Marcu 6:30 - ꞌRe Ihâimana Uꞌâsi Mono Zadawa Wasuꞌu

³⁰ Tawamhã Zezusihi zadawa wasu'u'wa norĩ hã darob amoi hawi apâ sihutu wamhã, Zezusihi ma, ma tô siwasu'u za'ra, iwẽ na te te idapawaptob za'ra mono zém na hã. Duré te te dama irowasu'u za'ra mono zém na zama ma tô tãma siwasu'u za'ra.

Marcu 6:30 ပူးပေါင်းရင်းမြစ်များ

Zenezi 24:66

Tawamhã sihutu wi, ma tô Abra'ãhã ma romhuri'wa, uburé te te i'ab'manharĩ mono zé hã Izaquihi ma awasu'u.

Mateu 10:2

Isisi za'ra hã, ãne: Sima, isisi amo hã Pedru na. Duré ino nhisi hã Ãdré na. Duré Tiagu, duré isisãnawã, Zuwã. Ta norĩ hã Zebedehe 'ra zahuré.

Marcu 3:14

Tawamhã 12 na ihâiba za'ra hã ma tô pisutu za'ra, isiré a'â 're hâimana za'ra mono da, nimahã na te te datẽme satõrĩ za'ra da, za te te 're ida'anho'reptui mono zé wasu'u na, isõwa te te 're dapo're pu'u za'ra mono da, isadawa para. Tizadawa wasu'u'wa na ma tô ãhã wamhã oto sisi za'ra.

Marcu 6:29

Tawamhã Zuwã Batistaha zawi'wa norĩ hã iwasu'u te te wapari za'ra wamhã, ma tô sô ai'aba'ré, ihâiba zô, te te siwi sẽrẽ da, ab're 're.

Luca 10:17

Tawamhã datẽme 're nomro mono pari, ma tô apâ aihutu itẽme, aibâ norĩ hã, 72 na ihâiba za'ra hã. Tãma rowẽ za'ra wa, toi uptabi za'ra di. Tahawa, te ãne siwasu'u za'ra, Zezusihi ma: — Wanhib'apito, asisi na, wa tô wa'uburé ma, wa te 're rob'ru za'ra, dahawi 're wairébé mono da. Tahawa, ma tô te te 're wawapari za'ra, ta norĩ hã.

Luca 17:5

Tawamhã isadawa wasu'u'wa norĩ hã ma tô tiwi rowaptẽrẽ za'ra, ãne: — Wanhib'apito, wama 're aza'ẽtẽ u'âsi mono, wa te wasina 're i'ai'umnhasi za'ra mono zé hã.

Luca 22:14

Tawamhã te za oto tasaihuri ni. Tahawa, te oto Zezusi norĩ hã ai'ubumro, saihuri da, tizadawa wasu'u'wa norĩ me.

Luca 24:10

Pi'õ norĩ nhisi hã, ãne: Maria Madaréna, duré Zuãna, duré Maria, Tiaguhu na. Ta norĩ hã isiré pi'õ norĩ me, ab're u isi'aba'ré hã, te Zezusihi zadawa wasu'u'wa norĩ ma rowasu'u pese za'ra.

Luca 6:13

Tahawa, awẽ wi ma tô sô tihârâ za'ra, tizazei'wa norĩ zô. Tawamhã itẽme sihutu wamhã, ma tô pisutu za'ra, 12 na ihâiba za'ra hã isiré 're nomro mono da. Ma tô oto sisi za'ra, tizadawa wasu'u'wa na.

Luca 9:10

Tawamhã isadawa wasu'u'wa norĩ hã ma tô aihutu apâ, Zezusihi u, isadawa para datẽme isi'aba'ré norĩ hã. Sihutu wamhã, ma tô tãma siwasu'u za'ra, te te 're idapawaptob za'ra mono zém na. Zezusi hã te oto te te simro siré, Besada na 'ri nhisi u, hâiba pisutu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:26

Tawamhã 'Re ihâimana u'âsi mono hã te te ipisudu hã te te waihu'u za'ra da, ma tô marĩ hã sima me za'ra, te te siwi ãma uwaimrami da. Tawamhã ma tô siwi ãma uwaimra oto. Mati'asi hã ma tô oto siwi waihu'u za'ra, 'Re ihâimana u'âsi mono te te ipisutu na, Zudaha nhowa're'reb da. Tawamhã Mati'asi hã aibâ 11 na isadawa wasu'u'wa da hã, Zezusi te te ipisutu za'ra norĩ me, te za oto 're mo. Tahawa, 12 na ihâiba za'ra hã oto apâ, Zezusihi zadawa wasu'u'wa norĩ hã.