Marcu 5:2 - ꞌRe Ihâimana Uꞌâsi Mono Zadawa Wasuꞌu

² Tawamhã uba're hawi watobro wamhã, ma tô aibâ hã wa'uburé ré 're imorĩ hã sina uzusi.

Marcu 5:2 ပူးပေါင်းရင်းမြစ်များ

Marcu 1:23

Tawamhã te te dama rowasu'u ré, ma we aibâ hã ãzé, rowahutuzéb u, wa'uburé ré 're imorĩ hã. Sébré wi, te sa'ẽtẽ 'mahâ ãne:

Marcu 1:26

Tawamhã sisa'u te sa'ẽtẽ hâiba wasutu, wa'uburé hã. Taha pari sadari sina, ma aibâ hawi watobro.

Marcu 3:9

Uburé ihâzé ré norĩ hã te itẽme 're sisãmra, te te siwi upi da, tinhib'rata na. Tahawa, tisiré 're inomro mono norĩ ma, te 'ru za'ra, uba're hã te te 'ma'âri za'ra da dawi, iwap sébré da, da te dasiwi hâiba wati tõ da, dasina hã.

Marcu 4:1

Tawamhã Zezusi hã te duré dama rowahutu, Galiléa ãma, isõ'u zapoto 'rata. Da'ahâ uptabi na itẽme dasito mono wa, ma uba're wa ãzé, â zada'ré prã na.

Marcu 4:36

Tawamhã te a'â dazatõrĩ za'ra, apâ dasi'aba'ré da. Taha pari, Zezusi hã uba're 're isébrézéb 're, ma asisi isarina, zara u te te saprĩ za'ra da. Ni'wam norĩ hã te duré siré sari za'ra uba're hã, Zezusihi zarina.

Marcu 5:21

Tawamhã Zezusi hã ma tô apâ saprĩ, zara u. Da'ahâ na, ma itẽme tasi'rã'õtõ ni, â zaihâ u hã.

Marcu 5:3

Aibâ hã adâ'â 'ru hawi, ma tô itẽme watobro. Adâ'â 'ru ãma, te ta hã 're sãmra. Te aré da te 're pawasisi, isi'uwazi nhorõ rutu na. Te aré duré da te 're hiwasisi. Tazahã ma tô te te sina 're anhinarĩ. Ni'wa hã sada 're siptete waihu'u mono õ di.

Marcu 5:8

Ãne te Zezusihi ma tinha wa'uburé hã, te te tãma rob'rui wa, aibâ hâiba hawi watobro da.

Marcu 7:25

Tawamhã pi'õ ma tô duré isãmrazém na danhimirowasu'u hã wapa. Zezusihi wasu'u te te wapari wi, te awa'awi itẽme mo. I'ra hã ba'õtõre hã, wa'uburé hã te te 're wamnarĩ mono wa, te itẽme mo, te te tãma wasu'u da. Tawamhã itẽme wisi wi, ma tô Zezusihi papara aime, hi'rãtitõ. Pi'õ hã gregu na ipodo, zudeu'õ, Siru Penisiza nhihudu. Tane nherẽ, ma tô Zezusihi wi rowaptẽ, wa'uburé ma, te te rob'ru da, i'ra ma watobro da, i'ra hã rowẽ na si, tãma 're hâimana mono da oto.

Luca 8:27

Tawamhã uba're hawi, ma tô watobro, Zezusi hã. Watobro wamhã, ma tô aibâ hã itẽme wi, wa'uburé ré 're imorĩ hã. 'Re si'uza mono õ di oto, aibâ hã. Ai'uréiwi, te oto 're mo. Duré 'ri 're, 're sãmra mono õ di oto. Adâ'â 'ru ãma si te oto 're sãmra, ẽtẽ wa, ab're siromo ãma. Tame 're hâimana mono ré hã, ma tô ãma tironomro pese.

Luca 9:42

Tawamhã te te itẽme saprõni ré, ma tô wa'uburé hã 'marõwĩ. Te sitete. Tahawa, te Zezusi hã tãma rob'ru, ai'reputu hawi watobro da. Tahawa, ma ihawi watobro. Rowẽ na te oto 're sãmra, ai'repudu hã. Tahawa, te Zezusi hã imama ma tinha, ãne: — Ãhãta ai'ra hã. Tãma rowẽ di oto.