Marcu 16:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã Zezusi apâ 're imorĩ na, duré itẽme iwisizém na hã te te tãma rowasu'u za'ra wamhã, te te ãma saze za'ra õ di.

Marcu 16:11 ပူးပေါင်းရင်းမြစ်များ

Ezodu 6:9

Tawamhã te te tãma iwaihu'uzéb zarina, ma tô Mozési Izaraéu nhihudu norĩ ma sadawa wasu'u za'ra, 'Re ihâimana u'âsi mono hã. Tane nherẽ, te te sima wẽ za'ra õ di, te te siwi iwapari da hã. E marĩ wa. Tãma robzei ãna hâimana za'ra wa, pawa'âbâ ãna te te 're romhuri za'ẽtẽ za'ra mono wa.

Mateu 28:17

Tawamhã Zezusi hã te te siwi sãmri wamhã, ma tô ãma tiwata za'ra. Tane nherẽ, nima norĩ hã ma tô wawã za'ra, õ hãi õ newa.

Marcu 9:19

Tawamhã aibâ mreme te te wapari wamhã, ma tô tisiré 're inomro mono norĩ ma tinha, ãne: — E niha bété ai'rata za'ra wa'aba 're ĩnhamra u'âsi mono nherẽ, asina 're ĩ'umnhasi za'ra wa'aba mono õ di bété, te 're i'aipawaptob za'ra wa'aba mono zéb da hã. E ĩpẽ'ẽzé u'âsi, wa za asiré za'ra wa'aba hã 're mo, asina 're ĩ'umnhasi za'ra wa'aba mono õ wa. Ma'ãpé, ai'repudu hã we ĩtẽme asiwi saprõni aba.

Luca 24:11

Tane nherẽ, isimirowasu'u na te te saze za'ra õ di, taré newa.

Luca 24:41

Imreme te te wapari za'ra wamhã, te 're to za'ra, tipẽ'ẽ na. Tãma rowẽ uptabi za'ra di. Tane nherẽ, Zezusi hã hâiwa'utu õ newa, te te ãma saze za'ra õ di. Tahawa, mrab zô te sadanharĩ za'ra oto, Zezusi hã ãne: — E mra, te aima tihâimana za'ra wa'wa.