Marcu 3:16 - ꞌRe Ihâimana Uꞌâsi Mono Zadawa Wasuꞌu

^16-17 Aibâ norĩ hã, 12 na ihâiba hã ãne isisi za'ra hã: Sima hã Pedru na, ma tô sisi té, Zezusi hã. Isiré norĩ hã ãne isisi za'ra hã: Tiagu, Zuwãhã me, Zebedehe 'ra norĩ hã. Bu'anezi na, ma tô sisi téb zahuré, Tiagu norĩ hã Zezusi hã. Bu'anezi na, isisi hã, tãirãrã te wasu'u, isisi té hã.

Marcu 3:16 ပူးပေါင်းရင်းမြစ်များ

Marcu 1:16

Tawamhã â zaihâ u ma tô wi, Zezusi hã, Galiléa na isõ'u nhisi u hã. Wisi wamhã, â zababa 're morĩ ré, ma tô tepe mrami na romhuri'wa norĩ hã sõpẽtẽ zahuré. Sima Pedru norĩ, isisãnawã Ãdréhé me. Ta norĩ hã tepe zô, te nasi abazipara hã wabzuri zahuré.

Marcu 3:15

Ma tô duré pisutu za'ra, iwaihu'u pese zarina, wa'uburé norĩ te te dama 're sãmra za'ra mono da hã.

Luca 6:13

Tahawa, awẽ wi ma tô sô tihârâ za'ra, tizazei'wa norĩ zô. Tawamhã itẽme sihutu wamhã, ma tô pisutu za'ra, 12 na ihâiba za'ra hã isiré 're nomro mono da. Ma tô oto sisi za'ra, tizadawa wasu'u'wa na.

Zuwã 1:42

Tawamhã ma tô Zezusihi u we saprõ apâ. We te te itẽme ãwisi wamhã, Zezusi te Sima hã 'madâ. Te tãma tinha, ãne: — A hã Sima, Zuwãhã 'ra. Ãhã na wa za asisi na oto ãma saprĩ. Cefasi na asisi hã za oto. Ãma isaprĩ na hã Pedru na isisi hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:13

Ãhã wamhã, ma tô oto aihutu, Zeruzalẽ u. Sihutu wamhã, 're idanhimi'wara mono zéb u te oto ai'aba'ré. Hâimo te sai'uri za'ra, tisi'ubumrozéb u sisisi da, 'ri nhisi u. Isadawa wasu'u'wa norĩ hã ãne isisi za'ra hã: Pedru, duré Zuwã, duré Tiagu, duré Ãdré, duré Filipi, duré Tome, duré Batolomeu, duré Mateu, duré Afeuhu 'ra Tiagu na isisi, duré Sima zeroti norĩ me aré 're imorĩ, duré Zuda Tiaguhu 'ra. Ta norĩ hã ma tô hâimo sai'uri za'ra.

1 Corĩtu 1:12

Ãne wa za aima waihu'u za'ra wa'wa. Ni'wam norĩ me asiré 're aihâimana za'ra wa'aba mono nherẽ, te ãne dama 're asiwasu'u za'ra wa'aba mo: “Wa norĩ hã Pauluhu nhimiroti si, wa za wa te 're 'madâ'â za'ra.” Duré ni'wam norĩ hã te 're siwasu'u za'ra, ãne: “Wa norĩ hã Apoluhu nhimiroti si, wa za wa te 're 'madâ'â za'ra.” Duré ni'wam norĩ hã te 're siwasu'u za'ra, ãne: “Wa norĩ hã Pedruhu nhimiroti si, wa za wa te 're 'madâ'â za'ra.” Duré ni'wam norĩ hã te ãne 're siwasu'u za'ra: “Wa norĩ hã Cristuhu nhimiroti si, wa za wa te 're 'madâ'â za'ra.” Ãne te dama 're asiwasu'u za'ra wa'aba mo, aimreme si'ahâ za'ra wa'aba na.

1 Corĩtu 9:5

Zezusihi zadawa wasu'u'wa norĩ, wasiré norĩ hã Zezusi te te dama 're sadawa wasu'u za'ra mono da, nimomo 're nomro mono wamhã, timro hã te za siré te te 're simro. Duré Wanhib'apito no norĩ zama, te za timro hã siré te te 're simro. Pedruhu zama te za duré timro hã siré te te 're saprõni. Wa hã bété. Ĩmro ré, 're ĩhâimana mono 'wa'âhã, duré isazei'wa si'uiwa 're wahâimana mono wamhã, e i'uwaibaba 're ĩhâimana mono õ di aré, daza'rui mono bâ, ĩsiré te 're saprõni mono wamhã. Duré wasazéb da, ĩmro ãma zama, 're ana wa'aba mono wamhã, e i'uwaibaba õ di bété aré. I'uwaibaba tô aré, wahâimanazé hã.

2 Pedru 1:1

Wa hã Sima Pedru, Zezu Cristuhu ma romhuri'wa, duré isadawa wasu'u'wa, wa ãma aima rob'ui'éré za'ra wa'wa, wasiré isazei'wa 're i'anomro aba mono norĩ ma. Wanhib'apito 'Re ihâimana u'âsi mono hã wẽ uptabi di. Duré wa'anho'reptui'wa Zezu Cristuhu zama wẽ uptabi di. Wẽ uptabi zahuré wa, ma tô te te 're aipawaptob za'ra wa'wa, wasine asina 're umnhasi za'ra wa'aba mono da, te te 're asõ'reptu za'ra wa'aba mono da.