Marcu 5:41 - ꞌRe Ihâimana Uꞌâsi Mono Zadawa Wasuꞌu

⁴¹ Tawamhã ma tô pa'â, Zezusi hã. Ãne te tãma tinha: — Tarita tumi. Ãne ãma isaprĩzé hã: “Azaruture ai'utu.”

Marcu 5:41 ပူးပေါင်းရင်းမြစ်များ

Zenezi 1:3

Tawamhã 'Re ihâimana u'âsi mono te tinha ãne: — Ma'ãpé airowa'a na. Tahawa imreme hawi ma tô oto tirowa'a na'rata.

Marcu 1:31

Tahawa, te oto itẽme mo, inomrozéb u. Tawamhã ma pa'â, wahutu da. Tahawa, ma awa'awi tiwahâ. Tawamhã ma tô tãma api za'ra ni Zezusi norĩ ma, saihuri da.

Marcu 1:41

Tawamhã Zezusi hã ãma pẽ'ẽzé wa, ma tô tinhib'rada hã wahutu, te te ãma upi da. Te te upi wamhã, ãne te tãma tinha: — Tane tô. Wa tô ĩsima aiwẽ, te aipese da. Tâibâ oto aihâzé hã.

Marcu 5:40

Tawamhã asa te tãma nharĩ za'ra, ãne: — Oro taré sõtõ za. Pẽ'ẽzani õ di. Tawamhã Zezusi hã ma tô dama rob'ru, rob u dawairébé da, uburé. Si'ubdatõ isiré 're inomro mono norĩ hã ma tô isiré asisi, 'ri 're wa'wa u, inomrozéb u hã. Ina norĩ si, ma tô isiré tizasi zahuré.

Marcu 5:42

Tô awa'awi azaruture hã ma udu, 12 na ãma iwahu hã. Para na te oto 're mo. Tawamhã uburé 'ri para isimasam norĩ hã ma ãma titob'uzu za'ra.

Roma 4:17

Duréihã ni'wa hã ma tô ãne na 'Re ihâimana u'âsi mono mreme na rob'ui'éré, Abra'ãhã ãma hã: “Wa hã wa tô aipisutu, daro mono bâ da te dasina 're ĩ'umnhasi za'ra mono norĩ hi'rata na, da te 're asisi za'ra mono da.” 'Re ihâimana u'âsi mono nhimiropisutuzé hã, tô sena. Pire uptabi di. E marĩ wa. Õ hã tô sena, 're hâimana mono wa. Taha si, ma tô Abra'ã hã te te sina 're umnhasi u'âsi. Taha si, 're dadâ'â za'ra mono nherẽ, dahâiwa'utu'wa hã te 're hâimana. Taha si duré marĩ õ ré, Ropoto mono 'wa hã.

Filipu 3:21

Taha si te uburé marĩ hã tiwaihu'u pese na te te 're ab'madâ'â, siptete uptabi wa. Tahawa, tiwaihu'u pese na te za wahâiba itém na wama ãma saprĩ za'ra, wahâiba isib'uware ré 're iwanomro 'rata mono zém hawi, isi'utõrĩ pese hawimhã. Tawamhã wahâiba itéb ré, Cristuhu hâiba ne iwẽ uptabi ré, wa za oto 're wahâimana u'âsi za'ra, i'rata.