Marcu 2:26 - ꞌRe Ihâimana Uꞌâsi Mono Zadawa Wasuꞌu

²⁶ 'Re ihâimana u'âsi mono nhorõwa 'ri u, ma tô ãzé, apito Dawi hã. Abiata hã 're hâimana mono ré, ma tô ãzé. 'Re ihâimana u'âsi mono ma da'ãma romhuri'wa ipire uptabi, Abiata hã, ta hã tisiré norĩ nhipai u sasedoti ipire uptabi. Tawamhã sébré wamhã, ma tô 'mai'rẽ i'u'ẽne hã, Dawi, 'Re ihâimana u'âsi mono ma, aré da te isa'ra za'ra hã. Duré tisiré norĩ ma, ma tô tãma a za'ra. 'Re ihâimana u'âsi mono, ma tô aré pisutu, da'ãma romhuri'wa norĩ si, i'u'ẽne hã te te 're ihuri mono da hã, sasedoti norĩ si. Tane nherẽ, ma tô 'mai'rẽne za'ra, Dawi norĩ hã.

Marcu 2:26 ပူးပေါင်းရင်းမြစ်များ

Mateu 12:4

'Re ihâimana u'âsi mono nhorõwa 'ri u, ma tô ãzé, apito Dawi hã. Sébré wamhã, ma tô 'mai'rẽ, i'u'ẽne hã. Isiré norĩ zama ma tô tihu, 'Re ihâimana u'âsi mono ma, aré da te isa'ra hã. 'Re ihâimana u'âsi mono, ma tô pisutu aré, da'ãma romhuri'wa norĩ si i'u'ẽne hã te te 're huri mono da, sasedoti norĩ si. Tane nherẽ, ma tô 'mai'rẽne za'ra, Dawi norĩ hã. Te te 'mai'rẽne za'ra nherẽ, 'Re ihâimana u'âsi mono hã te te siwi wẽ'õ za'ra õ di, ta norĩ hã.

Marcu 2:25

Tawamhã Zezusi ma asa tãma waihu'u za'ra: — E apito Dawihi wasu'u na rob'ui'éré hã 're sõré za'ra wa'aba mono ã bâ, te te irob'manharĩzém na, isiré norĩ me, mra te te simroi wamhã.

1 Samuéu 21:1

Tawamhã Dawi ma tô mo, sasedoti Aimeretihi ma te te nharĩ da, Nobi na 'ri wa'õtõ nhisi u. Tawamhã oto itẽme wisi wamhã, ma tô sasedoti rẽrẽ'ẽ sina itẽme watobro, Dawihi tẽmemhã. Tahawa, te ãne sadanha: — E marĩ wa, te we asiwaprosi aimo ãwamhã.

1 Samuéu 23:6

Abiata, Aimeretihi 'ra hã simani wamhã, Dawi hã te te hâiba waptob da, Queira u itẽme morĩ wamhã, ma tô sasedoti norĩ si'uzazé hã siré ti'â.

1 Samuéu 23:9

Tawamhã Sau za te te i'wapézém na te te sima irosa'ratazé hã Dawi hã te te waihu'u wamhã, ma tô tãma tinha ãne, sasedoti Abiataha ma: — We ãwa âri sasedoti norĩ si'uzazé hã, 'Re ihâimana u'âsi mono hã wa te iré sadanharĩ da.