Marcu 3:6 - ꞌRe Ihâimana Uꞌâsi Mono Zadawa Wasuꞌu

⁶ Te te pese pari, ma awa'awi wairé, farizeu norĩ hã. Tawamhã Erodihi niwĩ 're ihâimana za'ra mono norĩ me, ma tô sima ãma roti za'ra, Zezusi te te sima hâiba za'ré za'ra da hã.

Marcu 3:6 ပူးပေါင်းရင်းမြစ်များ

Mateu 12:14

Tawamhã te te pese pari, ma tô farizeu norĩ hã wairé, te te sima ãma roti za'ra da, Zezusihi ãma, da te dasiwi wĩrĩ da, isadawa parab za'ra.

Mateu 22:16

Tawamhã Zezusihi u ma tô 'mazatõrĩ za'ra, tizadawa zapari'wa norĩ hã, duré apito Erodihi nhimiroti wẽ 'wa norĩ zama hã, ma tô siwi 'mazatõrĩ za'ra. Tawamhã Zezusihi u sihutu wamhã, ãne te siwi sadanha: — Rowahutu'wa, asadawa nhipese õ na 're aihâimana mono zém na hã wa tô aiwaihu'u za'ra ni. Tô sena na te iwẽ na si dama 're irowasu'u u'âsi mo, 'Re ihâimana u'âsi mono nhimiroti zarina si. Asimiroti hã da te dasiwi 're wẽ'õ za'ra mono nherẽ, te tô õhõ na si dama 're i'aroti u'âsi mo. Duré ni'wam norĩ hã dama pire na 're hâimana za'ra mono nherẽ, aimawi hã aima 're hâimana mono õ di. Aiwapsi te 're dahâimana za'ra, aima hã.

Marcu 12:13

Tawamhã 'Re ihâimana u'âsi mono ma, da'ãma romhuri'wa norĩ hã ma tô farizeu norĩ hã 'mazatõrĩ za'ra, Zezusihi u si'aba'ré da. Erodihi niwĩ 're ihâimana za'ra mono norĩ zama, ma tô itẽme 'mazatõrĩ za'ra, tinhimiroti na te te upai wa, te te siwi wẽ'õ za'ra da.

Marcu 8:15

Tawamhã Zezusi ma ãne tãma waihu'u za'ra: — Ma'ãpé, 're asi'madâ'â pese za'ra wa'aba mono, i'u'ẽtẽ wapuzém nhiti 're anomro aba mono da, farizeu norĩ nhimi'manharĩzém nhiti, apito Erodihi me.

Luca 22:2

'Re ihâimana u'âsi mono ma, da'ãma romhuri'wa ipire norĩ hã, te rowahutu'wa norĩ me sima ãma rosa'rata za'ra, pi'uriwi te te siwi wĩrĩ da, Zezusi hã. Dama pahi za'ra wa, te ãne sima ãma rosa'rata za'ra.

Luca 6:11

Tawamhã rowahutu'wa norĩ hã ma tô sada tizahi za'ra, Zezusihi zada. Tawamhã te sima rosa'rata za'ra, marĩ hã te te tãma 'manharĩ za'ra da.

Zuwã 11:53

Tawamhã Caifasihi nhimiroti hawi te te sima ãma sé za'ra oto, te te siwi wĩrĩ da, dama ipire norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:25

A hã ma tô Aipẽ'ẽzani na wahi'rada aima romhuri'wa Dawihi zadawa zarina inha, ãne: “E marĩ wa, zudeu'õ norĩ hã ma tô sada tizahi pese za'ra, daro mono bâ 're ihâimana za'ra mono hã. E marĩ wa, ma tô iprãire na si te te sima 're rowa'õtõ za'ra.