Marcu 2:22 - ꞌRe Ihâimana Uꞌâsi Mono Zadawa Wasuꞌu

²² Tane duré uwa 'rãi wa'u isé hã 're wa'ui ware mono õ ré, da te 're séme waihu'u mono õ di, romhâ 'manharĩ 'ratare 'remhã. Wa'ui ware õ ré, da te 're séme mono nherẽ, oto wa'ui ware wamhã, te za romhâ 'manharĩ 'ratare hã sina wazu. Tawamhã uwa 'rãi wa'u isé hã te za asa'wa. Romhâ 'manharĩ hã te za duré hâihaiwamna. Itép si'uiwa 'rep si, te za da te 're sé, rob'rãi wa'u té hã.

Marcu 2:22 ပူးပေါင်းရင်းမြစ်များ

Salmu 119:80

Tô ibâ na asimiroti si te 're i'madâ'â pese mono da si, wa ĩsima te 're wẽ, ĩsima 're ĩnhisép tõ mono da.

Salmu 119:83

Wa hã, romhâ 'manharĩ na ub'rẽ 'ratare ne marĩ dai õre nherẽ, asimiroti na hã 're ĩpo're simrami mono õ di.

Mateu 9:17

Tane duré uwa 'rãi wa'u isé hã 're wa'ui ware mono õ ré, da te 're séme waihu'u mono õ di, romhâ 'manharĩ 'ratare 'remhã. Wa'ui ware õ ré, da te 're séme mono nherẽ, oto wa'ui ware wamhã, te za romhâ 'manharĩ 'ratare hã sina wazu. Tawamhã uwa 'rãi wa'u isé hã te za asa'wa. Romhâ 'manharĩ zama hã te za oto duré sina hâiwamna. Itép si'uiwa wap si, te za da te 're sé, dawi 're sisa'wari za'ra mono tõ da, rob'rãi wa'u ité hã. Tawapsi, romhâ 'manharĩ hã dawi 're hâsiwamnarĩ za'ra mono õ di za duré. — Ãne ma tô Zezusi hã ãma romnhimiré'é, uwa 'rãi wa'u isé, da te 're iséme mono zém na hã.

Marcu 2:21

Da'uza hâ 'ratare hã, e te za ihâi wẽ na ãma hâiwa'aba ni, ihâ nhihâri tém na. Mare di. Ãne wamhã, te za dawi 're hâzahutu za'ra. Tawamhã ihâ'rada hã te za sina hâta. Te za oto duré dawi hâihatari za'ẽtẽ.

Marcu 2:23

Tawamhã romhuri zahârizém na, ma tô buru nho wa'wai baba ro'rahâri za'ra Zezusi norĩ hã, sabadu na. Isiré 're inomro mono norĩ hã ma tô te te sima 'rãnhinarĩ za'ra, te te huri mono da.

Zozué 9:13

à hã romhâ 'manharĩ wa, uwa 'rãi wa'u isé hã wa te iwa i'masisi za'ra mono hã aré nomo hâ téb za'ra di. Tane nherẽ, ma tô wawi nomohâ sisinarĩ za'ra. Duré wa'uza norĩ hã, ma tô wawi hâ sisinarĩ za'ra. Duré wapara'uza hã ma tô wawi tihâpâ pese za'ra, romhâ na we iré iwasi'aba'ré zarina.

Zozué 9:4

ma tô sima waihu'u za'ra, Zozuéhé ma, niha na hâimana nhipese na te te tãma 'manharĩ za'ra da. Tahawa dasa hã ma tô waibu za'ra. Te te waibu za'ra wamhã, ma tô tite awaru po're pore norĩ ba nhisiwimhã siwi 'wasa, sa'u idub'ratare hã, duré romhâ 'manharĩ na marĩ wa'u nhemezé isitari norĩ inomo hâ babarĩ ré hã.