Marcu 7:5 - ꞌRe Ihâimana Uꞌâsi Mono Zadawa Wasuꞌu

⁵ Tahawa, farizeu norĩ hã Zezusihi u si'rã'õtõ wamhã, ma tô Zezusi hã siwi 'mahâ, rowahutu'wa norĩ me: — E marĩ wa, te bété asiré 're inomro mono norĩ hã simisõi ãna 're saihuri, wahi'rata norĩ nhimiroti na te te 're rosa'rata za'ra mono ãna.

Marcu 7:5 ပူးပေါင်းရင်းမြစ်များ

Mateu 15:2

— E niha asiré 're inomro mono norĩ hã te te 'madâ'â za'ra õ di, duréi wahi'rata norĩ nhimiroti hã. Ta norĩ hã 're saihuri mono õ ré, 're simisõi pese za'ra mono õ di. Ãne wa, te ta norĩ hã, 're iwahâimana za'ra mono zém na hã te te ãma wawi 're upa za'ra.

Marcu 7:13

Ãne wa, 'Re ihâimana u'âsi mono zadawa wasu'u hã aima wapu za'ra wa'aba di, isimiroti upana aihi'rata norĩ nhimiroti na si, dama 're roti u'âsi za'ra wa'aba mono wa. Tane duré aimawi na dama 're iroti za'ra wa'aba mono zé hã, tô sena ahâ uptabi di.

Marcu 7:8

A norĩ wa'wa hã, 'Re ihâimana u'âsi mono nhimiroti na 're asapa'a za'ra wa'aba mono õ di. Ti'ai ãma danhimiroti na si, te 're aihâimana za'ra wa'aba mo.

Marcu 7:9

Ãne ma tô duré tãma waihu'u za'ra: — A norĩ wa'wa hã aihâimana nhipese sina te 're irẽme za'ra wa'aba mo 'Re ihâimana u'âsi mono nhimiroti hã, 'râwi asimirosa'rata na si 're aihâimana za'ra wa'aba mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:21

Ta norĩ hã ma tô aiwasu'u wapari za'ra, wasiré zudeu norĩ ma, asimirowahutu wasété newa. Mozésihi nhimi'ui'érézé hã, te wasiré zudeu norĩ wi isawi za'ra, u, daro mono bâ 're ihâimana za'ra mono wi, ãma 're hâimana za'ra mono tõ da. Duré Mozésihi nhimi'ui'éré zarina, ti'ra norĩ te te 're sihâiwata nhihâri za'ra mono tõ da, ma tô, u, wasiré zudeu norĩ wi isawi. Ãne ma tô aiwasu'u hã wapari za'ra, ta norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:24

Tawamhã te za asiré isimroi mo, 'Re ihâimana u'âsi mono nhorõwa 'ri u, marĩ hã Mozésihi nhimi'ui'éré zarina asiré 'manharĩ za'ra wa'aba da, 'Re ihâimana u'âsi mono ma, aihâiba wasété ãna aihâimana za'ra wa'aba da, tãma. Tawamhã 'Re ihâimana u'âsi mono ma, pone'ẽrebâ te te siwi isimro hã te za tãma iwa'âbâ za'ra. Tawamhã te za oto si'rãpari za'ra, 'Re ihâimana u'âsi mono ma, te te iropisutu za'ra zéb zarina, te te tãma ãma i'uwaimrami za'ra na da te iwaihu'u za'ra zéb da hã. Ãne hã 'manharĩ wamhã, aihĩni te za aiwaihu'u za'ra ni oto, aiwasu'u hã tô senai õ na hã. Te za duré aiwaihu'u za'ra ni, 'Re ihâimana u'âsi nhimiroti 'rata na Mozésihi nhimi'ui'éré zarina 're i'aihâimana mono zém na hã. Ãne hã 'manharĩ da, wa aima waihu'u za'ra ni, wasiré isazei'wa zudeu norĩ, te te aiwaihu'u za'ra da.

Roma 4:12

Duré, isihâiwata nhihâri ré norĩ hi'rada, zudeu norĩ hi'rada. E tawamhã sihâiwata nhihâri ré 're hâimana za'ra mono wa, te ta norĩ hi'rada hã 're hâimana, Abra'ã hã. Mare di. Abra'ã hã sihâiwata nhizâri õ ré, 'Re ihâimana u'âsi mono te te isazei pese ne, isine te te 're isazei pese za'ra mono norĩ hi'rata si, te 're hâimana, Abra'ã hã.

2 Tesalonita 3:11

Ni'wam norĩ hã asiré wa'aba 're isi'ubumroi mono norĩ hã, isazei'wa nherẽ, taré te, u, 're hâimana za'ra. Te te 're romhuri za'ra mono õ di, u. Taré te, u, te te dawi 're ro'wa'rutu za'ra, da te 're iromhuri pese za'ra mono norĩ wi. Ãne wa, wa aima ãma sahu za'ra wa'aba ni, wanhimiroti na hã.

2 Tesalonita 3:6

Wasisãnawã norĩ, Wanhib'apito Zezu Cristuhu zadawa para, wa aima roti pese za'ra wa'aba ni, ni'wam norĩ wi, a'â 're aihâimana za'ra wa'aba mono da. Ta norĩ hã asiré isazei'wa norĩ nherẽ, wa'a u'âsi te 're hâimana za'ra. Wanhimiroti zarina 're hâimana za'ra mono õ di. Tahawa, ihâiba zu 're aihâimana za'ra wa'aba mono õ di za.