Marcu 7:20 - ꞌRe Ihâimana Uꞌâsi Mono Zadawa Wasuꞌu

^20-22 Ãne ma duré tãma waihu'u za'ra: — Dapẽ'ẽ hawi, da te 're isani za'ra mono na si, te za 'râwi 're dasiwasété za'ra. Dapẽ'ẽ 're, danhimirosa'rata wasété hawim na si, te dawasédé hã uburé da te 're 'manharĩ za'ra, marĩ na danhipsaihuri hã, duré dasipãrĩ hã, duré dasina danhipsaihuri hã, duré danhibrom na da'ruiwapari hã, duré dawasété 'manharĩ hã, duré dazadawa nhipe hã, duré marĩ na danhiminho'ru hã, duré danhisi wasédé hã, duré marĩ na 'râwi dasina dawada hã, duré 'râwi dawasété na 're idasisãmri za'ra mono õ zém na hã.

Marcu 7:20 ပူးပေါင်းရင်းမြစ်များ

Salmu 41:6

Ta norĩ hawi te te ĩ'mazabu da, wẽ ĩtẽme 'maimorĩ wamhã, sena na hã te te ĩma 're 'mairobzanhamri mono õ di. Te duré ĩhâiba na si romreme hã taré te te sima 're a'ubumro, apâ ĩhawi 're pusi mono wa, te te ãma sima 're ropé za'ra mono da hã.

Mateu 15:18

Tazahã oto, dapẽ'ẽ hawi da te 're isani za'ra mono na si hã, te za 'râwi ãma 're dasiwasété za'ra.

Mateu 4:4

Tawamhã Zezusi asa te tãma tinha, ãne: — 'Re ihâimana u'âsi mono mreme na rob'ui'éré hã ãne: “Dasa na si 're danhiptete za'ra mono õ di za. 'Re ihâimana u'âsi mono te te dama 're i'awaihu'u mono zém na zama, te za duré 're danhiptete za'ra.”

Marcu 7:15

Uburé marĩ na 're dasaihuri mono wamhã, taha na 're dasiwasété za'ra mono õ di za. Dapẽ'ẽ hawim na danhimirosa'rata wasété zarina, da te dasima 're nharĩ wasété za'ra mono wapsi, te za 're dasiwasété za'ra, 'râwi.

Marcu 7:23

Dasi'uihâ na te za 'râwi da te dasima 're rosa'rata wasété za'ra. Taha pari, te za uburé marĩ hã iwasétére hã da te 're 'manharĩ za'ra. Ãne wapsi, te za 'râwi 're dasiwasété za'ra.

Hebreu 7:6

Tawamhã Mequizédéqui hã Levihi nhihudu, 're hâimana mono õ nherẽ, ma tô Abra'ã hã danhibro hã tãma tisõ. Tinhiptõmo hi mono bâ te te po'o mono pari, ma tô misi tãma tisõ. Tawamhã Mequizédéqui hã mreme pire na ma tô ãma mre, 'Re ihâimana u'âsi mono ma, iwẽ uptabi hã te te tãma 're apisutu mono da, Abra'ãhã ma hã. Taha ma, ma tô 'Re ihâimana u'âsi mono hã tãma ropisutu, duréihã.

Tiagu 3:6

Tane danhoto hã unhama ro'o ne, te aiwa dama 're hâimana za'ra. Danhoto hawi, te za sipu'u pese na damreme wasédé hã te te 're ropé. Ta hawi te za 'râwi 're dasiwasété za'ra. Unhama ro hã te za danhimarĩ hã te te dawi 're uprosi. Tane danhoto wasété na, te za dahâimana wẽ hã da te dasiwi 're uprosi za'ra. Ropipa hawimhã te za damreme wasédé hã te te dama ãma 're sãna'rata, wa'uburé hã.

Tiagu 4:1

A norĩ wa'wa hã te aimreme na 're asi'wapé za'ra wa'aba mo. Te duré 're asisada'âbâ za'ra wa'aba mo. E marĩ wa. Asimirosa'rata wasété za'ra wa'aba zarina, marĩ zô asi'rep si asima 're rob'ruiwapari za'ra wa'aba mono wa.