa'aba mo, asihâiba zawi ãna, isine 're irobzépata za'ra wa'aba mono zéb da hã. Ãne, da te 're robzépata za'ra mono wamhã, marĩ, da te 're i'manharĩ wasété za'ra mono zé hã, te za oto da te 're rẽme pese za'ra.

1 Zuwã 2:15

Ti'ai ãma uburé marĩ 're ihâimana za'ra mono hã asima 're sawi za'ra wa'aba mono õ di za. Taha si asima 're sawi za'ra wa'aba mono wamhã, 'Re ihâimana u'âsi mono zawizé hã ai'reb za'ra wa'aba 're hâimana mono õ di. Uburé marĩ ti'ai ãma 're ihâimana za'ra mono hã, Wamama tei õ di, 'râwi da te dasima 're i'ruiwapari za'ra mono hã, duré datõmo na marĩ zô da te dasima 're idanhopré mono hã, duré danhipai u dapire na 'râwi dasina 're idawata za'ra mono zé hã. Tahawa, ti'ai ãma uburé 're idahâimana wasété za'ra mono norĩ ne, aiwasété zô asima 're rob'ruiwapari za'ra wa'aba mono õ di za. Aiwasété zô asima 're rob'ruiwapari za'ra wa'aba mono wamhã, tô sena Wamama hã 're sawi waihu'u za'ra wa'aba mono õ di za.

Apocalipsi 3:19

Wa hã te 're i'azawi pese mono norĩ hã wa tô te tãma 're aroti pese, tiwasété na 're sisãmri za'ra mono da. Wa duré te 're hâ za'ra, apâ 're nomro wẽ mono da. Tahawa, te za aiwasété wi aipizari za'ra wa'wa, sena na ĩ'ãma 're anomro u'âsi aba mono da oto.