Marcu 8:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã Zezusi ma ãne tãma waihu'u za'ra: — Ma'ãpé, 're asi'madâ'â pese za'ra wa'aba mono, i'u'ẽtẽ wapuzém nhiti 're anomro aba mono da, farizeu norĩ nhimi'manharĩzém nhiti, apito Erodihi me.

Marcu 8:15 ပူးပေါင်းရင်းမြစ်များ

Provébiu 19:27

Ĩ'ra, danhimiroti 'manharĩ waparizé rẽme wamhã, te za 're i'awaihu'u mono zé ma hã 're asimirẽme mo.

Mateu 14:1

Tawamhã apito Erodi Galiléa na danhipti'a nho'õmo nhisi ãma te te 're da'madâ'â mono ré, ma tô Zezusihi wasu'u hã wapa.

Mateu 14:3

Ãne ma tô apito Erodi hã Zezusihi wasu'u na tãma rowasu'u za'ra. Ta hã ma tô aré tinoi mro zô rowasutu, Erodiza na pi'õ nhisi zô. Ino nhisi hã Filipi na isisi. Zuwã Batista hã ma tô aré te te tãma 're roti u'âsi, ãne: “'Re ihâimana u'âsi mono nhimiroti 'rata na rob'ui'éré hã te te ãma roti õ di, asisãnawãi mro na aimro da hã. Tãma wẽ õ di, 'Re ihâimana u'âsi mono ma hã.” — Ãne ma tô te te tãma 're roti u'âsi, Erodihi ma. Tane nherẽ, ma tô apito Erodi hã tinoi mro na tiwi ãma ai'ré. Tahawa, ma tô dama ti'ru, Zuwã Batista hã da te âri da, da te pawasisi da, duré da te sẽrẽ da, dazazéb 're.

Mateu 14:6

Tawamhã Erodihi waptã'ãzém na ma tô dato hã dasiwi 'manharĩ ni. Tawamhã Erodizaha 'ra hã ma tô danho'a apese azarudu hã, apito Erodihi nho'a zama. Tahawa, ma tô 'madâ'â ze, apito Erodi hã.

Mateu 16:6

Tawamhã Zezusi hã ma tô tãma nharĩ za'ra, tisiré 're inomro mono norĩ ma, ãne: — Ma'ãpé 're asi'madâ'â pese za'ra wa'aba mono, i'u'ẽtẽ wapuzém nhiti 're anomro aba mono da, farizeu norĩ nhimi'manharĩzém nhiti, duré saduseu norĩ nhimi'manharĩzém nhiti.

Marcu 12:13

Tawamhã 'Re ihâimana u'âsi mono ma, da'ãma romhuri'wa norĩ hã ma tô farizeu norĩ hã 'mazatõrĩ za'ra, Zezusihi u si'aba'ré da. Erodihi niwĩ 're ihâimana za'ra mono norĩ zama, ma tô itẽme 'mazatõrĩ za'ra, tinhimiroti na te te upai wa, te te siwi wẽ'õ za'ra da.

Marcu 8:14

Tawamhã zara u, ma tô oto aihutu, Zezusi norĩ hã. I'u'ẽtẽ wapu hã siré te te 'ma'âri za'ra da nherẽ, ma tô ãma po're ha'âri za'ra, isiré 're inomro mono norĩ hã. Misire te nomro, uba're 'remhã.

Marcu 8:16

Tawamhã te sima nharĩ za'ra, ãne: — I'u'ẽtẽ wapu hã ãté wama hâimana za'ra õ wa, ma ãne wama waihu'u za'ra.

Luca 12:15

Tawamhã te uburé dama tinha, ãne: — Ma'ãpé, ĩwapari pese za'ra wa'aba. 'Râwi te za 're asi'madâ'â za'ra wa'aba mo, asimarĩ ahâ zô, 're rob'ruiwapari za'ra wa'aba mono tõ da. Danhimarĩ ahâ uptabi nherẽ, robze u'âsi, ãma 're danomro mono õ di za, rowẽzéb õ wa, ta hã.

1 Timotiu 5:21

Da'madâ'â'wa hã aima sawi uptabi nherẽ, te za danho'a tãma iroti, tiwasété na te te ãma sahu tõ da. Asimiroti na 're da'mairẽme mono õ di za. 'Re ihâimana u'âsi mono hã te we te te 're wa'ab'madâ'â, Cristu Zezusihi me. Hâiwa ãma romhuri'wa, 'Re ihâimana u'âsi mono te te ipisutu za'ra norĩ zama, te duré te te we 're wa'madâ'â za'ra. Tahawa, ta norĩ nho'a 're wanomro mono wa, da'madâ'â'wa norĩ ãma te aima iroti mono zé hã te za 're i'madâ'â pese mo.

1 Timotiu 6:13

Ãhã na, wa za aima pisutu, uburé te aima iroti mono zé hã asina 're 'madâ'â u'âsi mono da. 'Re ihâimana u'âsi mono nho'a, wa aima pisutu, ti'ai ãma 're idanomro mono zé hã te te dama 're i'apisutu mono nho'a. Cristu Zezusihi nho'a zama wa aima pisutu, Põsiu hã Pilatuhu ma, tihâimanazém na isiwaihu'u wẽ nho'a zama. Uburé te aima iroti mono zé hã te za asina 're i'madâ'â u'âsi mo, apâ we imorĩzéb u, Wanhib'apito Zezu Cristu hã. Asina 're 'madâ'â u'âsi mono wamhã, tawamhã da te aima 're nharĩ za'ra mono õ di za, asina 're i'madâ'â mono õ zém na hã.

2 Timotiu 2:14

Ãhã wasu'u na te za asimi'madâ'â norĩ hã ãma 're ipo're pu'u za'ra mo. Te za duré aihâimana prédup sina tãma 're i'aroti mo, 'Re ihâimana u'âsi mono nho'a 're wahâimana za'ra mono nherẽ, taré marĩ wasu'u na 're sisada'âbâ za'ra mono tõ da. Dasisada'âbâzé hã wẽ õ wa, taha zarina 're dahâimana za'ra mono wamhã, te za dawi 're si'utõrĩ za'ra, dahâimana wẽ zé hã.