Marcu 4:32 - ꞌRe Ihâimana Uꞌâsi Mono Zadawa Wasuꞌu

³² Tazahã da te 're zuri mono wa, 're 'wanhipré za'ra mono wamhã, te za ti'rãihâ za'ra. Uburé aimawi rob're nhipai'u. Papo za'ẽtẽ wamhã, isu 'rowi te za si norĩ hã te te sima 're sasi za'ra. Ãne wa aima ãma romnhimiré'é za'ra wa'wa.

Marcu 4:32 ပူးပေါင်းရင်းမြစ်များ

Salmu 104:12

Pa zaihâi mono na te si norĩ hã wede na te te sima 're zasi za'ra. Te duré wede panhipti mono na 're sadawasituri.

Salmu 91:1

Ni'wa hã, 'Re ihâimana u'âsi mono danhipai u 're Isãmra mono nhimi'madâ'âzéb zahâpâ 're isãmra mono hã, duré danhipai u Iwaihu'u pese uptabi nhimi'awã zahâpâ sima iwẽ na 're iwa'utu mono hã,

Provébiu 4:18

I'uwaibaba na si 're inomro mono norĩ nhibâdâdi hã te tãma 're hâimana za'ra, bâtâ ro te te 're irowapré mono wim ne, te te 're irowa'a pese mono zéb u hã.

Mateu 13:32

Mostada nhamare hã uburé romnhamare norĩ ma surure nherẽ, oto prédu wamhã, uburé romnhamare, da te 're izuri mono hã te za te te 're sipai pese za'ra. Papo za'ẽtẽ wa, isu 'rowi te za si norĩ hã te te sima 're sasi za'ra.

Marcu 4:31

Mostada nhamare na, wa za aima ãma romnhimiré'é za'ra wa'wa, 'Re ihâimana u'âsi mono, da'ãma 're isib'a'uwẽ mono zé hã. Mostada nhamare hã suru uptabire di, aimawi norĩ ma hã.

Marcu 4:33

Ãne ma tô Zezusi hã tinhimirowasu'u ahâ na te te ãma 're romnhimiré'é, marĩ hã da te ãma 're iwaihu'u za'ra mono zéb da hã.