Marcu 4:27 - ꞌRe Ihâimana Uꞌâsi Mono Zadawa Wasuꞌu

²⁷ Tawamhã aibâ hã rĩtĩ ré nherẽ, duré sõtõ ré nherẽ, si'uihâ na te za ti'wanhipré za'ra, amnho hã. Te za duré ti'rãihâ za'ra. E niha te za ti'wanhipré za'ra. E niha te za duré ti'rãihâ za'ra. Aibâ hã te te waihu'u õ di.

Marcu 4:27 ပူးပေါင်းရင်းမြစ်များ

Marcu 4:26

Tawamhã ma duré tãma waihu'u za'ra, ãne: — 'Re ihâimana u'âsi mono hã da'ãma 're isib'a'uwẽ mono zém na, wa za aima rowasu'u za'ra wa'wa, ãne. Aibâ hã ti'ai wa, te za amnho hã te te anhamra, poto mono da.

Marcu 4:28

Ti'ai 'rowim nherẽ, te za si'uihâ na 're 'wanhipré za'ra, 're 'rã za'ra mono da. Te za a'â ti'wanhipré za'ra. Taha parip si, te za 're sitoro wairébé. Taha parip si te za duré oto 're 'rã za'ra.

2 Tesalonita 1:3

Wasisãnawã norĩ, 'Re ihâimana u'âsi mono ãma, wa 're wawata u'âsi za'ra, 're aihâimana wẽ za'ra wa'aba mono wa. Ta hã te te 're aipawaptob za'ra wa'wa, tiwaihu'u pese na. Tawamhã ma tô oto 're isazei pese za'ra wa'aba mo. Awẽ sidâpâsi 're isazei pese za'ra wa'aba mono zé hã, te ãma asima 're isa'ẽtẽ za'ra wa'aba mo. Aihâiba mono bâ, te 're asisawi za'ra wa'aba mo. Duré awẽ sidâpâsi 're asisawi pese za'ra wa'aba mono zé hã te ãma 're isa'ẽtẽ za'ra wa'aba mo. Tahawa, 'Re ihâimana u'âsi mono ãma, wa 're wawata u'âsi za'ra. Ãne, wa te 're 'manharĩ za'ra mono da, wama 're wẽ za'ra mono di. Tô i'uwaibaba na si.

2 Pedru 3:18

Ma'ãpé, 're aihâimana wẽ u'âsi za'ra wa'aba mono, aihâimana wẽ hã asima 're sa'ẽtẽ za'ra wa'aba mono da, Wanhib'apito Zezu Cristu te te 're iwa'apawapto mono zém na. Duré Wanho'reptui'wa Zezu Cristuhu ãma rowaihu hã, te za asima 're isa'ẽtẽ za'ra wa'aba mo. Ta hã Wanho'reptui'wai wa, wa za ãma 're wawata u'âsi za'ra. Tane tô.