Marcu 5:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã Zezusihi u dasihutu wamhã, ma tô aibâ hã 'madâ'â za'ra ni, wa'uburé norĩ ré aré 're imorĩ hã. Uza ré, te oto nhamra, rowẽ na. Tawamhã ma tô tãma tapahi za'ra ni, õne hã dama sa'rese za'ra õ wa.

Marcu 5:15 ပူးပေါင်းရင်းမြစ်များ

Salmu 14:5

Tane nherẽ, te za pahi te tirẽrẽ'ẽ za'ra, 'Re ihâimana u'âsi mono, imreme wapari pese 'wa norĩ siré 're hâimana mono wa.

Mateu 12:29

— Ni'wa hã aibâ isiptete nhorõwa u sébré wamhã, te te sima pawasisi õ ré, isimarĩ hã te te tiwi ubumroi waihu'u õ di za, aibâ isiptete wi hã. Te te sima pawasisi wapsi, te za isimarĩ hã tiwi ubumro oto, 'ri 're tãma iromnhimi'wara mono hã.

Mateu 26:53

Te ĩsima wẽ 'wa'âhã, wa aré Ĩmama wi waptẽ, hâiwa ãma tãma iromhuri'wa norĩ hã ahâ uptabi na te te we ĩtẽme satõrĩ za'ra da, ãhã na ĩ'ãma sisaprĩ za'ra da, dawi. E ãne na ĩ'ãma rosa'rada hã waihu'u ã bâ bété.

Mateu 4:24

Tawamhã Zezusi te te ida'apesezém na, ma tô rowasu'u hã te te ropé, Siria na danhipti'a nho'õmo nhisi ãma. Tahawa, ma tô itẽme da te 're 'wasari dahâzé mono bâ, uburé aimawi hã dahâzé da te 're isépata za'ra mono norĩ hã, wa'uburé te te 're iwamnarĩ za'ra mono norĩ hã, duré da'rã siwamnarĩ wa, 're idahâiba popo'o za'ra mono norĩ hã, duré imorĩ'õ norĩ hã. Uburé ma tô taha wamhã da'apese, Zezusi hã.

Mateu 9:33

Tawamhã Zezusi hã ma tô wa'uburé ma rob'ru, ihawi watobro da, isiti. Te te tãma rob'rui wi, ma tô aibâ hã mreme watobro. Tahawa, ma ãma tatob'uzu za'ra ni. Te duré dasima nharĩ za'ra ni, ãne: — Niwa, wa te i'madâ'â za'ra õ, ãne hã, Izaraéu nhihudu norĩ nhipti'ai 'remhã.

Marcu 5:14

Si'utõrĩ wi, te uhâbâ 'madâ'â'wa norĩ hã isiti sisa're wara sina, 'ri ahâ u, te te dama rowasu'u za'ra da, duré rom na 'ri wa'õtõ ãma zama. Tawamhã da'ahâ na ma tô itẽme ai'aba'ré ni, da te 'madâ'â za'ra da hã.

Marcu 5:16

Tawamhã ãma i'madâ'â za'ra 'wa norĩ hã, te aibâ wasu'u hã dama wasu'u za'ra, isihutu norĩ ma. Aibâ hã Zezusi te te ipawaptobzém na, duré uhâbâi ma, te te irob'manharĩzém na zama, te dama rowasu'u za'ra.

Marcu 5:18

Tahawa, Zezusi ma oto ãzé uba're wa, danhiti morĩ da. Uba're wa, sébré wi, te aibâ hã ãne sina 'mahâ, wa'uburé ré aré 're imorĩ hã: — Ma'ãpé ĩma pisutu, asiré 're ĩmorĩ da.

Marcu 5:9

Tawamhã Zezusi te isisi zô sadanha: — E niha asisi hã. — Ahâ di, ĩnhisi hã. E marĩ wa. Wa norĩ hã wa'ahâ wa. — Ãne te Zezusihi ma sisisi.

Luca 10:39

'Ri para u sisisi wamhã, ma tô Maria hã Zezusihi 'rata nhamra, ti'a, isimirowasu'u hã te te wapari da. Martaha no, Maria hã.

Luca 8:27

Tawamhã uba're hawi, ma tô watobro, Zezusi hã. Watobro wamhã, ma tô aibâ hã itẽme wi, wa'uburé ré 're imorĩ hã. 'Re si'uza mono õ di oto, aibâ hã. Ai'uréiwi, te oto 're mo. Duré 'ri 're, 're sãmra mono õ di oto. Adâ'â 'ru ãma si te oto 're sãmra, ẽtẽ wa, ab're siromo ãma. Tame 're hâimana mono ré hã, ma tô ãma tironomro pese.

Colosu 1:13

Ta hã ma tô wa'anho'reptu tô, robra hawi, Satanasihi nhiptetezém hawi. Ta hawi ma tô te te 're wa'awaibu, i'ra nhimi'madâ'â si oto tãma 're wahâimana za'ra mono da, tãma isawi uptabi nhimi'madâ'â si.

2 Timotiu 1:7

E wasina wapahi sina 're wahâimana za'ra mono da, ma tô 'Re ihâimana u'âsi mono hã Tipẽ'ẽzani hã te te wama 're anhomri. Mare di. Wanhiptete sina ãma 're wahâimana za'ra mono da, duré wanhimizawi pese sina 're wahâimana za'ra mono da, duré wanhimirosa'rata na hã atãma 're wahâimana za'ra mono da, ma tô te te wama 're anhomri, Tipẽ'ẽzani hã.

1 Samuéu 16:4

Tawamhã Samuéu hã ma tô 'manha, Uburé Danhib'apito te te tãma i'ruzéb uwaibaba. Taha pari, ma tô Belẽ u hã mo. Tawamhã oto wisi wamhã, 'ri'ahâ ãma dama i'rãnho'õmo norĩ hã ma tô pahi te rẽrẽ'ẽ sina, sina uzusi za'ra. Tawamhã te ãne siwi sadanha: — E aiwaimri na te we aimo, ã wamhã.