Marcu 4:41 - ꞌRe Ihâimana Uꞌâsi Mono Zadawa Wasuꞌu

⁴¹ Tawamhã te sima rowasu'u za'ra, ãne: — Pra, e niha õ hã iwaihu'u pe. Isadawa hawi ma rowa'u hã, duré âsisasisi zama hã sazâ. Õne hã tãma sa'rese za'ra õ wa, ma tô tãma tipahi pese za'ra.

Marcu 4:41 ပူးပေါင်းရင်းမြစ်များ

Salmu 89:7

A hã aiwazé pese na, te ta norĩ 're isi'rã'õtõ mono zéb ãma tãma 're aihâimana za'ra mo. Tame te te siwi 're i'ai'uirĩ za'ra mono norĩ hã te duré uburé te te siwi 're aiwazé pese.

Mateu 14:32

Tawamhã uba're 're ma tô tizasi zahuré, Zezusi norĩ hã Pedruhu me. Zasi zahuré wi, ma tô rowa'u hã tiwa'u'utu.

Mateu 8:27

Tawamhã ma tô ãma titob'uzu za'ra, isiré 're inomro mono norĩ hã. Ãne te tawamhã sima nharĩ za'ra: — Pra, e niha iwaihu'u pe, õ hã. Isadawa hawi ma rowa'u hã, duré â sisasisi zama sazâ.

Marcu 4:40

Tawamhã Zezusi hã te ãne tãma nharĩ za'ra: — E marĩ da, ma aipahi za'ra wa'wa. E niha zahadu asiwi 're ĩ'umnhasi za'ra wa'aba mono zé hã aima 're hâimana za'ra wa'aba mono õ di.

Marcu 5:1

Tawamhã Zezusi norĩ hã ma tô zara u aihutu, Zeraza na danhipti'a nho'õmo nhisi u. Galiléa ãma isõ'u zapoto zara niwĩ, Zeraza hã.

Marcu 5:33

Tahawa, te itẽme mo, pi'õ hã. Ma tô sihâiba waihu'u, ihâzé te te tãma ipari na. Tahawa, pahi nherẽ, te itẽme mo, rẽrẽ'ẽ sina. Hi'rãtitõ ma aime Zezusihi papara, tãma siwasu'u da. Ma tô tãma siwasu'u pese, pi'õ hã.

Marcu 7:37

Tawamhã isimirowasu'u, da te wapari za'ra wamhã, ma tô ãma tatob'uzu za'ra ni. Ãne te Zezusi hã dasima wasu'u za'ra ni: — Tô sena, te uburé marĩ iwẽ hã te te dama 're ab'manharĩ. Ipo'reptõ mreme waihu'u'õ na 're ihâimana mono hã ma tô pese.

Luca 4:36

Tawamhã da te 'madâ'â za'ra wamhã, ma ãma tatob'uzu za'ra ni, uburé. Tahawa, te ãne dasima nharĩ za'ra ni: — Õ hã mreme pire di. Waihu'u pese di. Dahawi si'aba'ré da, te za tãma rob'ru za'ra. Tawamhã te za dahawi ai'aba'ré.

Luca 8:25

Tawamhã tisiré 're inomro mono norĩ ma, te tinha, ãne: — E niha bâ asiwi ĩ'umnhasi aba õ di. Tahawa, te sima nharĩ za'ra, ãne: — E niha õ hã aibâ, rowa'u'u ma, te te nharĩ wamhã, ma tô rowa'u hã sazâ. Duré, â nhibzaihâ ma hã, te tinha. Tahawa, ma tô ti'âtu. Imreme hã ma tô wapari zahuré. Mreme pire wa, ma ãma titob'uzu za'ra. Õne hã tãma sa'rese za'ra õ wa, ma tô tãma tipahi za'ra, isiré 're inomro mono norĩ hã.

Hebreu 12:28

'Re ihâimana u'âsi mono hã 'râwi te te 're wa'ab'madâ'â mono da, i'rata 're iwahâimana u'âsi za'ra mono zéb da hã, ma tô te te wama 're apisutu, da te wawi ãma i'ai'uté waihu'u za'ra õ hã. Tahawa, wa za 'Re ihâimana u'âsi mono ãma 're wawata u'âsi za'ra, sõpru wa. Te te sima 're iwa'awẽ mono zéb zarina, wa za ãma 're wawata u'âsi za'ra, wa te wasiwi 're wazéb za'ra mono sina, wama 're toi u'âsi mono da.

Apocalipsi 15:4

Wanhib'apito, dama aipire uptabi wa, te da te dasiwi 're aiwazé. Uburé pese, te da te 're aiwasu'u wẽ za'ra, danhipai u pese, aiwẽ uptabi wa. Aiwétési tô sena aiwẽ uptabi hã. Daro mono bâ 're idahâimana za'ra mono norĩ hã te za we ai'ãma 're dawata u'âsi za'ra, upai ãna dama 're i'arob'manharĩ wẽ mono zé hã da te 're 'madâ'â za'ra mono wa.”

1 Samuéu 12:24

Wanhib'apito si te za asiwi 're iwazé pese aba mo. Te za õhõ ãma si 're anomro aba mo, aipẽ'ẽ 'remhã. Tawamhã te za ãma 're aipo're pu'u u'âsi za'ra wa'aba mo, marĩ ipire te te aima 're i'manharĩ za'ra wa'aba mono zém na hã.