Marcu 16:7 - ꞌRe Ihâimana Uꞌâsi Mono Zadawa Wasuꞌu

⁷ Tahawa, te za oto apâ ai'aba'réi wa'wa, Pedru norĩ ma tãma rowasu'u za'ra wa'aba da, ãne: “Zezusi hã aiwana te za, u, timorĩ 'wa, Galiléa u. Tame te za, u, isõpẽtẽ za'ra wa'wa, aima isiwaihu'u za'ra wa'aba zéb zarina.”

Marcu 16:7 ပူးပေါင်းရင်းမြစ်များ

Mateu 26:32

Tane nherẽ, asiwi ĩrẽme aba nherẽ, ab're hawi apâ ĩhâiwa'utu parip si, wa za aiwana za'ra wa'aba ĩmorĩ 'wa za, Galiléa u, tamomo ĩnhopẽtẽ za'ra wa'aba da.

Mateu 28:10

Tawamhã Zezusi te tãma nharĩ zahuré, ãne: — Aipahi wa'aba tõ. Mo oto ane wa'aba, ĩsisãnawã norĩ ma, ĩwasu'u wa'aba da, Galiléa u ĩzarina ãma si'aba'ré da. Tamep si te za siwi ĩ'madâ za.

Mateu 28:7

Taha parip si, te za sa'ẽtẽ ane wa'wa za, isiré 're inomro mono norĩ ma, wasu'u wa'aba da. Ãne te za tãma iwasu'u za'ra wa'wa za: “Ma tô hâiwa'udu. Galiléa u ma tô duré asõwab za'ra wa'aba hã mo. Tamep si te za asiwi i'madâ'â 'wa za.” Ãne na ĩmreme na hã ãma aipo're simrami aba tõ za. Tô'ã!

Marcu 14:28

Tane nherẽ, ab're hawi apâ ĩhâiwa'utu parip si, wa za aiwana ĩmorĩ 'wa, Galiléa u, tamomo ĩnhopẽtẽ za'ra wa'aba da.

Marcu 14:50

Tawamhã isiré 're inomro mono norĩ hã aihĩni ma siwi tirẽ. Wara sina, ma dama ropé.

Marcu 16:8

Tawamhã ma wairé ab're hawi, wara sina sisa'rei mono da. Tãma pẽ'ẽwara za'ra wa, te tirẽrẽ'ẽ za'ra. Pahi te, ni'wai ma, te te rowasu'u za'ra õ di a'â.

Zuwã 21:1

Tawamhã Zezusi hã ma tô duré tãma sihâi'ré za'ra, tisiré 're inomro mono norĩ u. Isõ'u zaihâ u ma tô itẽme sihâi'ré za'ra. Tiberiadi na 'ri nho'õmo nhisi 'rata, isõ'u hã te 're hâimana. Ãne duré itẽme isihâi'ré za'ra zé wasu'u hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 13:31

Tawamhã apâ hâiwa'utu pari, ma tô nasi dama sihâi'ré, bâtâ ahâ na, Zezusi hã. Galiléa hawi, Zeruzalẽ u aré isiré isi'aba'ré norĩ ma, ma tô nasi tãma sihâi'ré za'ra. Ta norĩ hã te oto te te dama 're wasu'u wẽ za'ra Zezusi hã, Izaraéu nhihudu norĩ ma.

1 Corĩtu 15:5

Tawamhã Zezusi hã hâiwa'utu pari, Pedruhu ma, ma tô sihâi'ré. Taha pari, ma tô duré tizadawa wasu'u'wa norĩ ma zama sihâi'ré za'ra, 12 na aré isiré 're inomro mono norĩ ma hã.

2 Corĩtu 2:7

Tane nherẽ, a norĩ wa'wa hã iwasédé hã ãma 're 'madâ'â za'ra wa'aba mono õ di za oto. Tâibâ. Ma tô siwẽ'õ, tiwasété na hã. Apâ te za asiwi i'âri wẽ wa'wa, robze na asiré 're hâimana aba mono da oto apâ. Tiwi robzei'õ pese wa, 'Re ihâimana u'âsi mono te te rẽme tõ da, te za apâ asiwi i'âri wẽ wa'wa.