Marcu 7:34 - ꞌRe Ihâimana Uꞌâsi Mono Zadawa Wasuꞌu

³⁴ Taha pari, te hâiwa u rob'madâ. Hâiwa u te te rob'madâ'â sina, aibâ ãma pẽ'ẽzé wa, tipẽ'ẽ 're te ãi'ã. Tawamhã tisimremezém na te tãma tinha, ãne: — Epata. — Ãne ãma isaprĩzé hã, wamreme na: “Aipo're 'repu'u.”

Marcu 7:34 ပူးပေါင်းရင်းမြစ်များ

Ezodu 2:23

Tawamhã ãma wahub ahâ pari, ma tô Ezitu te apito hã dârâ. Tane nherẽ, te i'uirĩ na zahadu Izaraéu nhihudu norĩ hã te te 're robzépata za'ra, ezipsiu norĩ te te 're iwada'uri pese za'ra mono zéb zarina. Tahawa te mreme 'rãihâ na 'Re ihâimana u'âsi mono wi, te te 're rowaptẽrẽ za'ra, te te 're pawaptob za'ra mono da hã. Tahawa, ma tô isimirowaptẽrẽ za'ra zé hã itẽmemhã 're simasisi, 'Re ihâimana u'âsi mono u.

Marcu 1:41

Tawamhã Zezusi hã ãma pẽ'ẽzé wa, ma tô tinhib'rada hã wahutu, te te ãma upi da. Te te upi wamhã, ãne te tãma tinha: — Tane tô. Wa tô ĩsima aiwẽ, te aipese da. Tâibâ oto aihâzé hã.

Marcu 15:34

Tawamhã si'ubdatõ bâtâ ãma, te Zezusi hã Timama hã sina 'mahâ, hârâ 'rãihâ na ãne: — Eloi, Eloi, lema sabactani. Ihârâzém na, ãma isaprĩzé hã, ãne: — Ĩnhib'apito, Ĩnhib'apito, e marĩ da, ma tô oto ĩsiwaprosi ĩrẽ ĩhâiba pisutu.

Marcu 5:41

Tawamhã ma tô pa'â, Zezusi hã. Ãne te tãma tinha: — Tarita tumi. Ãne ãma isaprĩzé hã: “Azaruture ai'utu.”

Marcu 6:41

Tawamhã ma tô oto i'u'ẽtẽ wapu hã waibu, 5 na ihâiba hã. Pe'a zama ma duré timra. Tawamhã hâiwa u te iré rob'madâ. Timama ãma te tiwata, sõpru wa. Taha pari, ma tô te te wẽ'ẽ, i'u'ẽtẽ wapu hã. Te te wẽ'ẽi mono pari, ma tô tisiré 're inomro mono norĩ ma sõmri za'ra, te te dama sõmri za'ra mono da. Pe'a zama, ma tô te te wẽ'ẽ zahuré, te te duré dama sõmri za'ra mono da hã.

Marcu 7:35

Tawamhã awa'awi ma tô po're 'repuru oto. Duré ma tô tinhoto wairo. Tawamhã mreme wẽ di oto, aibâ imreme waihu'u'õ hã.

Marcu 8:12

Tawamhã Zezusi ãma pẽ'ẽzé za'ra wa, ma sa'ẽtẽ pẽ'ẽwaze. Tawamhã te sima tinha, ãne: — E niha ma tô nimosi dapoto tém norĩ hã siwi ĩwada'u, marĩ dama i'manharĩ waihu'u'õ hã isõ'a te tãma 'manharĩ za'ra da. Mare di za. Ãne hã te tãma 'manharĩ za'ra õ di za.

Luca 18:42

Tawamhã te Zezusi hã tãma tinha, ãne: — Rob'madâ'â. Asina ĩ'umnhasi wa, ma ato pe.

Luca 19:41

Tawamhã Zezusi hã ma tô rob'umhutu oto, Zeruzalẽ u hã. 'Ri ahâ hã te te 'madâ'â wamhã, te aiwa'õ, iwa 're idasi'ubumroi mono norĩ ãma hã.

Luca 7:14

Tawamhã ma tô oto itẽme wi. Te te âri za'ra ré, ma tinhib'rata na iré upi. Tahawa, ma iré mazahâri za'ra. Tawamhã te oto 'mahâ: — Ai'repudu, wa za aima tinha: Ai'utu.

Zuwã 11:33

Tawamhã Maria hã pẽ'ẽzé te, siwa'õ wa, duré we isarina isihutu zama 'ru'ru wa, pẽ'ẽzé di, Zezusi hã. Duré ãhã wamhã pẽ'ẽzé ahâ di.

Zuwã 11:35

Tawamhã pẽ'ẽzé ahâ wa, te aiwa'õ, Zezusi hã.

Zuwã 11:38

Tawamhã Zezusi hã ma tô apâ ipẽ'ẽzé uptabi hã iwab ãzé. Tahawa te mo, ab're u, sa'a zahâpâ ab're ihâimana u. Tawamhã ab're u wisi wamhã, da te dasiwi ãma sitom haré, te ẽne hã za, itõmo za'ẽne hã.

Zuwã 11:41

Tawamhã isitobzé ma tô dasiwi sa'ré ni. Ãhã wamhã, te hâimo oto rob'madâ, Timama ma mreme da, Zezusi hã. Ãne te tawamhã tãma tinha: — Ĩmama, da'ãma aima 're ĩmreme mono wamhã, ĩmreme te ĩma ãma 're i'a'uwaimrami u'âsi mo. Ãhã na te za duré ĩmreme hã iwapa. Ãne wa, ĩma rowẽ di. Tahawa, wa duré danho'a, ãne aima rowasu'u, aima ĩmreme ré, da te ĩwapari za'ra da. E marĩ da. Aibâ ãma aima ĩmremezé hã ãma ĩma uwaimrami wamhã, a hã we ĩzatõrĩ'wa na dama 're ĩsiwasu'u mono zém na, da te 're ĩzaze za'ra mono da.

Zuwã 11:43

Timama ma mreme pari, te oto Lazaruhu zô hâ, mreme 'rãihâ na, ãne: — Lazaru, ab're hawi we aiwatobro, rob u.

Zuwã 17:1

Tawamhã tãma siwasu'u za'ra pari, Timama ma mreme da, te hâimo rob'madâ, Zezusi hã. Ãne te Timama ma tinha: — Ĩmama, bâdâ ĩma ipisutuzé hã ma tô iwa waptãrã. Ma'ãpé, we ĩpawapto na, ĩ'ãma irotizé hã te dama ĩsina uwaimrami da, ai'ãma 're dawata u'âsi za'ra mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:34

Tawamhã Pedru te tãma tinha, ãne: — Enéia, Zezu Cristu ma tô aipese. Aiwahutu. Asa'warizé hã sa'ra pese. Tawamhã awa'awi ma tô wahudu, Enéia hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:40

Tahawa, ma tô Pedru hã tãma rob'ru za'ra, aihĩni wairébé da. Wairébé za'u si, ma tô hi'rãtitõ nhamra, 'Re ihâimana u'âsi mono ma, mreme da. Tawamhã ma tô aipi'ra, pi'õ idâ'â u. Te tãma tinha, ãne: — Tabita, ai'utu. Tawamhã pi'õ hã ma tô toporo. Pedru te te 'madâ'â wamhã, ma tô udu.

Hebreu 4:15

Tawamhã tô õ hã sasedoti ipire uptabi na, te te wa'ãma 're iromhuri mono hã, e wahâimana nhib'uware na 're wahâimana za'ra mono nherẽ, wa'ãma 're siwamri mono õ di za bété, ta hã. Te za tô wa'ãma 're siwamri u'âsi. E marĩ wa. Ta hã ma tô Wa'uburé hã te te 're pibu aré, tiwasédé hã te te 'manharĩ da, wawasédé hã wa te 're 'manharĩ za'ra mono da, te te 're iwa'apibui u'âsi mono ne. Tane nherẽ, tiwasédé hã te te 'manharĩ õ uptabi di, Zezusi hã.