Marcu 6:5 - ꞌRe Ihâimana Uꞌâsi Mono Zadawa Wasuꞌu

⁵ Tahawa, Nazaré ãma sô datob'uzu za'ra õ wa, marĩ dama i'manharĩ waihu'u'õ hã ahâ na te te dama 'manharĩ õ di, tiwaihu'u pese na hã. Ni'wam norĩ si, ma tô upi za'ra, tinhib'rata na te te pese za'ra da, da'umro na.

Marcu 6:5 ပူးပေါင်းရင်းမြစ်များ

Zenezi 19:22

Ma'ãpé tô tamomop si ai'aba'ré na sa'ẽtẽ hã aiwara. E marĩ wa. Tamomo zahadu aiwisi õ ré, marĩ hã te 'manharĩ waihu'u õ di za a'â. Tahawa 'ri nho'u hã ma tô Zoa na da te 're sisi za'ra.

Zenezi 32:25

Tawamhã aibâ, Zacoho ãma te te ãma i'ai'uté waihu'u õ na siwaihu'u wa, ma tô upata upi. Ãhã wa, ma tô upata hi watobro, Zaco hã.

Mateu 13:58

Tawamhã isimipawaptobzém na da te dasina 're umnhasi za'ra mono õ wa, marĩ dama i'manharĩ waihu'u'õ hã ahâ na te te dama 'manharĩ õ di, tamemhã.

Marcu 5:23

Ãne te tãma tinha: — Ĩ'ra hã hâzé ahâ di, azaruture hã. Te za ĩwi dârâ. Tahawa, te za ãma ĩsiré aimo, asib'rada hã ãma nomri da, ĩma pese da, dâ'â tõ da.

Marcu 9:23

Tawamhã ãne te Zezusi hã tãma tinha: — E niha te ãne ĩma inha, tô sena ĩwaihu'u pese wamhã, te aipawapto wa'aba da hã, ai'ra na wa'aba. Ĩwaihu'u pese na, da te 're ĩ'umnhasi za'ra mono wamhã, uburé dama waihu'u pese di za, marĩ na da te 're idapawaptob za'ra mono zéb da na hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:8

Imama hã hâzé ré te nomro, waptâ. Wa'ro za'ẽtẽ di, duré isãnapru hã te ãma tihâiba. Tawamhã Paulu hã ma tô itẽme ãzé, te te sabu da. Ãhã wamhã, 'Re ihâimana u'âsi mono ma, ma tô ãma mre. Ãma mreme pari, ma tô tinhib'rada hã ãma tino. Tahawa, ma tô séptârâ.

Hebreu 4:2

Ta norĩ hã 'Re ihâimana u'âsi mono nhimiropisutu wẽ hã te te wapari za'ra nherẽ, te te sina uwaimrami za'ra õ di, te te ãma saze za'ra õ wa. Tane duré, wa norĩ zama wa tô 'Re ihâimana u'âsi mono wasu'uwẽ hã wa te 're wapari za'ra. Tane aiwa isimiropisutu wẽ na wa te 're saze za'ra mono õ wamhã, wa norĩ zama tô wa te wasina 're uwaimrami za'ra mono õ di za, te te wama iropisutu za'ra zé hã, 're idawa'utu u'âsi za'ra mono ne, 're wahâimana za'ra mono da hã oto, rowẽ uptabi na.