Marcu 2:25 - ꞌRe Ihâimana Uꞌâsi Mono Zadawa Wasuꞌu

²⁵ Tawamhã Zezusi ma asa tãma waihu'u za'ra: — E apito Dawihi wasu'u na rob'ui'éré hã 're sõré za'ra wa'aba mono ã bâ, te te irob'manharĩzém na, isiré norĩ me, mra te te simroi wamhã.

Marcu 2:25 ပူးပေါင်းရင်းမြစ်များ

Mateu 19:4

Tawamhã Zezusi hã te asa tãma nharĩ za'ra: — E ibaihâ na ãne hã 're sõré za'ra wa'aba mono ã bâ, 'Re ihâimana u'âsi mono nhimiroti 'rata na rob'ui'éré hã. Ãne na rob'ui'éré hã: “Ropoto na'rata hawimhã ma tô 'Re ihâimana u'âsi mono hã a'uwẽ na aibâ hã 'manha. Pi'õ zama ma tô duré 'manha.” Ãne na duréihã ibaihâ na rob'ui'éré hã.

Mateu 21:16

Tawamhã ta norĩ hã te Zezusi hã siwi sadanha, ãne: — E wapari õ di, ai'uté norĩ mreme hã. E asina sadawa uwati za'ra ãna. Tawamhã Zezusi hã asa te duré tãma nharĩ za'ra, ãne: — Wa tô wapari za'ra. A norĩ wa'wa hã bété. E sõré za'ra wa'aba õ di, wahi'rata nhimi'ui'éré hã: “Ai'uté norĩ ma, wa tô waihu'u siromo za'ra, duré ai'utépré norĩ ma zama, iwẽ na si ai'ãma 're wata za'ra mono da.” Ãne ma tô wahi'rada hã ĩ'ãma rob'ui'éré siro, ibaihâ na hã.

Mateu 21:42

Tawamhã Zezusi hã te oto sina ãma simiré'é ẽtẽ na, ãne: — Oro 'Re ihâimana u'âsi mono zadawa wasu'u na rob'ui'éré hã 're sõré za'ra wa'aba mono za, aima waihu'u za'ra wa'aba õ di bété. Ãne ibaihâ na rob'ui'éré hã: “Ẽtẽ tomhâpâ wẽ 'ri na'ratazéb da, wẽ uptabi nherẽ, wasété newa, 'ri'wa norĩ te te siwi iwẽ'õ hã te oto tô taré nherẽ pire na hã, 're sa'wari u'âsi. Uburé Danhib'apito hã ma tô ãne hã pisutu, 'ri na'rata uparizéb da, pire na 're isa'wari mono da hã. Tahawa, ãne na wa te ãma 're rosa'rata za'ra mono wamhã, wa ãma 're watob'uzu u'âsi za'ra, wa norĩ hã.”

Mateu 22:31

'Re ihâimana u'âsi mono hã ab're hawi te te 're ida'ahâiwa'utu mono zém na, a norĩ wa'wa hã 're saze za'ra wa'aba mono õ di. E 're sõré za'ra wa'aba mono õ di bété, duréihã 'Re ihâimana u'âsi mono mreme na rob'ui'éré hã, wahi'rada Mozésihi ma, isiwasu'uzé hã, ãne na hã:

Mateu 4:2

Tawamhã a'ubuni wi sãmra ré, ma tô bâdâ hã 40 na duré 40 mara na hã ãma ai'utõ, sai ãna sãmra ré hã. Tahawa tãma hã mrab uptabi di.

Marcu 12:20

Wa za oto aima rowasu'u za'ra ni, dasisãnawã si 're ihâimana za'ra mono norĩ wasu'u na. Aibâ hã sisãnawã si, te 're hâimana za'ra, 7 na ihâiba za'ra hã. Tawamhã ipoto'rada hã ma tô timro oto. Tawamhã 'ra õ ré, ma dârâ, aibâ hã.

Marcu 12:26

Marĩ, wa za duré aima waihu'u za'ra wa'wa, 're dadâ'â za'ra mono pari, apâ 're idanomro mono zé wasu'u na. Wede zapore iro'o na ma tô ãma rob'ui'éré, Mozési hã. E niha 're sõré za'ra wa'aba mono nherẽ, aima waihu'u za'ra wa'aba õ di. Ãne ma tô Mozésihi ma siwasu'u, 'Re ihâimana u'âsi mono hã: “Wa hã Abra'ãhã nhib'apito, wa 're ĩhâimana u'âsi, duré Izaquihi nhib'apito, duré Zacoho nhib'apito.” Ãne ma tô Mozésihi ma siwasu'u, 'Re ihâimana u'âsi mono hã, Abra'ã norĩ uirĩ na nherẽ.

Marcu 2:24

Tawamhã farizeu norĩ hã te Zezusihi ma nharĩ za'ra, ãne: — E niha, romhuri zahârizém na nherẽ, te te sima 'rãnhinarĩ za'ra, asiré 're inomro mono norĩ hã, wahi'rata norĩ hã romhuri zahârizém na te te dawi 're sawi za'ra mono nherẽ.

Marcu 2:26

'Re ihâimana u'âsi mono nhorõwa 'ri u, ma tô ãzé, apito Dawi hã. Abiata hã 're hâimana mono ré, ma tô ãzé. 'Re ihâimana u'âsi mono ma da'ãma romhuri'wa ipire uptabi, Abiata hã, ta hã tisiré norĩ nhipai u sasedoti ipire uptabi. Tawamhã sébré wamhã, ma tô 'mai'rẽ i'u'ẽne hã, Dawi, 'Re ihâimana u'âsi mono ma, aré da te isa'ra za'ra hã. Duré tisiré norĩ ma, ma tô tãma a za'ra. 'Re ihâimana u'âsi mono, ma tô aré pisutu, da'ãma romhuri'wa norĩ si, i'u'ẽne hã te te 're ihuri mono da hã, sasedoti norĩ si. Tane nherẽ, ma tô 'mai'rẽne za'ra, Dawi norĩ hã.

Luca 10:26

Tahawa, te Zezusi hã asa tãma tinha: — E niha 'Re ihâimana u'âsi mono nhimiroti na, iwasu'u na rob'ui'éré hã. E niha asimirosa'rada hã, ãma.