Marcu 4:39 - ꞌRe Ihâimana Uꞌâsi Mono Zadawa Wasuꞌu

³⁹ Tawamhã ma tô wahudu. Wahutu wamhã, rowa'u'u ma, te tinha, wa'u'utu da. Duré âsisasisi ma zama, te tinha, ãne: — Ma'ãpé ai'âtu na. Tawamhã ma tô sazâ, rowa'u hã. Ma tô duré ti'âtu oto.

Marcu 4:39 ပူးပေါင်းရင်းမြစ်များ

Salmu 89:9

A hã, âporé â nhiptete ma, te aipire na tãma 're aihâimana mo. Tô a hã te âporé â sisasisi nhiptete ma hã 're inharĩ u'âsi mo, â sisasi hã 're simizahâri mono da hã.

Ezodu 14:16

Ma'ãpé â poré nhisiwi asiwazusizé hã wẽ na hâimo. Tawamhã â isi'ridawa zarina te za sima aiwãnhiza, Izaraéu nhihudu norĩ ti'ai 'ré na â wa'waibaba te te ãma saprĩ za'ra da hã.

Ezodu 14:22

ma tô â nhitõmo si'uiwa norĩ wa'wamhã Izaraéu nhihudu norĩ ti'ai 'ré na oto saprĩ za'ra.

Provébiu 8:29

Isada'ré za'ra nhipai u â hã 're pu'u za'ra mono tõ da, te te tãma iwaihu'u za'ra zéb ãma, duré ti'a nhana'rata da, te te i'anhorézéb ãma zama wa tô ĩhâiba.

Mateu 8:26

Tawamhã Zezusi te tãma nharĩ za'ra ãne: — E marĩ da, ma aipahi za'ra wa'wa. E ĩ'umnhasi za'ra wa'aba ãna. Tawamhã ma tô wahudu, Zezusi hã. Wahutu wamhã, ma tô rowa'u'u ma, duré â sisasisi ma zama hã tinha, te te sazâri da hã. Taha wamhã, ma tô sazâ, rowa'u hã. Ma tô duré oto ti'âtu.

Marcu 4:38

Tane nherẽ, te Zezusi hã nhono, uba're na're ãma. Da'rã zaparizém na te 'rã zapa. Tahawa, ma tô siwi utu. Ãne te oto siwi 'mahâ: — Rowahutu'wa, wa za ai'utõrĩ ni. E wa'ãma aipẽ'ẽzé za'ra õ di za.

Marcu 9:25

Tawamhã Zezusi hã itẽme idasi'rã'õtõ norĩ hã da'ahâ na te te da'ab'madâ'â wamhã, ma tô wa'uburé ma rob'ru, ãne: — Wa'uburé, ai'repudu 're upi u'âsi mono wa, te mreme'õ u'âsi 're hâimana. Te duré po'reptõ u'âsi 're sãmra. Aiwatobro, ai'reputu hawi. Niwa apâ asébré tõ, ai'reputu 'remhã.

Luca 4:35

Tahawa, ma tô Zezusi hã wa'uburé ma tinha, ãne: — Tô'ã, we ĩma nharĩ tõ, tane na hã. Mo oto aiwatobro, aibâ hawi. Tawamhã sisa'u ma tô aibâ hã time ti'ai u, danho'a. Taha pari, ma aibâ hawi watobro, te te u'a ãna.

Luca 4:39

Tahawa, isimiwaptâ u hã te itẽme mo. I'rata te za. Tawamhã iwa'ro ma, te tinha, wahâ da. Tahawa, ma tô tiwahâ. Awa'awi ma tô wahudu. Wahutu wamhã, ma tô tãma api za'ra, saihuri da hã.

Luca 8:24

Tahawa, ma Zezusihi u tiwahutu za'ra, te te siwi utu da. Tawamhã ãne te siwi 'mahâ: — Rowahutu'wa, rowahutu'wa, wa za ai'utõrĩ ni. Tawamhã Zezusi ma tô udu. Duré ma tô wahudu hâiwi. Rowa'u'u ma, te tinha, te te sazâri da. Duré â ma, te tinha, âtu da. Tahawa, ma tô sazâ, rowa'u hã. Duré ma tô ti'âtu oto.