Marcu 6:31 - ꞌRe Ihâimana Uꞌâsi Mono Zadawa Wasuꞌu

³¹ Tawamhã da'ahâ uptabi na itẽme dasisamarĩ pese wa, saihuri waihu'u õ di, Zezusi norĩ hã. Tahawa, ma tô ãne satõrĩ za'ra, Zezusi hã: — Oto wasi'aba'réi wa'aba a'ubuni u, wawa'utu za'ra da a'â, danhiti.

Marcu 6:31 ပူးပေါင်းရင်းမြစ်များ

Mateu 14:13

Tawamhã Zezusi hã Zuwãhã wasu'u te te wapari wamhã, ma tô danhiti uba're na siwaprosi hã mo, romnhiwasi sãmra da. Tane nherẽ, nimomo romnhiwasi siwaprosi isãmra na iwasu'u da te wapari za'ra wamhã, ma tô darom hawimhã tawairébé ni da'ahâ na, isarina dasi'aba'ré da isõ'rãmi, ti'ai baba.

Marcu 1:45

Tazahã aibâ hã rowasu'u wẽ na ma tô ãma ropé. Tahawa, sõ'awi 'ri ahâ u hã datẽme 're ne waihu'u mono õ di, Zezusi hã. Tahawa, a'ubuni wi te a'â 're hâimana, danhiti. Tame 're hâimana mono ré, te itẽme 're dasihutu, daro mono bâ, da te 're sabu za'ra mono da.

Marcu 3:20

Tawamhã Zezusi hã 'ri tẽme oto morĩ wamhã, da'ahâ na ma duré itẽme dasito. Itẽme dasito mono wa, Zezusi norĩ hã saihuri waihu'u õ di.

Marcu 3:7

Tawamhã Zezusi norĩ hã te ai'aba'ré, Galiléa na isõ'u nhisi u. Da'ahâ uptabi na te isarina hã ai'aba'ré ni, Galiléa hawimhã, duré Zudéa hawib zama, duré Zeruzalẽ hawimhã, duré Idumeza hawimhã, duré Zodã pa zara hawimhã, duré Tiru hawimhã, duré Sidõ hawimhã. Zezusihi wasu'u hã ma tô wapari za'ra ni aré, te te 're ida'apawapto mono zé wasu'u na hã. Tahawa, ma tô itẽme dasito, daro mono bâ.

Zuwã 6:1

Tawamhã Zezusi hã ma tô uba're na saprĩ, isõ'õmo na. Galiléa ãma, isõ'u te 're hâimana. Tiberiadi na isõ'õmo nhisi hâiba amo nhisi hã.