Marcu 16:4 - ꞌRe Ihâimana Uꞌâsi Mono Zadawa Wasuꞌu

⁴ Ab're nhitobzé hã ẽne hã tõmo wawẽ uptabi wa, ma ãne sima waihu'u za'ra. Tane nherẽ, sihutu wamhã, ẽne da te isa'ré na ma tô 'madâ'â za'ra.

Marcu 16:4 ပူးပေါင်းရင်းမြစ်များ

Mateu 27:60

Te te hâiba ubu pari, ma oto tite ab're siromo wa tisẽ Zuzé hã, sa'a zahâpâ da te aré tãma i'ab're siromo wa. Taha pari ma tô ẽtẽ tõmo zapodo hã te te pizari, ab're te te ãma iré sitob da. Tawamhã te te iré sito pari, ma tô oto mo, õne haré.

Mateu 27:66

Tawamhã ab're u te oto ai'aba'ré, da'wapéi'wa norĩ siré. Tawamhã ẽtẽ tõmo zapodo hã, ab're nhitobzé hã marĩ na ma tô siwi upto, sitop tete na iré sab da, da te dasiwi sa'ré tõ da. Da'wapéi'wa norĩ ma, ma tô duré roti za'ra, ab're nhitobzéb 'rata simasab da, te te siwi 'madâ'â u'âsi za'ra da, sõtõ za'ra ãna.

Marcu 16:3

Bâdâdi na si'aba'réi ré, ma ãne sima waihu'u za'ra: — E 'wa hã te za ẽne hã wama sa'ré za'ra, ab're nhitobzé hã.

Marcu 16:5

Tawamhã ab're 're, sisisi wamhã, ma tô aibâ hã siwi sõpẽtẽ iprédupté hã, uza hâirã ré isãmra hã. Inomrozé nhimire niwĩ te nhamra. Tahawa, pi'õ norĩ hã ma tãma tipẽ'ẽwara za'ra.

Luca 24:2

Ab're u sihutu wamhã, ẽne ma tô 'madâ'â za'ra, ab're nhitobzé hã. Ni'wa hã ma tô ab're nhiti sa'ré. Tahawa te 'ridawa sitob õ na 'ridawa haré oto za.

Zuwã 20:1

Tawamhã pi'õ Maria Madaréna te robza'rã ré dumigu na ab're u hã mo. Tawamhã ab're u morĩ wamhã, ab're nhitobzé ẽne hã, baba di. Ni'wa ma tô iwana isiti hã sa'ré.