Marcu 16:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã Zezusi hã tisiré 're inomro mono norĩ u ma duré wi, sai ma, si'ubumroi ré, 11 na ihâiba za'ra u. Tawamhã timreme ma tô tãma pẽtẽ za'ra, siwi isabui'wa norĩ nhimirowasu'u hã te te saze za'ra õ wa, apâ ihâiwa'utuzém na da te iwasu'u na hã.

Marcu 16:14 ပူးပေါင်းရင်းမြစ်များ

Mateu 11:20

Tawamhã nima niwĩmhã 'ri wa'õtõ mono bâ 're idahâimana za'ra mono norĩ hã dawasété wi 're dasipizari za'ra mono õ wa, ma tô Zezusi hã siwi dawẽ'õ, tiwaihu'u pese na marĩ dama i'manharĩ waihu'u'õ hã tamep si te te dama 're ab'manharĩ wẽ u'âsi mono nherẽ.

Mateu 17:20

Tawamhã Zezusi hã te asa tãma nharĩ za'ra, ãne: — 'Re ihâimana u'âsi mono hã suru na 're umnhasi za'ra wa'aba mono wa, tãma hã mei waihu'u za'ra wa'aba õ di. Tô sena, wa aima waihu'u za'ra wa'wa. Mostada nhamare hã surure nherẽ, da te 're wa, oto poto wamhã, wede za'ẽtẽ uptabi di. Tane, a norĩ wa'wa hã surure na 'Re ihâimana u'âsi mono 're umnhasi za'ra wa'aba mono wamhã, surure na nherẽ, uburé marĩ hã te aré 're i'manharĩ za'ra wa'aba mo, asi'uihâ na aima waihu'u za'ra wa'aba õ nherẽ. Ã ẽtẽ 'rãihâ ma, te aré inharĩ za'ra wa'wa, si'uihâ na si'ré da, isabzém nhiti. Tawamhã te aré tô ai'ré.

Mateu 28:17

Tawamhã Zezusi hã te te siwi sãmri wamhã, ma tô ãma tiwata za'ra. Tane nherẽ, nima norĩ hã ma tô wawã za'ra, õ hãi õ newa.

Marcu 7:18

Tawamhã ma tô tãma nharĩ za'ra, ãne: — E niha a norĩ wa'aba ma zama, aima waihu'u za'ra wa'aba õ di bété. Dasa hã da te 're huri mono wamhã, taha na 're dasiwasété za'ra mono õ di za 'râwi.

Luca 24:11

Tane nherẽ, isimirowasu'u na te te saze za'ra õ di, taré newa.

Luca 24:25

Tawamhã Zezusi hã te asa tãma nharĩ zahuré, ãne: — E niha bâ bété, waihu'u su'u aba õ di, sazei aba da, 'Re ihâimana u'âsi mono zadawa 'mahârâ 'rata 'wa norĩ nhimirowasu'u mono bâ, Danho'reptui'wa na rob'ui'éré hã. Danho'reptui'wa da, 'Re ihâimana u'âsi mono te te ipisudu hã te za a'â robzépata, rowasédé, da te tãma 'manharĩ wamhã. Taha parip si, te za rowẽ ãma 're sãmra, 'Re ihâimana u'âsi mono te te tãma ipisutuzéb uwaibaba.

Zuwã 20:26

Tawamhã romhuri misi ãma si'utõrĩ za'ra pari, ma tô duré Zezusihi siré 're inomro mono norĩ hã si'rã'õtõ, tô dumigu na. Tome hã te oto ime tinhamra za'ra. Tawamhã 'ri nhitop tete nherẽ, ma tô duré wei itẽme tizébré za'ra, Zezusi hã. Iwa'wab za'ra, te duré ãhã wamhã za. Ãne te tawamhã duré sawi za'ra: — Rowẽ na 're aihâimana za'ra wa'aba mono.

Zuwã 20:27

Tawamhã Zezusi te Tomehẽ ma tinha, ãne: — We ĩtẽme aimorĩ, ĩnhib'rada 'madâ'â da. Ĩnhib'rata zapu'uzéb 're, asipto hã sẽrẽ. Duré ĩ'a're wi ĩwa'rézéb 're, asib'rada hã sẽrẽ. Ĩhâiwa'utuzém na ĩwasu'u na, ĩwawã tõ. Te za oto ĩzaze, ĩhâiwa'utuzém na hã.

Zuwã 21:1

Tawamhã Zezusi hã ma tô duré tãma sihâi'ré za'ra, tisiré 're inomro mono norĩ u. Isõ'u zaihâ u ma tô itẽme sihâi'ré za'ra. Tiberiadi na 'ri nho'õmo nhisi 'rata, isõ'u hã te 're hâimana. Ãne duré itẽme isihâi'ré za'ra zé wasu'u hã.

Zuwã 21:14

Ab're hawi hâiwa'utu pari, te nasi itẽme sihâi'ré za'ra, Zezusi hã, tisiré 're inomro mono norĩ ma. Ãhã na itẽme iwisi za'ra zém na hã, si'ubdatõ oto itẽme isihâi'ré za'ra zé hã, isiré 're inomro mono norĩ u hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:3

Zezusi hã dâ'â nherẽ, hâiwa'utu wamhã, tihâiba na u'âsi te tô nasi tãma sihâi'ré za'ra, tizadawa wasu'u'wa norĩ ma hã. Nasi itẽme isihâi'ré za'ra zém na hã, 40 na ma tô bâdâ hã ãma ne. Tô sena, Zezusi hã hâiba ré za oto apâ 're imorĩ na te te ãma waihu'u za'ra da, te nasi itẽme sihâi'ré za'ra, taré newa, te te nasi ãma siwi wawã tõ da. 'Re ihâimana u'âsi mono, da'ãma 're isib'a'uwẽ mono zém na ma tô duré tãma rowasu'u za'ra.

1 Corĩtu 15:5

Tawamhã Zezusi hã hâiwa'utu pari, Pedruhu ma, ma tô sihâi'ré. Taha pari, ma tô duré tizadawa wasu'u'wa norĩ ma zama sihâi'ré za'ra, 12 na aré isiré 're inomro mono norĩ ma hã.

Apocalipsi 3:19

Wa hã te 're i'azawi pese mono norĩ hã wa tô te tãma 're aroti pese, tiwasété na 're sisãmri za'ra mono da. Wa duré te 're hâ za'ra, apâ 're nomro wẽ mono da. Tahawa, te za aiwasété wi aipizari za'ra wa'wa, sena na ĩ'ãma 're anomro u'âsi aba mono da oto.