Marcu 6:56 - ꞌRe Ihâimana Uꞌâsi Mono Zadawa Wasuꞌu

⁵⁶ Daro mono bâ te Zezusi hã datẽme 're mo, 'ri wa'õtõ u zama, duré 'ri nho'õmo u zama, duré re na 'ri isimasa mono u zama. Darob u datẽme 're simasisi mono wi, ma tô ihâzé ré norĩ hã da te tãma 're sa'ra za'ra, 'ri nhi'riti wa, da te dasina 're i'ubumroi mono zéb ãma. Tawamhã ma tô tiwi rowaptẽrẽ za'ra ni, i'uza nhisutu si ihâzé ré norĩ hã te te tiwi 're upi za'ra mono da. Tawamhã i'uza nhisutu si te te tiwi 're upi za'ra mono nherẽ, ma tô 're séptâ'â za'ra, uburé ihâzé ré norĩ hã.

Marcu 6:56 ပူးပေါင်းရင်းမြစ်များ

Mateu 14:36

Tawamhã ma tô ihâzé ré norĩ hã tiwi waptẽrẽ za'ra, i'uza nhisutu si te te tiwi upi za'ra da. Tawamhã i'uza nhisutu si te te nasi upi za'ra nherẽ, ma tô uburé ihâzé ré norĩ hã, awa'awi tizéptâ'â za'ra.

Mateu 9:20

Tawamhã morĩ ré, te we pi'õ hã isarina mo, ibabarãi hawi. Pi'õ hã ihâzé te te isazâri'õ, 12 na ma tô ãma tiwahu, ihâzé te te 're 'manharĩ mono ré hã. We isarina morĩ wamhã, ma tô i'uza hânhisudu hã tiwi upi.

Marcu 6:55

Tawamhã daza'rui mono bâ, ma tô ihâzé ré norĩ hã itẽme 'wasari ni, Zezusihi hâimanazéb u, isimiwaptâ ré.

Luca 22:51

Tawamhã ma tô Zezusi hã tãma tinha, ãne: — Tô'ã. Tane hã 'manharĩ tõ. Tawamhã ma tô po're upi, tinhib'rata na. Tahawa, ma tô tipo're wẽ apâ.

Luca 6:19

Simipese waihu'u pese wa, ma tô dasima wẽ za'ra ni, danhib'rata na da te upi za'ra da, rowẽ na oto 're dasi'ubumroi mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:12

Danho'reptuzé hã, Zezusihi ãma si te za da te 're sõpẽtẽ za'ra. Ni'wa hã, aimawi hã 'Re ihâimana u'âsi mono te te dama pisutu õ di, ti'ai ãma te te 're ida'anho'reptui mono da hã. Tahawa, Zezusihi si uburé Danho'reptui'wa hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:15

Ãne hã Zezusihi zadawa wasu'u'wa norĩ hã te te dama 're 'manharĩ za'ra mono wa, ma tô ihâzé ré norĩ hã da te 're sa'ra, 'ri nhi'riti wa, 're simi'wara mono da, isa'warizé wa, duré wetenhamri wa. Pedru hã iwa'wai baba za'ra te te ro'razâri wa, i'awã hã te te hâiba upsibi za'ra da, te tame 're simi'wara, te te pese za'ra da.