Marcu 8:25 - ꞌRe Ihâimana Uꞌâsi Mono Zadawa Wasuꞌu

²⁵ Tahawa, tinhib'rada hã ma tô duré ãma tino, itomhâ ãma, Zezusi hã. Tawamhã ma tô tito pese oto, aibâ hã. Te rob'madâ'â wẽ di oto.

Marcu 8:25 ပူးပေါင်းရင်းမြစ်များ

Provébiu 4:18

I'uwaibaba na si 're inomro mono norĩ nhibâdâdi hã te tãma 're hâimana za'ra, bâtâ ro te te 're irowapré mono wim ne, te te 're irowa'a pese mono zéb u hã.

Mateu 13:12

Ni'wam norĩ hã 'Re ihâimana u'âsi mono nhimirowaihu te te sima 're 'ruiwapari u'âsi za'ra mono wamhã, te za 'Re ihâimana u'âsi mono hã sa'ẽtẽ na ãma tãma 're sõprub za'ra oto, te te aré ãma 're irowaihu'u za'ra mono zém nhipai u, te te ãma 're waihu'u pese za'ra mono da hã oto. Tane nherẽ, ni'wam norĩ hã isimirowaihu'u na te te 're 'ruiwapari za'ra mono õ wamhã, ta norĩ wi te za duré tinhimirowaihu hã tãma waihu'u pese za'ra õ nherẽ, te te tiwi 're awaibu 'Re ihâimana u'âsi mono hã, te te aré ãma 're iwaihu'u za'ra mono zé hã.

Marcu 8:24

Tawamhã aibâ te te rob'madâ'â wamhã, Zezusihi ma, te asa tinha, ãne: — Zahadu te rob'madâ'â pese õ di. Aibâ norĩ hã te ai'aba'ré, wede sine hã.

Marcu 8:26

Tawamhã Zezusi hã te aibâ ma rob'ru, tinhorõwa u morĩ waré da oto, apâ morĩ tõ da, 'ri wa'õtõ u hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:9

Paulu hã te te dama rowasu'u ré, ma tô ihi'ré hã mreme wapa. Tawamhã Paulu, ma tô itẽme rob'madâ. Te te 'madâ'â wamhã, ma tô sina waihu'u, tô sena Wanhib'apito te te isaze na hã, duré te te pese da, te te sina i'umnhasi na hã.

Filipu 1:6

Ta hã te te asõ'reptu za'ra wa'aba zém na, iwẽ na te te ai'ãma isãna'rata za'ra wa'aba zéb zarina, te za te te 're aipawaptob u'âsi za'ra wa'wa õne u'â, ti'ai u apâ we imorĩzéb u, Cristu Zezusi hã. Taha õ ré, te te aiwi sazâri waihu'u za'ra wa'aba õ di za, te te 're aipawaptob za'ra wa'aba mono zé hã. Iwẽ si te za tô te te aima 're 'manharĩ u'âsi za'ra wa'wa, ãma 're anomro wẽ u'âsi aba mono da. Ãne wa tô ai'ãma waihu'u za'ra wa'wa, tô sena na.

1 Pedru 2:9

Tanei õ di, a norĩ wa'wa hã. 'Re ihâimana u'âsi mono, ma tô sima aipisutu za'ra wa'wa, isib'a'uwẽ si oto tãma 're anomro aba mono da. Sasedoti norĩ hã te te sima 're i'apisutu mono ne, te oto a norĩ wa'wa hã uburé Danhib'apito ma romhuri'wa, 're anomro aba mo, õhõ ãma si 're anomro aba mono da, ite da. Ta hã robra hawi ma tô rowa'a u sitẽme asô tihârâ za'ra wa'wa, 're anomro wasété aba mono zém hawi, rowẽ uptabi na si 're anomro aba mono da oto. Taha wasu'u na, tiwaihu'u pese na te te aima ãma 're i'uwaimrami wẽ za'ra wa'aba mono zém na, ma tô sima aipisutu za'ra wa'wa, ãma 're dapo're pu'u u'âsi za'ra wa'aba mono da.

2 Pedru 3:18

Ma'ãpé, 're aihâimana wẽ u'âsi za'ra wa'aba mono, aihâimana wẽ hã asima 're sa'ẽtẽ za'ra wa'aba mono da, Wanhib'apito Zezu Cristu te te 're iwa'apawapto mono zém na. Duré Wanho'reptui'wa Zezu Cristuhu ãma rowaihu hã, te za asima 're isa'ẽtẽ za'ra wa'aba mo. Ta hã Wanho'reptui'wai wa, wa za ãma 're wawata u'âsi za'ra. Tane tô.