Marcu 2:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã Zuwã Batistaha siré 're inomro mono norĩ hã, duré farizeu norĩ hã, ã bâtâ na te saihuri ãna tihâimana za'ra, 'Re ihâimana u'âsi mono ma, mreme zusi da. Tahawa, ni'wam norĩ hã te Zezusihi ma, nharĩ za'ra, ãne: — Zuwãhã siré 're inomro mono norĩ hã, duré farizeu norĩ hã, ã bâtâ na saihuri ãna te tihâimana za'ra, 'Re ihâimana u'âsi mono ma, mreme zusi da. E marĩ wa, asiré 're inomro mono norĩ hã, saihuri ãna ã bâtâ na hâimana za'ra õ di bété, tãma mreme zusi da.

Marcu 2:18 ပူးပေါင်းရင်းမြစ်များ

Mateu 23:5

Taré da te 're 'madâ'â wẽ za'ra mono da, te marĩ hã te te 're 'manharĩ za'ra, danho'a. Powawẽ hâ 'manharĩ hã 'Re ihâimana u'âsi mono nhimiroti ui'éré na ibaihâ nhemezébre hã isa'ẽtẽ uptabi na si te ãma 're si'uihâ wasisi za'ra, tipaihi wib zama, 're nomro wẽ mono newa, da te 're 'madâ'â wẽ za'ra mono da. Taha da, te duré ti'uza hâpa za'ru pa ré na 're si'uza za'ra.

Mateu 6:16

— 'Re ihâimana u'âsi mono ma, 're aimreme zusi aba mono da, asai ãna a'â 're aihâimana za'ra wa'aba mono wamhã, ai'ubu zei õre na hã 're aihâimana za'ra wa'aba mono õ di za. Ni'wam norĩ si te za ubu toi ãna sai ãna 're mreme zusi, 're nomro wẽ mono newa, da te 're 'madâ'â wẽ za'ra mono da. Tawamhã da te 're 'madâ'â wẽ za'ra mono wa, ãma 're dawata za'ra mono wamhã, taha si te za tô tãma 're hâimana za'ra. Nimahã na 'Re ihâimana u'âsi mono nhoprubzé hã tãma 're hâimana za'ra mono õ di za, ta norĩ ma hã. Tô sena wa ãne na hã aima waihu'u siromo za'ra wa'wa.

Marcu 2:19

Tawamhã Zezusi, ma tô asa tãma waihu'u za'ra: — Aibâ hã imrozéb u, sô ihârâ za'ra norĩ hã sihutu wamhã, e saihuri ãna, te za tihâimana za'ra. Mare di. Saihuri ãna hâimana za'ra õ di za. Aibâ imro da hã i'rata sãmra za'ra ré, te za tô isiré tisa hã tihu, to sina.

Luca 18:12

Maparane bâtâ na romhuri sidâpâsi, wa ĩsai ãna 're ĩnhamra, te aima 're romhuri mono da, ĩmreme na. Ĩpawa'â hã wa duré te aima 're po'o, suru na.” Ãne ma tô farizeu hã tiwẽ hã sina tihi, 'Re ihâimana u'âsi mono ma.

Roma 10:3

'Re ihâimana u'âsi mono, dawasédé te te oto da'ãma 're i'ab'madâ'â mono õ zarina, te te 're ida'awẽsãmri mono zé hã, tãma waihu'u pese za'ra õ di. Te te 're ida'awẽsãmri mono zéb da, 'Re ihâimana u'âsi mono te te tãma 're ipisutu za'ra mono zé hã, te te 're 'madâ'â pese za'ra mono õ di, ta norĩ hã. Si'uihâ na te te sima 're ipisutu za'ra mono zéb zarina si, ma tô 'râwi sô 're si'wapé za'ra, taha na te te 're wẽsãmri za'ra mono da newa.