Marcu 5:23 - ꞌRe Ihâimana Uꞌâsi Mono Zadawa Wasuꞌu

²³ Ãne te tãma tinha: — Ĩ'ra hã hâzé ahâ di, azaruture hã. Te za ĩwi dârâ. Tahawa, te za ãma ĩsiré aimo, asib'rada hã ãma nomri da, ĩma pese da, dâ'â tõ da.

Marcu 5:23 ပူးပေါင်းရင်းမြစ်များ

Mateu 8:3

Tawamhã Zezusi ma tô tinhib'rada hã wahutu, te te ãma upi da. Te te upi wamhã, te ãne tãma tinha: — Tane tô. Wa tô ĩsima aiwẽ tô, te aipese da hã. Tahawa tâibâ oto aihâzé hã. Taha wamhã, awa'awi ma tô i'wa're hã tãma ai'utõ.

Marcu 16:18

Sa'rese ãna, wahi hã te te 're waibui mono nherẽ, duré dapãrĩzé hã te te 're âhuri mono nherẽ, tãma 're rowẽ za'ra mono di za. Duré, tinhib'rata na ihâzé ré norĩ hã te te 're upi za'ra mono wamhã, te za 're séptâ'â za'ra, ihâzé ré norĩ hã.

Marcu 5:24

Tawamhã Zezusi te ime mo. Da'ahâ na isiré dasi'aba'réi wamhã, ma dasiwi hâiba wati ni.

Marcu 6:13

Wa'uburé hã te te oto dama 're sãmra za'ra. Duré azeitona 'rãi wa'u wam na, te te 're da'rãi u'ré za'ra mono pari, ma tô da'ahâ na te te 're dapese za'ra, dahâzé u'âsi 're idahâimana za'ra mono hã.

Marcu 7:32

Tawamhã isõ'u zaihâ u sihutu wamhã, aibâ ipo'reptõ hã ma tô itẽme dasiwi saprõni ni, imreme waihu'u'õ hã. Tawamhã Zezusihi ma, te oto 'ru za'ra, siwi isaprõni'wa norĩ hã tinhib'rada hã te te ãma hiri da, te te pese da.

Marcu 8:23

Tawamhã Zezusi hã ma itob'a hã pa'â, danhiti te te sima saprõni da. Tawamhã tizadaipro na ma sada sisiptõmo di'i, te te ãma tob'u'ré da, aibâ hã. Taha pari, ma duré tinhib'rada hã ãma tihi. Taha parimhã, te sadanha, ãne: — E zahadu marĩ hã 'madâ'â õ di. E ma tô marĩ hã i'madâ.

Luca 13:13

Taha pari, ma tô tinhib'rada hã ãma tihi. Tawamhã ma tô awa'awi wãi wahudu. Wãi wahutu wamhã, te ãma tiwata, 'Re ihâimana u'âsi mono ãma, te te pese wẽ te.

Luca 4:38

Tawamhã ma tô watobro rowahutuzém hawi, Zezusi hã. Simahã nhorõwa u, te oto mo. Tame Simahã maprebaba sipi'õ hã, hâzé ré te nomro, wa'ro za'ẽtẽ na. Tahawa, ma tô Zezusihi ma wasu'u za'ra ni.

Luca 4:40

Tawamhã bâdâ sébrézéb u, ma tô we itẽme ãwisi za'ra ni Zezusihi u, isiwadi norĩ hã, ihâzé sipu'u norĩ hã. Tawamhã tinhib'rada, ma tô te te da'ãma aza'ra, misi si. Tahawa, ma tô tazéptâ'â za'ra ni.

Luca 7:12

Tawamhã 'ri wa'õtõ 'wawi wa'ra u, ma tô rob'uwe za'ra, Zezusi norĩ hã, 'ridawa u. Tawamhã iwab'rere, ma tô dasiwi âri ni, ab're u, imrotõ 'ra idâ hã. Misire aibâ i'ra hã. Da'ahâ na te isiré ai'aba'ré ni, imrotõ siré, ab're u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:8

Imama hã hâzé ré te nomro, waptâ. Wa'ro za'ẽtẽ di, duré isãnapru hã te ãma tihâiba. Tawamhã Paulu hã ma tô itẽme ãzé, te te sabu da. Ãhã wamhã, 'Re ihâimana u'âsi mono ma, ma tô ãma mre. Ãma mreme pari, ma tô tinhib'rada hã ãma tino. Tahawa, ma tô séptârâ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:6

Tawamhã ã norĩ hã ma tô oto te te simro, Zezusihi zadawa wasu'u'wa norĩ u, tinhib'rada te te ãma sa'ra za'ra da, i'rã nhisiwi, ãma mreme zusi da. Ãne Zezusihi zadawa wasu'u'wa norĩ hã ma tô romhuri hã tãma pisutu za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 8:17

Tawamhã Pedru norĩ hã ma tô tinhib'rata na da'a'rã upi zahuré. Te te ãma da'a'rã upi zahuré mono wamhã, 'Re ihâimana u'âsi mono, ma tô Tipẽ'ẽzani hã dama tisõ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:12

Sõtõ 'rowim ne, ma tô aiwaihu'u, itẽme aiwisi õ ré. Te te rob'madâ'â hâ. Asib'rada i'rãi ãma hiri da, tõmo wẽ da, itẽme i'aimorĩzém na hã ma tô waihu'u siro.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:17

Taha pari, ma tô mo Anania hã, Zudaha nhorõwa u. Tawamhã ma tô 'ri para u ãzé. Sébré wamhã, ma tô tinhib'rada hã tino, i'rã nhisiwi, Saruhu 'rãi ãma. Ãne te tãma tinha: — Ĩsisãnawã Saulu, Wanhib'apito hã ma tô we atẽme ĩzatõ, tô õ hã Zezusi hã, Damascu u we aimorĩ ré, bâdâdi wa, aima isihâi'ré hã. Ta hã ma tô we atẽme ĩzatõ, atõmo wẽ da, apâ rob'madâ'â hâ, duré Ipẽ'ẽzani ré si 're aihâimana mono da, aipẽ'ẽ wẽ na si.