Marcu 6:48 - ꞌRe Ihâimana Uꞌâsi Mono Zadawa Wasuꞌu

⁴⁸ Tawamhã ẽtẽ 'rãihâ hawi, ma tô 'madâ'â za'ra tisiré 're inomro mono norĩ hã, uba're sari na si'u'ẽtẽ za'ra mono ré, rowa'u'u za'ẽne apâ te te tiwi wabzuri za'ra mono wa. E marĩ wa. Rowa'u hã isõ'õmoi baba te te rowapõrĩ za'ra wa. Taha ré, ma tô Zezusi hã itẽme timorĩ za'ra â nhisi baba, mara hâ ré. Tawamhã isõ'rãmi te aré timorĩ za'ra, Zezusi hã.

Marcu 6:48 ပူးပေါင်းရင်းမြစ်များ

Zenezi 19:2

Taha sina, ma tô ãne tãma nharĩ zahuré: — Ĩnhib'apito norĩ, ma'ãpé asib'a'uwẽ nhorõwa u ĩsiré ãma ane wa'aba da asima wẽ wa'aba. Tawamhã õmep si te za 'râwi asipara upsõi wa'wa. Te za duré tame asõtõ 'wa. Tawamhã awẽ wi mararé te za ane wa'aba zém na ãma i'uzusi 'wa za. — Mare di. 'Re idasisõpẽtẽ pese za'ra mono zéb ãma rowip si wa za wanhotõ ni. — Ãne ma te asa ãma sada'âbâ zahuré.

Zenezi 32:26

Tawamhã aibâ, te Zacoho ma tinha ãne: — Ĩma asimirẽme, ĩmorĩ hâ. Ma tô we oto tirowa'a. Tawamhã Zaco, ma te ãma tãma wa'rã ãne: — Aima ĩnhimirẽme õ di za a'â, ĩwẽ hã ĩma 're apisutu mono da, asina ĩma ropisutu õ nherẽ.

Salmu 104:3

 're isa'wari mono nhisiwimhã 're i'asãmra mono zé 'ri hã ma tô isã. Duré wedewara zapore na dasi'wapézém na 're idasisa'rei mono ne, te hâiwa'a na 're ane mo. Te duré asaripi na ne rowa'u'u nhisiwi 're asamroi mo.

Ezodu 14:24

Tawamhã awẽ wi unhama ro'o pisutu pese hawi, duré hâiwa'a isarob'a pisutu pese hawi, ma tô Uburé Danhib'apito, ezipsiu norĩ dasi'wapéi 'manharĩ'wa hã 'madâ'â za'ra sipapara, i'rãiwaihu'u'õ te te tãma i'manharĩ za'ra zarina sitẽme siwa'ru te te iro'rahâri za'ra mono zé te te tãma 'manharĩ za'ra da.

Mateu 14:24

Taha ré, isiré 're inomro mono norĩ hã ma tô â wa'wa u tihâimana za'ra, uba're na hã. Tame ma tô â sisasi hã te te iré wabzuri za'ra uba're hã, rowa'u'u za'ẽne hã isõ'õmoi baba te te rowapõrĩ wa.

Mateu 24:43

Wa za duré aima ãma romnhimiré'é za'ra wa'wa, ãma rosa'rata za'ra wa'aba da. 'Ri tede'wa hã isõrõwa u isipsaihuri iwisizé hã, bâdâ te te waihu'u siromo wamhã, bara na te za sô rob'madâ'â u'âsi, sõtõ ãna, 'ri para u sébré tõ da, tiwi hã simisaihuri õ'umnhasite.

Marcu 13:35

'Ri tede'wa hã apâ za iwisizé hã, bâdâ te te waihu'u za'ra õ di, tãma iromhuri'wa norĩ hã. Apâ tinhorõwa u iwisizé hã, ãté hâiwahâ, ãté mara wa'wa, ãté si'a hârâ wi, ãté awẽ wi. Tane bâdâ hã apâ we ĩmorĩzé hã waihu'u za'ra wa'aba õ wa, te za asimiza'rese ĩzô 're asimipari za'ra wa'aba mo, a norĩ wa'aba zama, 're asõtõ za'ra wa'aba mono ne, asimiza'rese ãna 're aihâimana za'ra wa'aba mono ré, apâ we ĩmorĩ õ'umnhasite.

Marcu 6:47

Tawamhã oto tiwi mara za'ra wamhã, uba're hã â wa'wa u, ma tô iré tihâimana za'ra. Taha ré, Zezusi hã siwaprosi te a'â tihâiba, ẽtẽ 'rãihâ ãma.

Marcu 6:49

 nhisi baba itẽme morĩ za'ra wamhã, te ãma rosa'rata za'ra, adâ'â hâiba warõ newa. Tahawa, tãma pahi za'ra wa, te tãma 're sadari za'ra. Tahawa, te Zezusi hã awa'awi tãma si'mahârâ za'ra, ãne: — Wa hã wa we atẽme ĩmorĩ 'wa. Ĩma aipahi za'ra wa'aba õ di za.

Luca 24:28

Tawamhã ma tô rob'umhutu za'ra oto, 'ri wa'õtõ u hã, Emausi u. Zezusi hã te aré tiwi timorĩ waré zahuré.

Zuwã 1:13

E i'ra siro, ma tô ta norĩ hã 're rere'e, ti'ai ãma timama sipoto na. Mare di. Taha zarina, i'ra siro, 're rere'e mono õ di. 'Re ihâimana u'âsi mono si ma tô ãma 're 'ra za'ra.

1 Samuéu 11:11

Tawamhã awẽ bâtâ na ma tô Sau hã tite dasi'wapéi 'manharĩ'wa norĩ si'ubdatõ iwa'õtõ na hã upsãtã za'ra. Tawamhã awẽ wi, ma tô amonita norĩ te te sima i'ri nhoré za'ra zéb u asisi, te te 'wapé za'ra da hã. Tahawa, ma tô abzuma u hã uprosi, tinhitob'ru norĩ hã. Duré tiwi isimani za'ra norĩ hã ma tô siwi sipé misisi robzawi te.