Marcu 7:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã Zezusi te duré sima dazô hâ, te te dama roti da, ãne: — Ma'ãpé, ĩnhimirowasu'u hã wapari pese za'ra wa'aba za, marĩ hã waihu'u za'ra wa'aba da ãma.

Marcu 7:14 ပူးပေါင်းရင်းမြစ်များ

Salmu 94:8

Isimiza'rese'õ norĩ, asima sô asõpré wa'aba, marĩ waihu'u za'ra wa'aba da hã! E niwa te za asimiza'rese na 're i'aihâimana za'ra wa'aba mono zéb da hã asima iwaihu'u za'ra wa'wa.

Provébiu 8:5

Asimirowaihu'u wẽ prã na 're i'aihâimana za'ra wa'aba mono norĩ, ma'ãpé rowaihu iwẽ hã 're waihu'u za'ra wa'aba mono. Duré asimiza'rese ãna 're i'aihâimana za'ra wa'aba mono norĩ, asimiza'rese wẽ zé hã te za oto 're iwaihu'u za'ra wa'aba mo.

Mateu 15:10

Tawamhã Zezusi ma tô sima dazô hâ, isimirowasu'u hã da te wapari za'ra da. Ãne te taha wamhã dama tinha: — Ma'ãpé, ĩwapari pese za'ra wa'aba za, marĩ hã ãma asiwi waihu'u aba da hã.

Marcu 7:13

Ãne wa, 'Re ihâimana u'âsi mono zadawa wasu'u hã aima wapu za'ra wa'aba di, isimiroti upana aihi'rata norĩ nhimiroti na si, dama 're roti u'âsi za'ra wa'aba mono wa. Tane duré aimawi na dama 're iroti za'ra wa'aba mono zé hã, tô sena ahâ uptabi di.

Marcu 7:15

Uburé marĩ na 're dasaihuri mono wamhã, taha na 're dasiwasété za'ra mono õ di za. Dapẽ'ẽ hawim na danhimirosa'rata wasété zarina, da te dasima 're nharĩ wasété za'ra mono wapsi, te za 're dasiwasété za'ra, 'râwi.

Luca 12:1

Tawamhã ma tô dasina tahâ'â ni. Tahawa, da'ahâ uptabi di oto. Da'ahâ uptabi wa, ma tô 're dasipara wati'i za'ra. Ãhã wa, te Zezusi hã a'â tãma nharĩ za'ra, tisiré 're inomro mono norĩ ma, ãne: — Farizeu norĩ hâimanazé hã, tô senai õ di. Tahawa, te za tiwi 're asi'madâ'â pese za'ra wa'aba mo, i'u'ẽtẽ wapuzém nhiti 're anomro aba mono da, farizeu norĩ nhimi'manharĩzém nhiti. Wa za ãma simiré'é, ãne: Ãté te za marĩ hã da te dawi 're sahâri za'ra, da te 're waihu'u tõ za'ra mono da, danhimirowasu'uzé hã, danhimi'manharĩzé hã. Tane nherẽ, te za niwapsi waihu'u za'ra ni. Tane bara na, aihâiba pisutu dama asimirowasu'uzé hã te za rowa'a ré dama asimirowasu'u za'ra wa'aba zém na aiwasu'u za'ra wa'aba ni. Duré 'ri nhitob ré, aihâiba pisutu dama asimirowasu'u za'ra wa'aba zé hã, te za sõ'awi dama asimirowasu'uzém na aiwasu'u za'ra wa'aba ni. Tahawa, te za 'râwi 're asi'madâ'â za'ra wa'aba mo, farizeu norĩ hâimanazéb zarina, 're aihâimana za'ra wa'aba mono tõ da, tô senai õ wa, ta norĩ 're ihâimana za'ra mono zé hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 8:30

Tawamhã ma tô itẽme sina rotété, Filipi hã. Tawamhã ma tô te te wapari, te te romnhoré mono ré, aibâ hã. 'Re ihâimana u'âsi mono zadawa 'mahârâ 'rata 'wa nhimi'ui'éré hã te te sõré, Izaiaha nhimi'ui'éré hã. Tawamhã Filipi te ãma 'mahâ, aibâ hã, ãne: — E iwasu'u hã ma tô iwaihu, i'ui'éré, isõré mono hã.