Marcu 6:41 - ꞌRe Ihâimana Uꞌâsi Mono Zadawa Wasuꞌu

⁴¹ Tawamhã ma tô oto i'u'ẽtẽ wapu hã waibu, 5 na ihâiba hã. Pe'a zama ma duré timra. Tawamhã hâiwa u te iré rob'madâ. Timama ãma te tiwata, sõpru wa. Taha pari, ma tô te te wẽ'ẽ, i'u'ẽtẽ wapu hã. Te te wẽ'ẽi mono pari, ma tô tisiré 're inomro mono norĩ ma sõmri za'ra, te te dama sõmri za'ra mono da. Pe'a zama, ma tô te te wẽ'ẽ zahuré, te te duré dama sõmri za'ra mono da hã.

Marcu 6:41 ပူးပေါင်းရင်းမြစ်များ

Mateu 14:19

Tawamhã te oto dama tinha, duiroi wa, dasi'ubumroi mono da. Taha pari, ma tô i'u'ẽtẽ wapu 5 na ihâiba hã oto waibu. Duré pe'a maparane ihâimana zahuré hã ma tô timra. Tawamhã hâiwa u te iré rob'madâ, Timama ãma wata da, sõpru wa. Taha pari, ma tô i'u'ẽtẽ wapu hã te te si'ẽ. Duré ãhã wamhã, tisiré 're inomro mono norĩ ma hã, ma tô tãma sõmri za'ra, te te dama sõmri za'ra mono da.

Mateu 15:36

Taha pari, ma tô duré 7 na i'u'ẽtẽ wapu hã waibu. Duré pe'a zama ma tô timra, 'Re ihâimana u'âsi mono ãma wata da, sõpru wa. Tawamhã ãma wata pari, ma tô i'u'ẽtẽ wapu norĩ hã, pe'a me hã te te si'ẽ. Duré tisiré 're inomro mono norĩ ma, ma tô te te sõmri, te te dama sõmri za'ra mono da hã.

Mateu 26:26

Tawamhã saihuri ré, ma tô i'u'ẽne hã ti'â, Zezusi hã. 'Re ihâimana u'âsi mono ãma te iré ãma tiwata, sõpru wa. Taha pari, ma tô te te wẽ'ẽ, i'u'ẽne hã. Te te wẽ'ẽi mono parimhã, ma tô te te tãma sõmri, tisiré 're inomro mono norĩ ma. Ãne te oto tãma nharĩ za'ra: — Ã, i'u'ẽne hã huri aba. Ã hã ĩhâiba te wasu'u.

Marcu 14:22

Tawamhã saihuri ré, ma tô ti'â, i'u'ẽne hã. 'Re ihâimana u'âsi mono ãma te tiwata, sõpru wa. Taha pari, ma tô te te wẽ'ẽ, i'u'ẽne hã. Te te wẽ'ẽi mono parimhã, tisiré 're inomro mono norĩ ma, ma tô te te sõmri. Ãne ma tãma sina waihu'u za'ra: — Ã, i'u'ẽne hã huri aba. Ã hã ĩhâiba, te wasu'u.

Marcu 6:40

Tahawa, dui wa, te oto dasi'ubumro, nima norĩ hã 100 na dahâiba hã, duré nima norĩ hã 50 na dahâiba na.

Marcu 6:42

Tawamhã i'u'ẽtẽ wapu hã umrore nherẽ, wẽ'ẽi ahâ di. Duré pe'a hã maparane nherẽ, wẽ'ẽi ahâ di. Tahawa, ma tô aihĩni dasa hã ãma huri ni. Ma tô duré da te 'mahâpãrĩ. Da'ahâ uptabi nherẽ, da'ãma si'utõrĩ waihu'u õ di.

Marcu 7:34

Taha pari, te hâiwa u rob'madâ. Hâiwa u te te rob'madâ'â sina, aibâ ãma pẽ'ẽzé wa, tipẽ'ẽ 're te ãi'ã. Tawamhã tisimremezém na te tãma tinha, ãne: — Epata. — Ãne ãma isaprĩzé hã, wamreme na: “Aipo're 'repu'u.”

Luca 24:30

Tawamhã i'rata te tinhamra zahuré, siré saihuri da. Sãmra wamhã, ma tô i'u'ẽne hã ti'â, Zezusi hã. 'Re ihâimana u'âsi mono ãma te tiwata, sõpru wa. Taha pari, ma tô te te wẽ'ẽ, i'u'ẽne hã. Ta hã ma tô duré tãma sõmri zahuré.

Luca 9:16

Tawamhã i'u'ẽtẽ wapu hã ma oto waibu Zezusi hã, 5 na ihâiba hã. Pe'a ma duré timra. Hâiwa u te iré rob'madâ, timama ãma wata da, sõpru wa. Taha pari, ma tô te te wẽ'ẽ, i'u'ẽtẽ wapu hã. Pe'a zama, ma tô duré te te wẽ'ẽ. Ma tô te te tãma sõmri oto, tisiré 're inomro mono norĩ ma, te te dama sõmri mono da hã.

Zuwã 11:41

Tawamhã isitobzé ma tô dasiwi sa'ré ni. Ãhã wamhã, te hâimo oto rob'madâ, Timama ma mreme da, Zezusi hã. Ãne te tawamhã tãma tinha: — Ĩmama, da'ãma aima 're ĩmreme mono wamhã, ĩmreme te ĩma ãma 're i'a'uwaimrami u'âsi mo. Ãhã na te za duré ĩmreme hã iwapa. Ãne wa, ĩma rowẽ di. Tahawa, wa duré danho'a, ãne aima rowasu'u, aima ĩmreme ré, da te ĩwapari za'ra da. E marĩ da. Aibâ ãma aima ĩmremezé hã ãma ĩma uwaimrami wamhã, a hã we ĩzatõrĩ'wa na dama 're ĩsiwasu'u mono zém na, da te 're ĩzaze za'ra mono da.

Zuwã 17:1

Tawamhã tãma siwasu'u za'ra pari, Timama ma mreme da, te hâimo rob'madâ, Zezusi hã. Ãne te Timama ma tinha: — Ĩmama, bâdâ ĩma ipisutuzé hã ma tô iwa waptãrã. Ma'ãpé, we ĩpawapto na, ĩ'ãma irotizé hã te dama ĩsina uwaimrami da, ai'ãma 're dawata u'âsi za'ra mono da.

Zuwã 6:11

Tawamhã Zezusi ma tô waibu, i'u'ẽtẽ wapu hã. 'Re ihâimana u'âsi mono ãma te tiwata, sõpru wa. Taha pari, ma tô tisiré 're inomro mono norĩ ma sõmri za'ra, te te dama sõmri za'ra mono da. Pe'a zama ma duré tãma sõmri za'ra, te te dama sõmri za'ra mono da. Tawamhã i'u'ẽtẽ wapu hã umrore nherẽ, da'ãma si'utõrĩ õ di. Pe'a zama maparane nherẽ, duré da'ãma si'utõrĩ õ di. Tahawa, ma tô aihĩni dasa hã huri ni. Ma tô da te 'mahâpãrĩ, da'ãma si'utõrĩ ãna.

Zuwã 6:23

Tawamhã ni'wam norĩ hã ma tô uba're na datẽme saprĩ za'ra, zara u. Tiberiadi hawi ma tô datẽme saprĩ za'ra, 'ri nho'õmo hawi. Wanhib'apito hã 'Re ihâimana u'âsi mono ãma iwatazéb u, ma tô ãma roptob za'ra, dasa hã da te ihurizéb u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:35

Tawamhã mreme pari, ma tô ti'â, i'u'ẽne hã. 'Re ihâimana u'âsi mono ma, ma tô mre danho'a, isõprum na ãma wata da. Taha pari, ma tô i'u'ẽne hã sima wẽ'ẽ, te te 'rẽne da.

Roma 14:6

Ta norĩ hã nimahã bâdâ hã romhuri'õzé hã dama 're ipire za'ra mono zém na te te si'ãma 're irosa'rata za'ra mono norĩ hã, Wanhib'apito ãma 're wata za'ra mono da, te ãne te te 're 'manharĩ za'ra. Duré ni'wam norĩ hã uburé siwa'ru romnhi te te 're ihuri mono norĩ hã te ãne te te 're 'manharĩ za'ra, Wanhib'apito 'Re ihâimana u'âsi mono ãma 're wata za'ra mono da, dasa na dama 're sõpru mono wa. Duré ni'wam norĩ hã romnhi na dame 're isaihuri mono õ norĩ hã, te ãne duré te te 're 'manharĩ za'ra aiwa, 'Re ihâimana u'âsi mono ãma 're wata za'ra mono da, waihu'u pese wa, duré sõprub uptabi wa.

1 Corĩtu 10:31

Ãne, wa za duré aima ãma 'rãsutu za'ra wa'wa, ã ĩnhimirowasu'u na hã. Uburé marĩ hã te za 're i'manharĩ wẽ u'âsi za'ra wa'aba mo, 're asaihuri aba mono wamhã, duré 're âhuri aba mono wamhã, duré marĩ aimawi hã 're 'manharĩ za'ra wa'aba mono wamhã, taha zarina si, 'Re ihâimana u'âsi mono ãma 're dawata za'ra mono da.

Colosu 3:17

Uburé marĩ hã 're 'manharĩ za'ra wa'aba mono wamhã, duré uburé marĩ na 're aimreme zusi aba mono wamhã, Wanhib'apito Zezusihi zadawa para si, te za uburé marĩ hã 're i'manharĩ wẽ u'âsi za'ra wa'aba mo. Tawamhã Zezusi hã iwẽ uptabi hã wanhowa te te i'manharĩ wẽ zéb zarina, te za tô marĩ hã 're i'manharĩ wẽ u'âsi za'ra wa'aba mo, Wamama 'Re ihâimana u'âsi mono ãma 're aiwata za'ra wa'aba mono sina.

1 Samuéu 9:13

Tawamhã 'ri nho'õmo u azasi aba wi, te za isõpẽtẽ 'wa, sa da, sõ'a na zahadu morĩ õ ré, ẽtẽ nhisi u hã. Duré zahadu datẽme wisi õ ré, dasa na da te sãna'rata za'ra õ di. E tihai wa. Imorĩ'rata na za a'â danhimizama zata na 'Re ihâimana u'âsi mono ma, mreme wa. Taha parip si te za tisaihu, sô idahãsi norĩ hã. Tahawa, sa'ẽtẽ anep su'u aba, sõpẽtẽ aba hâ.