Marcu 8:21 - ꞌRe Ihâimana Uꞌâsi Mono Zadawa Wasuꞌu

²¹ Tawamhã Zezusi te duré tãma nharĩ za'ra, ãne: — E niha bété zahadu ĩwaihu'u za'ra wa'aba õ di, ĩwaihu'u pese na hã.

Marcu 8:21 ပူးပေါင်းရင်းမြစ်များ

Salmu 94:8

Isimiza'rese'õ norĩ, asima sô asõpré wa'aba, marĩ waihu'u za'ra wa'aba da hã! E niwa te za asimiza'rese na 're i'aihâimana za'ra wa'aba mono zéb da hã asima iwaihu'u za'ra wa'wa.

Marcu 8:12

Tawamhã Zezusi ãma pẽ'ẽzé za'ra wa, ma sa'ẽtẽ pẽ'ẽwaze. Tawamhã te sima tinha, ãne: — E niha ma tô nimosi dapoto tém norĩ hã siwi ĩwada'u, marĩ dama i'manharĩ waihu'u'õ hã isõ'a te tãma 'manharĩ za'ra da. Mare di za. Ãne hã te tãma 'manharĩ za'ra õ di za.

Marcu 8:17

Tawamhã Zezusi ma sina wapari za'ra. Tahawa, te sadanharĩ za'ra, ãne: — E niha te i'u'ẽtẽ wapu hã aima ihâimana za'ra wa'aba õ na, sô asimrami za'ra wa'wa. E asiwi ĩzadaihu'u za'ra wa'aba õ di bété, i'u'ẽtẽ wapuzém na te aima iwaihu'u za'ra wa'aba zém na hã. E niha waihu'u su'u za'ra wa'aba õ di.

Marcu 8:22

Taha pari, te oto ai'aba'ré Zezusi norĩ hã, Besada u. Tawamhã datẽme sihutu wamhã, aibâ itob'a hã ma tô itẽme dasiwi saprõni ni, Zezusihi u. Tinhib'rata na te te upi da, te te to pese da, te duré tãma 'ru za'ra, siwi isaprõni'wa norĩ hã.

Marcu 9:19

Tawamhã aibâ mreme te te wapari wamhã, ma tô tisiré 're inomro mono norĩ ma tinha, ãne: — E niha bété ai'rata za'ra wa'aba 're ĩnhamra u'âsi mono nherẽ, asina 're ĩ'umnhasi za'ra wa'aba mono õ di bété, te 're i'aipawaptob za'ra wa'aba mono zéb da hã. E ĩpẽ'ẽzé u'âsi, wa za asiré za'ra wa'aba hã 're mo, asina 're ĩ'umnhasi za'ra wa'aba mono õ wa. Ma'ãpé, ai'repudu hã we ĩtẽme asiwi saprõni aba.

Zuwã 14:9

Tawamhã Zezusi te asa tãma tinha, ãne: — Filipi, e zahadu ĩwaihu'u õ di, ai'rata 're ĩnhamra hâ za'ra wa'aba mono nherẽ. Ni'wam norĩ hã te te 're ĩ'madâ'â za'ra mono wamhã, ĩ'u'âbâ te za Ĩmama hã te te 're 'madâ'â za'ra. E niha te bété a hã ĩma inha, Ĩmama zô ĩhârâ da, 'madâ'â za'ra wa'aba da.

1 Corĩtu 15:34

Ni'wam norĩ hã asiré 're ihâimana za'ra wa'aba mono norĩ hã 'Re ihâimana u'âsi mono hã 'râwi te te 're waihu'u za'ra mono õ di. E ãne na 're siséb za'ra mono ãna. Asimiza'rese ãna 're aihâimana za'ra wa'aba mono zém hawi, te za oto aipizari za'ra wa'wa, aiwasédé hã rẽme pese za'ra wa'aba da, aiwẽ uptabi na si 're anomro aba mono da oto.

1 Corĩtu 6:5

Ĩnhimiroti ma, aséb za'ra wa'aba da nherẽ, wa ãne na aima rowaihu'u za'ra wa'wa. E asiré isazei'wa, 're 'maihâimana mono ã bâ bété, aiwasété za'ra wa'aba na aiwaihu'u aba 'wa da hã.