Marcu 2:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã Zezusi hã ãne te te sina wapari za'ra wamhã, ma tô tãma nharĩ za'ra, ãne: — Hâzé ãna 're inomro mono norĩ zô, dawede'wa hã 're siwasutu za'ra mono õ di, te te 're wede za'ra mono da. Ihâzé ré norĩ zô si te za 're siwasutu za'ra, te te 're pese za'ra mono da. Tane duré wa hã. Dawẽ na 're idanomro mono norĩ zô, ĩsitẽme 're ĩhârâ mono da, we ĩmorĩ õ di. Dawasété na 're idanomro mono norĩ zô si, 're ĩhârâ mono da, wa tô wei mo.

Marcu 2:17 ပူးပေါင်းရင်းမြစ်များ

Mateu 18:10

— Ãhãta ai'uté norĩ hã te asimro. Ãma 're rosa'rata wasété za'ra wa'aba mono tõ, dama iwapu newa. Tô sena, wa aima rowasu'u za'ra wa'wa. Hâiwa ãma 'Re ihâimana u'âsi mono ma romhuri'wa norĩ hã te ai'uté mono bâ te te 're 'madâ'â pese za'ra, misi si, tite mono bâ. Ta norĩ hã te Ĩmama nho'a te te 're 'madâ'â pese za'ra, hâiwa ãma 're isãmra mono nho'a.

Luca 15:10

— Tane duré, ni'wa hã siwa'ru 're imorĩ hã, tiwasédé hã te te oto rẽme pese wamhã, hâiwa ãma 'Re ihâimana u'âsi mono ma romhuri'wa norĩ hã te za ãma 're to za'ra, tiwasédé hã te te rẽme pese wẽ te, misi nherẽ.

Luca 15:29

Ãhã wa, te timama ma tinha, ãne: “Wa hã wa tô te aima 're romhuri pese. Ĩ'ãma wahub ahâ di, te aima 're iromhuri mono ré hã. Niwa, aimreme hã te simini õ di. Tane nherẽ, marĩ ĩma sõmri õ di, pone'ẽrebâ hã, dasa hã ĩsiwadi norĩ ma, te i'manharĩzéb da hã ãma.

Luca 15:7

— Tane duré, ni'wa hã siwa'ru 're imorĩ hã tiwasédé hã te te oto rẽme pese wamhã, hâiwa ãma 're isi'ubumroi mono norĩ hã te za tãma 're to za'ra, misi nherẽ. Õhõ ãma si, te za 're toi uptabi za'ra, 're inomro wẽ mono norĩ nhipai u hã, 99 na ihâiba za'ra nhipai u hã. Ta norĩ hã 're nomro wẽ mono wa, tiwasété na 're isiwẽ'õ za'ra mono da hã, mare di.

Luca 16:15

Tahawa, te Zezusi hã tãma nharĩ za'ra, ãne: — A norĩ wa'wa hã aiwẽ newa, te ai'ãma 're dawata za'ra wa'wa. Tazahã asimirosa'rata 'wa hã, 'Re ihâimana u'âsi mono ma, waihu'u pese di. Ãté, marĩ na te za dasima ãma 're dawata za'ra, iwẽ newa. Tazahã tãma wẽ õ wamhã, te za te te 're awẽ'õ, 'Re ihâimana u'âsi mono hã.

Zuwã 9:34

Tawamhã farizeu norĩ, te duré asa tãma nharĩ za'ra, ãne: — Aiwasété ré, ma tô ana dub're asa'ẽ. Tahawa, ma tô atob'a na aipo. E niha te bété wama irowasu'u za'ra, aiwasété nherẽ. Mo oto aimorĩ. Rowahutuzéb u dame 're azasi mono õ di za oto.

Zuwã 9:40

Tawamhã farizeu norĩ i'rata isimasa, te tãma nharĩ za'ra, ãne: — Wa norĩ hã bété. E wapẽ'ẽ 're, watob'a na wa 're wanomro. E wa norĩ hã te iwawasu'u za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:20

Damascu ãma uimrehẽne wa tô Zezusihi zadawa wasu'u na hã dama ãma sãna'rata. Taha parip si, Zeruzalẽ ãma wa tô duré dama ãma rowasu'u. Taha parip si, wa tô duré Zudéa ãma dama sadawa wasu'u, zudeu norĩ ma, zudeu'õ norĩ ma zama. Ta norĩ hã tiwasédé hã te te 're rẽme za'ra mono da, duré 'Re ihâimana u'âsi mono niwĩ 're nomro wẽ mono da, wa tô te tãma ãma 're rowasu'u za'ra, tô sena tiwasété wi 're isipizari za'ra mono na, da te 're waihu'u za'ra mono da.

Titu 2:14

Ta hã ma tô wazada sisõmri za'ra, wazada dâ'â za'ra da, 're iwanomro wasété mono hawi, te te 're wa'anho'reptui mono da, isib'a'uwẽ si 're wahâimana za'ra mono da oto. E marĩ da. Sena na 're wanomro mono da, duré wawa'a ãna iwẽ na si wa te oto 're dapawaptob za'ra mono da.