Marcu 5:43 - ꞌRe Ihâimana Uꞌâsi Mono Zadawa Wasuꞌu

⁴³ Tawamhã Zezusi te ina norĩ ma nharĩ zahuré, rowasu'u na te te dama ãma ropé zahuré tõ da. Mram na si, te duré wada'uri zahuré, ti'ra ma, te te a zahuré da hã.

Marcu 5:43 ပူးပေါင်းရင်းမြစ်များ

Mateu 17:9

Tawamhã ẽtẽ 'rãihâ hawi, ma tô si'ra za'ra, Zezusi norĩ hã. Si'aba'réi ré, ma tô Zezusi hã Pedru norĩ hã sadawa uwati za'ra, ãne: — Ẽtẽ 'rãihâ ãma i'madâ'â za'ra wa'wa hã dama wasu'u za'ra wa'aba õ di za a'â. Ti'ai ãma Dasiré Ipodo hã ab're hawi, Imama te te hâiwa'utu parip si, te za dama ãma 're irowasu'u za'ra wa'aba mo.

Mateu 8:4

Tawamhã Zezusi te tãma tinha, ãne: — Ĩwapari pese, asina. Ni'wai ma, asina ĩwasu'u õ di za, te i'aipesezém na hã. Sasedoti u si hã te za aimo, aihâiba wẽ zô te te aihâiba 'madâ'â da. Taha parip si, te za duré tãma asõpru 'Re ihâimana u'âsi mono ma, Mozésihi nhimiroti zarina, aipesezém na da te ãma aiwaihu'u za'ra da, sena na. — Ãne te Zezusi hã tãma roti, aibâ te te ipese ma hã.

Mateu 9:30

Tawamhã ma tô oto tito pese zahuré, aibâ norĩ hã. Ma tô duré sadawa uwati zahuré, ãne: — Te aima i'manharĩ wẽ wa'aba zém na, dama ĩwasu'u wa'aba õ di za. Tô'ã. — Ãne te sina sadawa uwati zahuré.

Marcu 1:43

Tawamhã Zezusi hã ma tô sina sadawa uwati, te te dama sina wasu'u tõ da. Ãne te tãma tinha: — Ĩwapari pese, asina. Ni'wai ma, asina ĩwasu'u õ di za, te i'aipesezém na hã. Sasedoti u si te za aimo, 'Re ihâimana u'âsi mono ma, da'ãma romhuri'wai u si, aihâiba wẽ zô te te aihâiba 'madâ'â da. Taha parip si, 'Re ihâimana u'âsi mono ma, te za asõpru, Mozésihi nhimiroti zarina, aipesezém na da te ãma aiwaihu'u za'ra da, sena na hã.

Marcu 3:12

Tahawa, wa'uburé norĩ hã 'Re ihâimana u'âsi mono 'ra na te te dama sisi tõ za'ra da, te sina sadawa uwati za'ra, Zezusi hã.

Marcu 5:42

Tô awa'awi azaruture hã ma udu, 12 na ãma iwahu hã. Para na te oto 're mo. Tawamhã uburé 'ri para isimasam norĩ hã ma ãma titob'uzu za'ra.

Marcu 7:36

Tawamhã Zezusi hã te sina dazadawa uwati pese, iwasu'u na da te dasima ãma ropé tõ da. Tane nherẽ, i'madâ'â'wa norĩ hã te nasi dama rowasu'u za'ra, aibâ te te ipesezém na.

Marcu 9:9

Tawamhã ẽtẽ 'rãihâ hawi, ma oto si'ra za'ra, Zezusi norĩ hã. Si'aba'ré sina, te Zezusi hã tãma nharĩ za'ra, ãne: — Ẽtẽ 'rãihâ ãma i'madâ'â za'ra wa'aba zém na hã, dama rowasu'u za'ra wa'aba õ di za a'â. Ti'ai ãma Dasiré Ipodo hã ab're hawi hâiwa'utu parip si, te za dama 're irowasu'u za'ra wa'aba mo.

Luca 24:30

Tawamhã i'rata te tinhamra zahuré, siré saihuri da. Sãmra wamhã, ma tô i'u'ẽne hã ti'â, Zezusi hã. 'Re ihâimana u'âsi mono ãma te tiwata, sõpru wa. Taha pari, ma tô te te wẽ'ẽ, i'u'ẽne hã. Ta hã ma tô duré tãma sõmri zahuré.

Luca 5:14

Tawamhã Zezusi ma tô sina sadawa uwati, te te dama sina wasu'u tõ da. Te tãma tinha, ãne: — 'Re ihâimana u'âsi mono ma, da'ãma romhuri'wai u, te za aimo, aihâiba wẽ zô te te aihâiba 'madâ'â da. Taha parip si, te za tãma asõpru, 'Re ihâimana u'âsi mono ma, Mozésihi nhimiroti zarina, dama aipibu pese zéb da, aipesezém na hã.

Luca 8:56

Tahawa, i'ra apâ hâiwa'utu wa, ma tô ãma titob'uzu zahuré, imama norĩ hã, timro me. Tahawa, tãma rowẽ zahuré di. Tane nherẽ, te i'ra na sadawa uwati zahuré, te te dama rowasu'u zahuré tõ da a'â.

Zuwã 5:41

— Wa hã ĩ'ãma 're aiwata za'ra wa'aba mono zô, ĩsina 're ĩnhimnhasi mono õ di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:41

Aihĩni, da te sabu za'ra õ di. Wa norĩ si wa tô wahâiba pisutu sabu za'ra ni. Romhâ ré, ma tô 'Re ihâimana u'âsi mono hã sima wawẽ za'ra, Zezusihi hâiwa'utuzém na wa te dama 're rowasu'u za'ra mono da. Tahawa, watẽmep si ma tô satõ, Zezusi hã hâiwa'utu parimhã. Wa tô isiré wasaihuri ni. Wa tô duré isiré âhuri ni, apâ hâiwa'utu parimhã.