Marcu 2:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã Zezusi, ma tô asa tãma waihu'u za'ra: — Aibâ hã imrozéb u, sô ihârâ za'ra norĩ hã sihutu wamhã, e saihuri ãna, te za tihâimana za'ra. Mare di. Saihuri ãna hâimana za'ra õ di za. Aibâ imro da hã i'rata sãmra za'ra ré, te za tô isiré tisa hã tihu, to sina.

Marcu 2:19 ပူးပေါင်းရင်းမြစ်များ

Zenezi 29:22

Tawamhã Labã, dasa isa'ẽne ma tô 'manha. Tahawa, ma tô irob 're uburé 're idahâimana za'ra mono norĩ zô hã hâ.

Salmu 45:14

Apito siwẽ uza hã i'manharĩ ihâiwamnarĩ sipu'u pese ré te za apito u hã saprõni ni. Te za duré dasina damro wa, ipawapto'wa norĩ hã isiré ai'aba'ré.

Mateu 9:15

Tawamhã te Zezusi asa hã tãma nharĩ za'ra ãne: — Aibâ hã imrozéb u, sô ihârâ za'ra norĩ sihutu wamhã, e aibâ imro da hã isiré sãmra za'ra ré, te za robzei'õ na hã tihâimana za'ra, ta norĩ hã. Mare di. Ãne hâimana za'ra õ di za. Niwapsi te za bâdâ hã iwa waptãrã, aibâ imro da hã isiwadi norĩ wa'wa hawi, da te tiwi i'âri za'ra zéb da hã. Tawapsi te za tô sai ãna hã, duré tãma za'ra robzei'õ na hã 're si'ubumro za.

Marcu 2:18

Tawamhã Zuwã Batistaha siré 're inomro mono norĩ hã, duré farizeu norĩ hã, ã bâtâ na te saihuri ãna tihâimana za'ra, 'Re ihâimana u'âsi mono ma, mreme zusi da. Tahawa, ni'wam norĩ hã te Zezusihi ma, nharĩ za'ra, ãne: — Zuwãhã siré 're inomro mono norĩ hã, duré farizeu norĩ hã, ã bâtâ na saihuri ãna te tihâimana za'ra, 'Re ihâimana u'âsi mono ma, mreme zusi da. E marĩ wa, asiré 're inomro mono norĩ hã, saihuri ãna ã bâtâ na hâimana za'ra õ di bété, tãma mreme zusi da.

Marcu 2:20

Niwapsi te za bâdâ hã iwa waptãrã, aibâ imro da hã isiwadi norĩ wa'wa hawi, da te tiwi i'âri za'ra zéb da hã. Tawapsi te za tô sai ãna 're si'ubumro, robzei'õ na.