Marcu 16:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã ab're 're, sisisi wamhã, ma tô aibâ hã siwi sõpẽtẽ iprédupté hã, uza hâirã ré isãmra hã. Inomrozé nhimire niwĩ te nhamra. Tahawa, pi'õ norĩ hã ma tãma tipẽ'ẽwara za'ra.

Marcu 16:5 ပူးပေါင်းရင်းမြစ်များ

Daniéu 10:12

Ãne te ĩma tinha: — Daniéu, aipahi tõ. 'Re ihâimana u'âsi mono ma tô aimreme hã wapa, tiwi irowaptẽrẽzé hã, imorĩ'rata na asina tãma ti'awi wa, rowaihu iwẽ hã te te aima isõmri zô, isõ're i'aihâimana hawim haré. Tahawa, tiwi irowaptẽrẽzém na te te ãma i'asada'âbâzéb ré wa tô we atẽme mo.

Daniéu 8:17

Tawamhã Gabriéu 'râwi te te ĩtẽme sina rotété wamhã oto, wa tô ĩpahi pese. Tahawa, wa tô ĩhi'rãtitõ tãma aime. Wa tô duré ti'ai u ĩ'ubu na ropto. Tahawa, te ãne ĩma tinha: — A hã, aibâ i'atâ'â pesere, marĩ i'madâ'âzé iwaihu'u da hã tô i'ru zahi. E marĩ wa. Rob'rãsutuzé, ta hã te te sina wasu'u wa.

Mateu 28:3

Tã si'ubuzi ne ihâiba hã. I'uza hã duré rã uptabi di.

Marcu 1:27

Tawamhã ma ãma tatob'uzu za'ra ni. 'Râwi te ãma dasima rowasu'u za'ra ni, ãne: — Õ hã, e niha. Wama isa'rese õ na, te wama rowahutu za'ra. Wa'uburé norĩ ma, te te rob'rui wamhã, ma tô duré wapari za'ra, imreme hã.

Marcu 14:33

Tawamhã Pedru norĩ hã te siré te te simro, Tiagu norĩ hã, Zuwãhã me. Tawamhã te te sina rosa'rata pese wamhã, sina pẽ'ẽzé uptabi di.

Marcu 16:4

Ab're nhitobzé hã ẽne hã tõmo wawẽ uptabi wa, ma ãne sima waihu'u za'ra. Tane nherẽ, sihutu wamhã, ẽne da te isa'ré na ma tô 'madâ'â za'ra.

Marcu 9:15

Zezusi hã da te 'madâ'â za'ra wamhã, uburé ma tô ãma tatob'uzu za'ra ni. Tahawa, ma tô itẽme dasisa're, da te sawi za'ra da.

Luca 1:12

Tawamhã te te sãmri wamhã, ma tãma pẽ'ẽwara, Zacaria hã. Te te rosa'rata waihu'u õ di.

Zuwã 20:8

Tawamhã ab're u iwisi 'rada hã ma tô duré oto isarina ãzé. I'ubuzé hã ma tô duré 'madâ'â za'ra. I'rã ubuzé hã isiti inomro hã te duré 'madâ, hâ nhinhai haré. Te te 'madâ'â wamhã, ma tô Zezusi hã saze, ihâiwa'utuzém na.