Marcu 7:28 - ꞌRe Ihâimana Uꞌâsi Mono Zadawa Wasuꞌu

²⁸ Tawamhã pi'õ hã ma asa ãma sada'â: — Tô i'uwaibaba, ma tane hã ĩma iwaihu. Tane nherẽ, te za da'ra saipru hã, da'ra norĩ wi 're rere'e mono wamhã, wapsã hã te te 're huri, wedezai 'rowi.

Marcu 7:28 ပူးပေါင်းရင်းမြစ်များ

Mateu 15:27

Tawamhã pi'õ hã te duré asa tãma tinha, ãne: — Apito, tô ibâre ma te tane hã ĩma iwaihu. Tane nherẽ, te za tô wapsã titede'wa sai'a'a wedeza zahâpâ irere'e mono hã te te 're huri.

Mateu 5:45

Ãne te za dama 're i'manharĩ za'ra wa'aba mo, Aimama aba 'ra na sena na da te 're aiwaihu'u za'ra wa'aba mono da, hâiwa ãma 're isãmra mono 'ra na. E marĩ wa, te za ai'ruiwapari'wa norĩ hã 're isawi pese za'ra wa'aba mo. Ni'wai ma, isawi hã te te 're ba'a mono õ wa, 'Re ihâimana u'âsi mono hã. Uburé te te 're da'azawi pese, te te 're isawi pese za'ra mono norĩ hã, duré te te 're isawi õ za'ra mono norĩ zama. Aiwapsi te bâdâ hã te te dama 're rob'uiwẽ za'ra, 're inomro wẽ mono norĩ ma, duré 're inomro wasété mono norĩ ma zama, 'Re ihâimana u'âsi mono nhimipisutuzéb zarina. Aiwapsi te duré tã hã dama 're ta'a za'ra, 'Re ihâimana u'âsi mono nhimiroti te te 're i'madâ'â pese za'ra mono norĩ ma, duré te te 're iwapari za'ra mono õ norĩ ma zama, isimipisutuzéb zarina.

Marcu 7:27

Tawamhã Zezusi te asa tãma tinha pi'õi ma, ãne: — Imorĩ'rata na te za da'ra ma, isa hã da te tãma 're sõmri za'ra, tisa hã te te 're 'mahâpãrĩ za'ra mono da, a'â. Da'ra sa hã imorĩ'rata na wapsã ma, da te 're sãmra mono wamhã, i'uwaibaba õ di.

Marcu 7:29

Tawamhã Zezusi ma duré asa tãma waihu'u: — Tane tô. Asa ãma ĩma uwaimrami wẽ wa, te za oto apâ aimo, 'ri tẽme. Ai'ra ma, ma tô wa'uburé hã watobro.

Roma 10:12

Zudeu norĩ hã zudeu'õ norĩ me, 'Re ihâimana u'âsi mono ma hã, tô õhõ si, tãma 're ihâimana za'ra mono zé hã. Siwanhizari, tãma 're hâimana za'ra mono õ di oto ta norĩ hã. 'Re ihâimana u'âsi mono, uburé Danhib'apito uptabi, te dama 're hâimana. Tahawa, ni'wam norĩ hã 'Re ihâimana u'âsi mono te te 're sõ'reptu za'ra mono da, te te tiwi 're waptẽrẽ za'ra mono wamhã, ta norĩ ma, te za tô te te tãma ãma 're a'uwaimrami, dama 're isõpru mono zéb zarina.

Roma 3:29

E zudeu norĩ nhib'apito si, te 'Re ihâimana u'âsi mono hã 're hâimana. E zudeu'õ norĩ ma hã, 're hâimana mono õ di bété. Ta norĩ ma zama te duré 're hâimana.

Éfézu 3:8

Ĩwana isazei'wa norĩ hã ĩwẽ na te sipa za'ra õ di. Ta norĩ si ma tô tiwẽ na ĩnhipa za'ra. Tane nherẽ, ma tô ĩpisutu, zudeu'õ norĩ ma te tãma 're wasu'u za'ra mono da, iwẽ hã sa'ẽtẽ na Cristuhu ma 're ihâimana mono hã dama ãma 're isõpru mono zéb da hã.