Marcu 8:32 - ꞌRe Ihâimana Uꞌâsi Mono Zadawa Wasuꞌu

³² Ãne sõ'awi ma tô Zezusi hã tãma siwasu'u za'ra, tãma irob'rãsutuzém na hã te te ãma waihu'u siromo za'ra da. Tawamhã Pedru hã ãne tãma isiwasu'u za'ra zé te te tiwi sawi da, te sima saprõ Zezusi hã, tisiré norĩ nhiti.

Marcu 8:32 ပူးပေါင်းရင်းမြစ်များ

Mateu 16:22

Tawamhã Pedru ma tô Zezusi hã sima saprõ tisiré norĩ nhiti, romnhiwasi, tãma isiwasu'u za'ra zé hã te te tiwi sawi da. Ãne te taha wamhã tãma tinha: — Wanhib'apito, ãne hã ai'ãma iromhâimana da hã mare di za. 'Re ihâimana u'âsi mono hã te te aima iba'a da si, wa tô ĩsima wẽ, da te aima rob'manharĩ tõ da.

Marcu 4:38

Tane nherẽ, te Zezusi hã nhono, uba're na're ãma. Da'rã zaparizém na te 'rã zapa. Tahawa, ma tô siwi utu. Ãne te oto siwi 'mahâ: — Rowahutu'wa, wa za ai'utõrĩ ni. E wa'ãma aipẽ'ẽzé za'ra õ di za.

Luca 10:40

Marta hã si'wa'rutu di, 'ri paramhã romhuri hã ahâ wa tãma. Tahawa, te Zezusihi u mo, Marta hã. Ãne te tãma tinha: — Ĩno hã, ĩ'ãma sapa'a õ di. Ĩsiwaprosi, wa romhu. Romhuri hã ahâ di. Ĩ'ãma aipẽ'ẽzé wamhã, ma'ãpé we ĩtẽme satõrĩ, te te ĩpawaptob da.

Zuwã 10:24

Tamomo ma tô itẽme si'rã'õtõ, dama ipire norĩ hã, Zezusihi u. Taha wamhã, te tãma nharĩ za'ra, ãne: — E niwa te za wama asiwasu'u za'ra. Wama asiwasu'u za'ra zéb zô hã, wanhimipari wa'a za'ra di. A hã, tô sena Danho'reptui'wa da, 'Re ihâimana u'âsi mono te te aipisutu wamhã, ma'ãpé sõ'awi wama asiwasu'u za'ra na, wa te aiwaihu'u za'ra da.

Zuwã 11:14

Te te waihu'u za'ra õ wa, sõ'awi te oto tãma rowasu'u za'ra, ãne: — Lazaru hã ma tô dârâ.

Zuwã 16:25

— Ãhã na sõ'awi, Ĩmama hã te aima wasu'u za'ra wa'aba õ di. Romnhimiré'é na si wa tô te aima 're rowasu'u za'ra wa'wa. Niwapsi, wa za sõ'awi te aima 're rowasu'u za'ra wa'wa, romnhimiré'é ãna.

Zuwã 16:29

Tahawa, te tãma nharĩ za'ra, ãne: — Sõ'awi ma tô oto wama asiwasu'u za'ra, romnhimiré'é ãna. Wanhimirosa'rata za'ra hã ma tô asina iwaihu'u siro. Tahawa, wa te wasiwi asadanharĩ da, asina wazô asimipari õ di. Ãne wama waihu'u pese za'ra di oto. Tahawa, wa tô asaze za'ra ni, tô sena 'Re ihâimana u'âsi mono hawi we aimorĩ na.

Zuwã 18:20

Tawamhã Zezusi asa te tãma tinha, ãne: — Sõ'awi wa tô te dama 're rowahutu u'âsi, rowahutuzé mono bâ. Ãme dasi'rã'õtõzéb ãma zama, wa tô nasi dama rowahutu, 'Re ihâimana u'âsi mono nhorõwa 'ri ãma hã. Pi'uriwi te dama 're rowahutu mono õ di. E marĩ da, te ĩzadanha. Ĩwapari'wa norĩ hã te za isadanharĩ za'ra wa'wa, te te aima ĩzadawa wasu'u za'ra da. Ta norĩ ma, waihu'u pese za'ra di, ĩnhimirowasu'u hã.