Marcu 3:20 - ꞌRe Ihâimana Uꞌâsi Mono Zadawa Wasuꞌu

²⁰ Tawamhã Zezusi hã 'ri tẽme oto morĩ wamhã, da'ahâ na ma duré itẽme dasito. Itẽme dasito mono wa, Zezusi norĩ hã saihuri waihu'u õ di.

Marcu 3:20 ပူးပေါင်းရင်းမြစ်များ

Marcu 1:45

Tazahã aibâ hã rowasu'u wẽ na ma tô ãma ropé. Tahawa, sõ'awi 'ri ahâ u hã datẽme 're ne waihu'u mono õ di, Zezusi hã. Tahawa, a'ubuni wi te a'â 're hâimana, danhiti. Tame 're hâimana mono ré, te itẽme 're dasihutu, daro mono bâ, da te 're sabu za'ra mono da.

Marcu 2:1

Suru na ãma ronomro parip si, ma Zezusi norĩ hã apâ aihutu, Cafanau na danhipti'a nho'õmo nhisi u. Tawamhã awa'awi ma iwasu'u hã ropé, 'ri para ãma oto ihâimana na, Zezusi hã.

Marcu 3:7

Tawamhã Zezusi norĩ hã te ai'aba'ré, Galiléa na isõ'u nhisi u. Da'ahâ uptabi na te isarina hã ai'aba'ré ni, Galiléa hawimhã, duré Zudéa hawib zama, duré Zeruzalẽ hawimhã, duré Idumeza hawimhã, duré Zodã pa zara hawimhã, duré Tiru hawimhã, duré Sidõ hawimhã. Zezusihi wasu'u hã ma tô wapari za'ra ni aré, te te 're ida'apawapto mono zé wasu'u na hã. Tahawa, ma tô itẽme dasito, daro mono bâ.

Marcu 3:9

Uburé ihâzé ré norĩ hã te itẽme 're sisãmra, te te siwi upi da, tinhib'rata na. Tahawa, tisiré 're inomro mono norĩ ma, te 'ru za'ra, uba're hã te te 'ma'âri za'ra da dawi, iwap sébré da, da te dasiwi hâiba wati tõ da, dasina hã.

Marcu 6:31

Tawamhã da'ahâ uptabi na itẽme dasisamarĩ pese wa, saihuri waihu'u õ di, Zezusi norĩ hã. Tahawa, ma tô ãne satõrĩ za'ra, Zezusi hã: — Oto wasi'aba'réi wa'aba a'ubuni u, wawa'utu za'ra da a'â, danhiti.

Marcu 7:17

Tawamhã te te dama rowasu'u pari, te oto ai'aba'ré, 'ri tẽme, tisiré 're inomro mono norĩ me. Tawamhã 'ri tẽme sihutu wapsi, te oto siwi sadanha, isiré 're inomro mono norĩ hã, marĩ na te te dama irowasu'uzém na hã te te tãma waihu'u za'ra da, 'râwi 're idasiwasété za'ra mono zém na hã.

Marcu 9:28

Taha pari, ma asisi 'ri para u, Zezusi norĩ hã. Tame hâiba pisutu ma tô si'ãma sadanharĩ za'ra, isiré 're inomro mono norĩ hã: — E niha bâ bété wa norĩ hã, wa'uburé ma, wa te rob'ru za'ra nherẽ, wa te wasiwi imei waihu'u õ, tãma.

Luca 6:17

Tawamhã Zezusi norĩ hã ma tô sa'a hawi si'ra za'ra. Tawamhã ti'ai haré u sihutu õ ré, te a'â nhamra, sõnhihâpâ ãma, tizazei'wa norĩ me. Isazei'wa norĩ hã ahâ di. Tame duré da'ahâ uptabi na, te sô ai'ubumro ni. Daro mono bâ, ma tô iwana sô tasi'rã'õtõ ni, Zudéa na danhipti'a nho'õmo nhisi hawi, duré Zeruzalẽ hawi, duré Tiru na 'ri nho'õmo nhisi hawi, duré Sidõ hawib zama. Â zaihâ na Tiru hã, duré Sidõ, 'ri nho'u hã.