Marcu 4:26 - ꞌRe Ihâimana Uꞌâsi Mono Zadawa Wasuꞌu

²⁶ Tawamhã ma duré tãma waihu'u za'ra, ãne: — 'Re ihâimana u'âsi mono hã da'ãma 're isib'a'uwẽ mono zém na, wa za aima rowasu'u za'ra wa'wa, ãne. Aibâ hã ti'ai wa, te za amnho hã te te anhamra, poto mono da.

Marcu 4:26 ပူးပေါင်းရင်းမြစ်များ

Provébiu 11:18

Iwasété norĩ pawa'â hã, tô senai'õ i'uptabi'õ, duré iprãire. Tane nherẽ, marĩ i'uwaibaba si te te 're i'manharĩ za'ra mono norĩ hã te za tipawa'â hã sena uptabi hã te te sima 're waibu, i'uwaibaba na si da te 're robzuri mono wa, sa'ẽtẽ na amnho da te dasima 're itehâri za'ra mono ne.

Mateu 13:11

Tawamhã Zezusi hã te asa tãma nharĩ za'ra, ãne: — 'Re ihâimana u'âsi mono hã a norĩ wa'aba ma si, ma tô dama iwaihu'u'õ hã aima waihu'u za'ra wa'wa, da'ãma 're isib'a'uwẽ mono zém na hã, sõ'awimhã te te dama hâi'ré õ nherẽ.

Mateu 13:24

Tawamhã Zezusi hã ma tô duré tãma ãma romnhimiré'é za'ra, ãne: — 'Re ihâimana u'âsi mono, da'ãma 're isib'a'uwẽ mono zém na hã, wa za oto aima ãma romnhimiré'é za'ra wa'wa, ãne. Aibâ hã ma tô tiburu na amnho iwẽ hã te te a're, tãma 'rã da.

Mateu 13:3

Tahawa, te Zezusi hã tinhimiromnhimiré'é na dama rowahutu, ãne: — Aibâ hã ma tô buru u mo, ti'ai hâibâdâ wa, amnho hã te te anhamra mono da, poto mono da.

Mateu 13:31

Tawamhã romnhimiré'é na ma tô duré tãma rowasu'u za'ra, Zezusi hã, tisiré 're inomro mono norĩ ma, ãne: — 'Re ihâimana u'âsi mono, da'ãma 're isib'a'uwẽ mono zém na, wa za duré aima ãma simiré'é za'ra wa'wa, mostada nhamare, aibâ tiburu na te te i'a're na hã.

Mateu 13:33

Tawamhã Zezusi hã ma tô duré ãne na tãma ãma romnhimiré'é za'ra, isiré 're inomro mono norĩ ma: — 'Re ihâimana u'âsi mono, da'ãma 're isib'a'uwẽ mono zém na, wa za duré aima ãma romnhimiré'é za'ra wa'wa, ãne. Pi'õ hã te za i'u'ẽtẽ wapu duptobzé hã suru na sa'wa, trigu 'rã zu pese wazari, trigu zub'a si, sa'ẽtẽ uptabi wa. Tawamhã te te wazari pese wamhã, te za tidupto, i'u'ẽne hã. Duré te te mapu wamhã, te za oto tiza'ẽtẽ. Ãhã sine duré, 'Re ihâimana u'âsi mono, da'ãma 're isib'a'uwẽ mono zé hã.

Mateu 3:2

Taha wamhã, te ãne dama rowasu'u: — Ma'ãpé, aiwasété wi aipizari za'ra wa'aba. 'Re ihâimana u'âsi mono, da'ãma 're isib'a'uwẽ mono zéb u hã romhuture di oto. — Ãne te dama rowahutu, Zuwã Batista hã.

Mateu 4:17

Tawamhã ta hawim haré ma oto romhuri na sãna'rata Zezusi hã, Timama zadawa wasu'u na. Ãne ma tinhimirowasu'u na dama ãma sãna'rata: — Aiwasété wi te za oto 're aipizari za'ra wa'aba mo. Ãhã na bâdâ hã ma tô oto iwa waptãrã, 'Re ihâimana u'âsi mono da'ãma 're isib'a'uwẽ mono zéb da hã.

Marcu 4:27

Tawamhã aibâ hã rĩtĩ ré nherẽ, duré sõtõ ré nherẽ, si'uihâ na te za ti'wanhipré za'ra, amnho hã. Te za duré ti'rãihâ za'ra. E niha te za ti'wanhipré za'ra. E niha te za duré ti'rãihâ za'ra. Aibâ hã te te waihu'u õ di.

Luca 13:18

Tawamhã Zezusi hã te dama tinha, ãne: — Niha marĩ na, wa za ãma simiré'é, 'Re ihâimana u'âsi mono, da'ãma 're isib'a'uwẽ mono zém na hã. Mostada nhamare na, wa za ãma simiré'é. Mostada nhamare hã aibâ hã ma tô a're. Tawamhã ma tô tiwa'ru. Wa'rui wamhã, papo za'ẽtẽ di oto. Tawamhã si hã te isu 'rowi, te te sima 're sasi za'ra. Ãne, 'Re ihâimana u'âsi mono, da'ãma 're isib'a'uwẽ mono zé hã.

Luca 8:11

— Ãhã na, wa za aima waihu'u za'ra wa'wa, te ãma isimiré'ézé hã waihu'u za'ra wa'aba da. Amnho potozé hã, 'Re ihâimana u'âsi mono mreme, te wasu'u.

Luca 8:5

— Aibâ hã te buru u mo, ti'ai hâibâdâ na, amnho hã te te anhamra mono da, poto mono da. Tawamhã amnho hã te te anhamra mono wamhã, nima norĩ hã bâdâdi zababa ma rere'e. Tahawa, ma tô dapara na nasi wati'i za'ra ni, tiwi irere'e mono hã. Sire hã ma duré te te uprosi, poto mono õ ré.

Zuwã 12:24

Tô sena wa za aima rowasu'u za'ra wa'wa, amnho potozé wasu'u na hã. E niha te za amnho trigu hã ti'rã ahâ. Ai'uréiwi nomro wamhã, poto õ di za. Ab're 're, 're rere'e mono wa, itomhâ, 're si'utõrĩ mono wapsi, te za 're poto za'ra. 'Re poto za'ra mono wapsi, duré 'rãi ahâ di za. Duré misire nherẽ, 're poto za'ra mono wap si, nhama wamhã, zâb ahâ di za.

Tiagu 3:18

Amnho iwẽ hã da te 're zuri mono wamhã, te za iwẽ si da te 're ubumro za'ra, amnho hã. Tane roti iwẽ na 're dasipawaptob za'ra mono wamhã, rowẽ na dasiré 're dahâimana za'ra mono da, duré isimiroti na 're danomro mono wamhã, dahâimana wẽ na si te za dasima 're dahâimana za'ra oto.