Marcu 3:9 - ꞌRe Ihâimana Uꞌâsi Mono Zadawa Wasuꞌu

^9-10 Uburé ihâzé ré norĩ hã te itẽme 're sisãmra, te te siwi upi da, tinhib'rata na. Tahawa, tisiré 're inomro mono norĩ ma, te 'ru za'ra, uba're hã te te 'ma'âri za'ra da dawi, iwap sébré da, da te dasiwi hâiba wati tõ da, dasina hã.

Marcu 3:9 ပူးပေါင်းရင်းမြစ်များ

Mateu 15:39

Tawamhã Zezusi hã te oto dama rob'ru, apâ dasi'aba'ré da, darob u. Taha pari, ma tô uba're 're ãzé, Madadã na danhipti'a nho'õmo nhisi u te te saprĩ da hã.

Marcu 4:1

Tawamhã Zezusi hã te duré dama rowahutu, Galiléa ãma, isõ'u zapoto 'rata. Da'ahâ uptabi na itẽme dasito mono wa, ma uba're wa ãzé, â zada'ré prã na.

Marcu 4:36

Tawamhã te a'â dazatõrĩ za'ra, apâ dasi'aba'ré da. Taha pari, Zezusi hã uba're 're isébrézéb 're, ma asisi isarina, zara u te te saprĩ za'ra da. Ni'wam norĩ hã te duré siré sari za'ra uba're hã, Zezusihi zarina.

Marcu 5:2

Tawamhã uba're hawi watobro wamhã, ma tô aibâ hã wa'uburé ré 're imorĩ hã sina uzusi.

Marcu 5:30

Awa'awi ma tô duré sina waihu'u, Zezusi hã tiwaihu'u pese na te te ida'maipesezém na. Tahawa, ma aipi'ra, da'ahâ wa'wa. Ãne te tawamhã da'a'mahâ: — E 'wa hã ma ĩ'uza hã ĩwi upi.

Marcu 6:32

Tawamhã hâiba pisutu te oto ai'aba'ré, uba're u. Uba're wa, ma tô asisi, zara u te te saprĩ za'ra da, danhiti hâimana za'ra da a'â, zara niwĩ.

Luca 5:1

Tawamhã Zezusi hã te nhamra, isõ'u zaihâ na, Zenezaré na isõ'u nhisi ãma, 'Re ihâimana u'âsi mono te te dama sadawa wasu'u da. Da'ahâ uptabi na ma tô itẽme hã dasito, da te wapari za'ra da hã.

Luca 5:3

Tawamhã Zezusi ma tô ãzé, uba're wa, Simahã te 're. Tawamhã uba're wa, sébré wamhã, te Simahã ma tinha, suru na te te iré sa'ré da, supara'ré nhiti. Tawamhã uba're wa, te oto nhamra, te te dama rowasu'u da.

Zuwã 6:15

Tawamhã Zezusi, damreme hã ma tô sina waihu'u. Tahawa, te siwaprosi sa'a nhisi u mo apâ, danhiti.