Marcu 7:2 - ꞌRe Ihâimana Uꞌâsi Mono Zadawa Wasuꞌu

² Ta norĩ hã ma tô 'madâ'â za'ra, Zezusihi siré 're inomro mono norĩ hã, farizeu norĩ nhimiroti hã te te 'madâ'â za'ra ãna, saihuri wa, simisõi pese ãna.

Marcu 7:2 ပူးပေါင်းရင်းမြစ်များ

Mateu 15:2

— E niha asiré 're inomro mono norĩ hã te te 'madâ'â za'ra õ di, duréi wahi'rata norĩ nhimiroti hã. Ta norĩ hã 're saihuri mono õ ré, 're simisõi pese za'ra mono õ di. Ãne wa, te ta norĩ hã, 're iwahâimana za'ra mono zém na hã te te ãma wawi 're upa za'ra.

Marcu 7:5

Tahawa, farizeu norĩ hã Zezusihi u si'rã'õtõ wamhã, ma tô Zezusi hã siwi 'mahâ, rowahutu'wa norĩ me: — E marĩ wa, te bété asiré 're inomro mono norĩ hã simisõi ãna 're saihuri, wahi'rata norĩ nhimiroti na te te 're rosa'rata za'ra mono ãna.

Luca 11:38

Tane nherẽ, sai õ ré, simisõi õ di Zezusi hã, dahi'rada hã 're isimisõ za'ra mono zéb zarina hã. Tahawa, te farizeu hã tãma tinha, tipẽ'ẽ na, simisõi õ wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:28

Tawamhã Pedru hã te te da'madâ'â wamhã, te dama tinha, ãne: — A norĩ wa'wa hã ma tô iwaihu'u pese za'ra wa'wa, 're iwahâimana za'ra mono zém na hã. Wa norĩ hã zudeu norĩ hã, zudeu'õ norĩ nhorõwa u 're wanhisisi waihu'u mono õ di. Wa norĩ hã 'Re ihâimana u'âsi mono nhib'a'uwẽ 're wahâimana za'ra mono wa, wa tiwi 're wasi'uwati pese za'ra, zudeu'õ norĩ wi. Ãne 're iwahâimana za'ra mono zé hã. Tane nherẽ, 'Re ihâimana u'âsi mono hã ma tô ĩma waihu'u pese oto, ni'wa, iwẽ na 'Re ihâimana u'âsi mono te te ĩma wasu'u wamhã, zudeu'õ nherẽ, te ĩsiwi wẽ'õ tõ da. Ãne ma tô ĩma waihu'u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:8

Tawamhã wa asa duré tãma tinha, ãne: “Ĩnhib'apito, mare di. Marĩ hã iwasétére hã te 're 'masi mono õ di, wahi'rada Mozési hã te te wawi isawi hã.” Ãne wa tô asa tãma tinha.

Roma 14:14

Wa hã Wanhib'apito Zezusihi ãma 're ĩhâimana mono wa, wa tô ĩsina waihu'u sena na, uburé dasa iwẽ na hã, duré iwasété õ na. Tane nherẽ, ni'wam norĩ hã te za ãne hã te te ãma 're rosa'rata upa za'ra: “Ã hã romnhi hã, wasétére di. 'Re ihâimana u'âsi mono ma hã wẽ õ di, wa te 're ihuri mono da hã.” Ãne hã ni'wam norĩ hã te te ãma 're rosa'rata za'ra mono wamhã, õ norĩ ma si, romnhi hã wasété di tô. Tane nherẽ, te te siwi 're wẽ'õ za'ra mono nherẽ, te te 're huri mono wamhã, dawasédé te wasu'u.

Hebreu 10:29

Ãne, duréihã 'Re ihâimana u'âsi mono nhimiroti 'rata wẽ'õ'wa norĩ ma hã, 're ropipa za'ra mono di. E niha tawamhã za, 'Re ihâimana u'âsi mono 'ra, te te siwi 're i'ruiwapari za'ra mono norĩ ma, 're iromhâimana za'ra mono zé hã za. Tãma 're ropipa uptabi za'ra mono di za tô. 'Re ihâimana u'âsi mono hã te za tô ta norĩ hã hâ za'ra za'ẽtẽ, rob'rãsutuzéb ãma hã. Duré 'Re ihâimana u'âsi mono te te dama iropisutuzép tém na, Cristu hã dazada idâ'âzé hã taré newa, te ta norĩ hã te te ãma 're rosa'rata upa za'ra. Ta norĩ hã te duré 'Re ihâimana u'âsi mono pẽ'ẽzani ãma te te 're wasété u'âsi za'ra, isimizawi uptabi ãma hã.

Apocalipsi 21:27

Tawamhã marĩ iwasédé hã da te 'mazasi za'ra õ di za. Duré 're idahâimana wasété za'ra mono norĩ hã, duré 're idazadawa nhipese za'ra mono norĩ hã itẽme 're danhisisi waihu'u mono õ di za oto. Ibaihâ na 're idahâimana u'âsi za'ra mono norĩ nhisi 're isimi'wara mono zém na, isisi, 're isimi'wara mono norĩ si, te za itẽme 're sisisi, Pone'ẽrebâ te na isisi ui'éré ré mono norĩ si hã.