Marcu 8:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã Zezusi ma sina wapari za'ra. Tahawa, te sadanharĩ za'ra, ãne: — E niha te i'u'ẽtẽ wapu hã aima ihâimana za'ra wa'aba õ na, sô asimrami za'ra wa'wa. E asiwi ĩzadaihu'u za'ra wa'aba õ di bété, i'u'ẽtẽ wapuzém na te aima iwaihu'u za'ra wa'aba zém na hã. E niha waihu'u su'u za'ra wa'aba õ di.

Marcu 8:17 ပူးပေါင်းရင်းမြစ်များ

Mateu 12:15

Tawamhã Zezusi hã ma tô sina waihu'u, farizeu norĩ te te sima ãma iroti za'ra zé hã te te siwi wĩrĩ da. Tahawa, ma tô ihawi timorĩ za'ra. Ihawi morĩ za'ra wamhã, da'ahâ na ma tô isarina ai'aba'ré ni. Tawamhã daro mono bâ 're morĩ ré, ma tô uburé dahâzé ré idahâimana za'ra hã da'apese, Zezusi hã.

Mateu 15:17

Dasa hã da te 're huri mono wamhã, te za taré danomo 'remhã 're sisisi. Taha pari, te za duré apâ 're wairébé, dahâiba hawimhã rob u.

Mateu 16:7

Tawamhã isiré 're inomro mono norĩ hã ma tô sima nharĩ za'ra, ãne: — Ãté õ hã i'u'ẽtẽ wapu hã wa te wei wasiré 'mai'âri za'ra õ wa, ma tô ãne wama nharĩ za'ra.

Marcu 16:14

Tawamhã Zezusi hã tisiré 're inomro mono norĩ u ma duré wi, sai ma, si'ubumroi ré, 11 na ihâiba za'ra u. Tawamhã timreme ma tô tãma pẽtẽ za'ra, siwi isabui'wa norĩ nhimirowasu'u hã te te saze za'ra õ wa, apâ ihâiwa'utuzém na da te iwasu'u na hã.

Marcu 2:8

Tawamhã 'râwi te te ãma irosa'rata za'ra zém na, ma tô Zezusi hã sina waihu'u za'ra. Tahawa, te tãma nharĩ za'ra, ãne: — E marĩ da, te ãne ĩ'ãma irosa'rata za'ra wa'wa.

Marcu 3:5

Tawamhã Zezusi te da'ab'madâ. Te te ãma irosa'rata norĩ ãma hã, toi õ di. Simirosa'rata wasété nhiptete za'ra wa, ta norĩ ãma pẽ'ẽzé za'ra di. Tawamhã isimizu'rã're ma, te tãma tinha, ãne: — Ma'ãpé, asimizu wahutu. Tawamhã ma tô tinhimizu hã wahutu, aibâ hã. Tahawa, ma tô tinhimizu pese.

Marcu 8:16

Tawamhã te sima nharĩ za'ra, ãne: — I'u'ẽtẽ wapu hã ãté wama hâimana za'ra õ wa, ma ãne wama waihu'u za'ra.

Luca 24:25

Tawamhã Zezusi hã te asa tãma nharĩ zahuré, ãne: — E niha bâ bété, waihu'u su'u aba õ di, sazei aba da, 'Re ihâimana u'âsi mono zadawa 'mahârâ 'rata 'wa norĩ nhimirowasu'u mono bâ, Danho'reptui'wa na rob'ui'éré hã. Danho'reptui'wa da, 'Re ihâimana u'âsi mono te te ipisudu hã te za a'â robzépata, rowasédé, da te tãma 'manharĩ wamhã. Taha parip si, te za rowẽ ãma 're sãmra, 'Re ihâimana u'âsi mono te te tãma ipisutuzéb uwaibaba.

Zuwã 21:17

Te duré sadanharĩ na sahu, ãne: — Sima, Zuwãhã 'ra, e tô aima ĩzawi pese uptabi di. — Ãne te duré Pedru hã sina sadanha, si'ubdatõ ãma. Tawamhã si'ubdatõ te te sadanharĩ wa, pẽ'ẽzé di oto, Pedru hã. Tawamhã Zezusihi ma, te duré tinha, ãne: — Uburé marĩ hã aima waihu'u pese di. A hã ma tô asina ĩwaihu'u siro, te 're i'asawi pese mono zém na. Tawamhã Zezusi te tãma tinha, ãne: — Ma'ãpé, ĩzazei'wa norĩ hã 're ab'madâ'â pese mono za, pone'ẽrebâ 'madâ'â wẽ 'wa ne.

Apocalipsi 2:23

Pi'õ nhirã zarina 're ihâimana za'ra mono norĩ hã wa za duré hâ za'ra, si'utõrĩ da, isimiroti zarina ta norĩ hã we 're hâimana za'ra mono wa. Tawamhã ãne te tãma rob'manharĩ za'ra wamhã, te za uburé ĩzazei'wa norĩ hã ãma ĩwaihu'u za'ra, pi'uriwi marĩ hã da te 're 'manharĩ za'ra mono newa, duré pi'uriwi danhimirosa'rada hã da te 're 'manharĩ za'ra mono newa, uburé marĩ hã te dawi 're i'awaihu'u mono na hã. Uburé danhimirosa'rada hã ĩma waihu'u pese di, duré marĩ zô 're idanhimnhasi za'ra mono zéb zama. Tawamhã ni'wam norĩ hã marĩ iwẽ hã te te 're i'manharĩ za'ra mono zé wa'rãmip si, wa za marĩ iwẽ na te tãma 're awa'âbâ. Duré ni'wam norĩ hã marĩ te te 're i'manharĩ wasété za'ra mono zéb zarina si, wa za te 're ahâ za'ra.