Marcu 6:15 - ꞌRe Ihâimana Uꞌâsi Mono Zadawa Wasuꞌu

¹⁵ Ni'wam norĩ hã te duré te te sima ãma 're romnomri za'ra, ãne: — Õ hã Eliasi, duréihã dâ'â nherẽ, apâ ihâiwa'udu. Ni'wam norĩ hã te duré te te sima ãma 're romnomri za'ra, ãne: — Õ hã 'Re ihâimana u'âsi mono zadawa 'mahârâ'wa, duréihã 're inomro mono norĩ ne hã. — Ãne te Zezusihi wasu'u na taré da te dasima ãma 're romnomri za'ra.

Marcu 6:15 ပူးပေါင်းရင်းမြစ်များ

Mateu 16:14

Tawamhã ãne ma te asa ãma sada'âbâ za'ra: — Aiwasu'u hã, ahâ di. A hã, u, Zuwã Batista, apâ aihâiwa'udu. Duré a hã, u, Eliasi apâ we i'aimorĩ. Duré a hã, u, Zeremia. Duré a hã, u, duréihã 'Re ihâimana u'âsi mono zadawa 'mahârâ 'rata 'wa ihâiba amo, apâ aihâiwa'udu.

Mateu 21:11

Tawamhã Zezusihi zarina idasi'aba'ré norĩ hã ma tô dama nharĩ za'ra, Zeruzalẽ ãma 're idasi'ubumroi mono norĩ ma, ãne: — Ã hã Zezusi, 'Re ihâimana u'âsi mono zadawa 'mahârâ'wa, Nazaré na 'ri wa'õtõ nhisi hawi we imorĩ, Galiléa hawi.

Marcu 6:16

Tawamhã apito Erodi, ma tô Zezusihi wasu'u na hã danhimirowasu'u hã wapa. Tawamhã ãne te tinha: — Tô õ hã, Zuwã Batista. Te 'rui wa, da te butu nhizâri nherẽ, apâ ihâiwa'udu te 're mo.

Marcu 8:28

Tawamhã asa ma te ãma sada'âbâ za'ra, ãne: — Aiwasu'u hã, ahâ di. A hã, u, Zuwã Batista, apâ aihâiwa'udu. A hã, u, Eliasi apâ we i'aimorĩ. A hã, u, 'Re ihâimana u'âsi mono zadawa 'mahârâ 'rata 'wa hâiba amo, duréi pese atâ'â nherẽ, apâ aihâiwa'udu.

Luca 1:17

'Re ihâimana u'âsi mono zadawa 'mahârâ'wa, te za 're mo. Wahi'rada Eliasihi ne, te za 're mo, mreme pire na, duré waihu'u pese na. Tawamhã ai'ra nhimiroti zarina, te za damama norĩ ti'ra norĩ hã te te 're sawi pese za'ra. Duré danhimipari ãna 're idanomro mono hawimhã, te za 're dasipizari za'ra, 're idanomro wẽ mono zarina, oto 're danomro mono da. Ãne wamhã, te za danhimiza'rese sô 're danhimipari za'ra, Danhib'apito zô.

Luca 7:16

Dâ'â zahã, oto sahâ na sãmra wa, ma tãma tapẽ'ẽwara za'ra ni. Ãne te dasima nharĩ za'ra ni: — Tinhib'a'uwẽ norĩ hã te za we te te 're wa'apawapto, 'Re ihâimana u'âsi mono hã. Ma tô we watẽme satõ, tizadawa wasu'u'wa hã. Mreme pire uptabi di.

Luca 7:39

Tawamhã farizeu te te 'madâ'â wamhã, ma tô tipẽ'ẽ na tãma tinha, Zezusihi ma, ãne: — Tô sena, 'Re ihâimana u'âsi mono zadawa wasu'u'wai 'wa'âhã, te aré iwasété na ãma waihu'u, pi'õi ãma hã. Tawamhã te aré tiwi sisawi, te te upi tõ da.

Luca 9:19

Tahawa, ma asa ãne ãma sada'âbâ za'ra: — Aiwasu'u hã, ahâ di. A hã, u, Zuwã Batista, apâ aihâiwa'udu. A hã, u, duré, Eliasi apâ we i'aimorĩ. A hã, u, duré, 'Re ihâimana u'âsi mono zadawa 'mahârâ 'rata 'wa, duréi pese atâ, apâ i'aihâiwa'udu. Ãne, wa tô aiwasu'u hã wapari za'ra ni.

Luca 9:8

Ãté Eliasi apâ we imorĩ. Ãté 'Re ihâimana u'âsi mono zadawa 'mahârâ 'rata 'wa, duréi pese idâ, apâ ihâiwa'udu. Tawamhã Erodi te tinha, ãne: — Wa hã te waihu'u õ di. Ãté ni'wa hã. Wa hã, Zuwã hã wa tô dama ti'ru, da te 'rã nhizâri da. Ãhã wa, Zuwãhã hâiba hã oto tâibâ. E 'wa hã bété iwasu'u, te iwapari hã. Te sabu neza.

Zuwã 1:21

Te duré siwi sadanharĩ za'ra, ãne: — E 'wa hã bété, a hã. E a hã, Eliasi apâ aihâiwa'udu. Tawamhã asa te duré tãma nharĩ za'ra, ãne: — Mare di. Ta hãi õ di, wa hã. Tawamhã te duré siwi sadanha, ãne: — E a hã, 'Re ihâimana u'âsi mono zadawa 'mahârâ'wa zô, 're idanhimipari za'ra mono, te 're aimo. Tawamhã asa te duré tãma nharĩ za'ra, ãne: — Mare di. Wa hã, ta hãi õ di.

Zuwã 6:14

I'u'ẽtẽ wapu hã umrore nherẽ, da'ãma si'utõrĩ õ wa, ma tô ãma tatob'uzu za'ra ni, waihu'u pese wa, Zezusi hã. Tawamhã te ãne dasima rowasu'u za'ra ni, dasaihuri wẽ te: — Tô sena õ hã 'Re ihâimana u'âsi mono zadawa 'mahârâ'wa, we datẽme imorĩ zô 're idanhimipari za'ra mono. Oto wa te wasiwi saprõni aba, ãma wanhib'apito za'ra da.

Zuwã 7:40

Tawamhã Zezusihi mreme, da te wapari za'ra wamhã, te dasima ãma nharĩ za'ra ni, ãne: — Tô sena õ hã 'Re ihâimana u'âsi mono zadawa 'mahârâ'wa zô, 're idanhimipari za'ra mono.

Zuwã 9:17

Tahawa, te duré siwi sadanha, farizeu norĩ hã: — Õ hã te te ato pese nherẽ, e niha asimirosa'rada hã ãma hã. Tawamhã ma tô duré asa tãma nharĩ za'ra: — Õ hã 'Re ihâimana u'âsi mono zadawa 'mahârâ'wa, te 're mo.