Marcu 6:46 - ꞌRe Ihâimana Uꞌâsi Mono Zadawa Wasuꞌu

⁴⁶ Te te dama rob'rui pari, te ẽtẽ 'rãihâ u mo, Timama ma, mreme da.

Marcu 6:46 ပူးပေါင်းရင်းမြစ်များ

Mateu 14:23

Te te dama rob'rui pari, te oto Zezusi hã mo sa'a u, siwaprosi Timama ma mreme da. Taha wamhã, tame siwaprosi sãmra ré, ma tô ãma timara.

Mateu 6:6

Duré, a norĩ wa'wa hã 'Re ihâimana u'âsi mono ma, 're aimreme zusi aba mono da, te za 'ri para u 're asisisi aba mo, asõrõwa 'ri 're wa'wa u. Tawamhã te za asiré 're i'ridawa nhitob za'ra wa'aba mo, Aimama aba ma, 're aimreme zusi aba mono da, romnhiwasi nimahã bâtâ na da te 're i'madâ'â waihu'u za'ra mono õ ma hã. Ãne wamhã, aihâiba pisutu 're aimreme zusi aba mono ré, Aimama aba si te te ai'ãma 're 'madâ'â za'ra wa'aba mono wa, te za taha si iwẽ hã te te aima 're sõmri za'ra wa'wa, iwa'rãmi.

Marcu 1:35

Tawamhã robza'rã ré, ma wahudu Zezusi hã, 'ri nhiti morĩ da, a'ubuni u. Taha wamhã, te tame a'â tihâiba, 'Re ihâimana u'âsi mono ma, mreme da.

Marcu 6:47

Tawamhã oto tiwi mara za'ra wamhã, uba're hã â wa'wa u, ma tô iré tihâimana za'ra. Taha ré, Zezusi hã siwaprosi te a'â tihâiba, ẽtẽ 'rãihâ ãma.

Luca 6:12

Tawamhã ẽtẽ 'rãihâ na ma tô Zezusi hã sai'u, 'Re ihâimana u'âsi mono ma, mreme da. Tawamhã mara bâre te tãma mre.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:18

Tawamhã Paulu hã bâtâ ahâ na ma tô nhamra, Corĩtu ãma. Tawamhã ma tô oto isazei'wa norĩ ma siwasu'u za'ra, morĩ da oto, Siria na danhipti'a nho'õmo nhisi u. Prisila norĩ hã ma tô ime tineb zahuré, Aquiraha me, Sẽcréia na 'ri nho'õmo nhisi u. Sẽcréia ãma sãmra ré, ma tame 'rã pari ni Paulu hã, marĩ na 'Re ihâimana u'âsi mono ma, te te iropisutuzém na te te sina tãma ãma i'uwaimrami na, ãma iwaihu'uzéb da hã. Ta hawi rowa'u'u na uba'renem na ma tô dame ai'aba'ré, Siria na danhipti'a nho'õmo nhisi u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:21

Tahawa, ma tô tãma nharĩ za'ra asa, ãne: — 'Re ihâimana u'âsi mono te te ĩma waihu'u wapsi, wa za we atẽme ĩmorĩ 'wa apâ. Tawamhã rowa'u'u na uba'renem na ma tô oto mo, Éfézu hawi.

2 Corĩtu 2:13

Tane nherẽ, wa tô ĩhâtâ'â sina ĩhâimana, wasisãnawã Titu hã ĩzô sãmra õ wa, tame te sõpẽtẽ da nherẽ aré. Tahawa, wa tô õne haré ta hawimhã mo, Masédonia u we ĩmorĩ da hã.

1 Pedru 2:21

Cristu hã ma tô robzépata, asada za'ra wa'aba. Ta hã ma tô ãne na aima ãma asanho za'ra wa'wa, isirã zarina si ari'iwi 're robzépata za'ra wa'aba mono da hã. Taha da, ma tô sitẽme asô tihârâ za'ra wa'wa, 'Re ihâimana u'âsi mono hã.